كل زوجه قلبها ضعيف وتبغي تقوي قلبها وبالشبشب تتفضل !!خطه اجتماع

السلام عليكم ورحمة الله انا مس فروله عرفتوني والسبب مصايبي مع زوجي اول شي اقولكم تعرفون من وين يايه صح صح صح من عند دراقه وابشركم اهيه تسلم عليكم والحمدلله الطبيب شو قال انها تستجيب للعلاج بشكل ممتاز ولله الحمد وقال باذن الله قريب قريب تنتهي المعاناه اليوم والله العظيم ويها مورد نستني مشاكل مع خطيبي وخلتني انسى انه موجود على الارض سولنا وفرحنا وتسال عنكم وتسالني عن كيفي دلوعه شو يابت بنت ولا ولد وقلتلها ماعرفها ما اتي رسال !! وتسالني عن البنات كلهم ونفسيتها طيبه وابشركم ابشركم الكل يعرف انها كانت تبا ولد خالتي وهوه يباها صح ان شا ءالله باذن الله يوم الخميس هذا بس انتم ادعولها باذن الله بتكون في خطبه وربي يوفق يارب صحيح هيه في المستشفى بس اذا تمت الخطبه باذن الله بتتحسن حالتها بسرررعه يارب تتم موضوعها يوم الخميس يارب يارب خل ابوه الجبار يوافق ويخطبها لولده يارب يارب عشان تتهنى وتعيش الي باقي من عمرها مع الشخص الي تحبه المهم الزبده انها تسلم عليكم ..(( بقولكم انا اشسويت مع سبعي !!! بنات اتصلي وانا راده من بوظبي رايحه دبي وتصدقون اني ماكلمته !! تعرفون ليش عشان ماينكد عليه السعاده والفرح الي شفتها في عيون اختي ويوم شفتها تستجيب للعلاج وقلبها منور وتحسون الامل في عيونها المهم خذتلي شور وانا اتبعت نصيحتكم اثقل !! اطنش عشان يركض ورايه بس الي صار طنشني:hahaha: ورديت انا الي اركض وراه المهم انا اشسويت كل ما اي بطرش مسج اقول انتي غبيه هذا واحد غبي تستحقين احسن منه واذا شفت رقمه اقول في خاطري عكس مااشعر يعني انا اكره انا اصلن ما ابغي ارد حتى لو ابا يعني احاول اقوي قلبي نجحت الخطه معايه20% ولكن انا ام المصايب والمشاكل مااصبر :30: اقوم وصلي ركعتين استخاره وادعي الله بالخيره واروح الحمام لاني حسيت بيني اسهال من كثر ما كنت خايفه :hahaha: واكتب المسج على رواق واكتبله ان الي بينا قصة حب جميله والكل يحسدنا عليها وانا انسانه احبك واشتريك بروحي ولكن الوضع بينا غريب وبعطيك فرصه كم يوم تفكر فيها ولا بتصل ولا بزعجك ويا انك تعاملني مثل الله وخلقه يا ان كل شي بينا ينتهي انا مصلية الاستخاره قبل لا اطرش ومن هذا الكلام طبعا انا كتبتلكم الزبده وكتبت الموضوع بطريق كيد النساء بنات عاد انا حطيت التيلفون من هنيه اقول الحين بينحرق وبيفكر وبيتادب ما طرشت المسج الا ياني الرد الي تشوفينه وال عليك الله وكبر عليك يعني الحين يوم يبت طار الفرقا اطرش المسج بهذه السرعه وانا يوم اطرش مرات مسج ابا رد ما القا الرد غير بعد كم يوم !!! عاد انا طرشت مسج ارقع خخخخخخ حريم :hahaha: لا انا اقصد يا حياتي :hahaha: ان زمام الامور في يدك انته فكر وباذن الله ربي يكتبلنا الخير عاد ماطرش وانا الحمدلله صار قلبي قوي يعني لو اول طرشتله مليون مسج وغير هذا اتصل ابكي ووووو الى اخره بس حسيت انا الي غلطت ونصيحه يا بنات المخطوبات والمزوجات لا تحسسون ريالكم انهم كل شي في الحياه اثقلوا الريايل ما يحبون السهله حتى لو حرمته السهل الممتنع افضل يعني انا والله لو يقولي ارمي نفسج في النار رميتها الحين يالسه ابني علاقتي وياه من اول ويديد اقول ليش نحن بينا شرع الله ويبتعدون عنا وبنات الهوى يتقربون منهم لان بنات الهوى بنات كلب :eek: والله العظيم لو تسمعون تسجيل سمعته يوم يكلمها يخرب بيتها شو دلع شو اسلوب شو كلام شو ذرابه والله تقولون متخرجات من اكبر جامعه غير هذا يعرفن متى يسكتن ومتى يرمسن مب مثلنا ليش هن جيه من كثر يعني ما كلمن شباب الحمدلله الي ربي حمانا انزين الحين الخطه هيه نريد تجمع ويكون التجمع اسمه كيف تكسبين زوجك من جديد كلنا هنيه نحط كيد النساء ونحط كل مهاراتنا انى نردهم النا وخاصه المخطوبات يعني ا نا ريلي غسلت يدي منه وابوي اليوم قالي كلمه والله اني حبيته اليوم بس حبيته امحق بنت:hahaha: قال تخلين وحده ما تسوى ظفرج تاخذه منج وانتي شيختهن وحرمته وحلاله رديه ولا تخلينه الهن واتوكلي على الله وربي ما بيخيب ضنج انا لزمة الاستغفار خلاص ويالستله بالمرصاد وباذن الله بالدعاء ان الله يكتب الي فيه الخير ما ابغي اطلق وانا بنوته :( وغير هذا احبه بس الحمدلله صرت اقوى واقسى وبنات تريدنتخففن من الشوق حولنه من مخلوق جميل اذا كائن مخيف اذكري اشين شي فيه اسلوب ولا شكل ولا طبع شوي شوي بتقدرين تخففين من الشوق والهفه وبتشوفينه بعقلج مب بقلبج انا بصراحه كنت
امباااااااااااااااااااااااااااااااااااااااااع وغير هذا
لاف عقلي بقوه بس هنيه العضوه مريومه قالتلي كمن كلمه خلني ارد لصوابي .. وخطتي استرجعه بكرامه واخليه هوه الي يركض وراي مب انا الي اركض وراه وباذن الله اخليه يترك البنات معنه مب ملحق عليهن في التليفون ولا في المسن ولا ولا ولا الحمدلله بس يالله لك الحمد ماعرف هالريايل مخيخهم كيف وبما انى تدبسنا خلاص وهذا نداء للي تحبه ولا تقدر تاخذ غير ريلها تحط ايدي في ايدها وتسترجع زوجها بكل حب وقوه وبكل كرامه انا من 3 ايام انتبهت ان شكلي صار مثل العيوز الي في طاش ما طاش تعرفونها الي شعرها على فووق لا حد يقولي حرام المسلسل لاني خلاص مااشوف تلفزون ولا اسمع اغاني الحمدلله بس هذا من الماضي هههههه المهم اشبها بس الحين سوينا مجموعه في قسم البشره وشوي صار وقتي مشغول وابتعدت عنه اول تعرفون شو اسوي حاطع الموبيل جدامي والمنديل عداله واصيييييييييييييييح واطرشله مسج احبببببببببببببك والله اموت فيك واصييييييييييييييييييح اشتقتلك واصييييييييييييييييييح ابا اسمع صوتك واصيييييييييييييح بموت بدونك وعمى ان شا ءالله توني انتبهت اني طفشته من كثر ما خليته يحس انه كل شي في حياتي الحين الحمدلله التليفون عدالي مب مجابلني واصيح بس مااطرش مسج :hahaha: اول ما خليت قصيده عاطفيه ما طرشتها وعلى بالكن هذا يرده والله طفشته اكثر وكل مااقوله انته غالي كل ما شرد بسم الله لا يكون يتحراني عزرايل تعرفون الي يحلي في عينهم العلاقات المحرمه الشيطان بس نحن معانا الله سبحانه وتعالى وبيقرب بينا وبينهم يارب وانا اعرف اصله طيب بس يتاثر بسرعه وينحرف بسرعه ويلتزم بسرعه يعني قلبه قرقوعه ما يثبت وهواوي الله يعيني بس عشان جيه يالله نبا خطط واذا بتنقلون الموضوع ومكانه هب هنيه ما عندي مانع لاني ما عرفة وين بحطه يالله يا بنات الفزعه القاعده الاولى

# اشغلي وقتك ولا تجعليه محور حياتك حتى لا يهرب وحسسيه انه مب اهم شي في الدنيا

# لا تبعثين مسجات كثيره واثقلي عليه حد يعلمني الثقل يا بنات ترى توني ا ب في الثقل

# هذي على الي بعدي يالله يابنات لا تحرمونا من ابداعاتكم

مس فروله وان شا ءالله بفارق كلمة مس عن قريب وبكون مدام يارب ماطلق يارب