السلام عليكم ..
كتبت رد لوحده من العضوات وكلامي كان عبارة عن قصة أعرف أصحابها شخصياً . .
ووحده من البنات الله يسعدها نبهتني لما قالت لي أنو ياليتك نزلتيها موضوع مستقل.. !!
وللعبرة بنزلها هنا كموضوع مُستقل ..
لعل أحد يستفيد منها ..
هذي وحده نعرفها ، عندها ولد صغير و كان ابوه جايب له ألعاب اللي تكون كرتون وفيها ملابس شرطي وكلبشات ومسدس .. الخ
الولد كان مبسوط بلعبته الجديده ، فتحها وقام يلعب..شافت اللعبه حقت الشرطي عمة الولد !سحبت اللعبه من الولد وأخذتها ورمتها في الزباله!!جتها أم الولد وسألتها ليششش رميتي اللعبه ، جديده تو اخوك جابها لولدي .. !! ردت العمه(لاحقين لاحقين على السجن والسجون) ، أو (وجهه على السجن تونا تونا ليش مستعجلين عليه ) ..طبعاً قصد العمه أنو ولدك بما ان إنتي امه فماتعرفين تربينه وبيكبر وبيدخل السجن !!
العمه هذي كان لسانها سليط ومؤذية جداً وقالت هذا الكلام وهي توهااا شباب صغيرة ومابعد تتزوج حتى !المهم انه مرت الأيام والسنين ..!
و بعد ٢٥ سنه بالضبط ..العمه اللي كانت تجرح بالكلام وتأذي الناس
الله ابتلاها في اغلى عيالها اللي كانت تحبه وتحب سوالفه يومه صغير ..
لدرجة ان هي بنفسها صارت تروح للشرطه تشتكي ولدها تقول أسجنوه !!
صار يدخل السجن ويطلع منه كل فترة ..وطاح في الشراب والخرابيط وصار يضربها 💔
وهي تترجي الشرطه يسجنونه!!
لأنه يكون مو واعي وتخاف على نفسها وعلى بناتها منه !!
أنا متأكده ان العمه نست كلمتها للأم !ولو أحد يذكرها يمكن تجحدها حتى !؟بس الأم ما نست !!
والله ماينسى جرحها للأم وكلمتها اللي قالتهال ولد اخوها اللي كان عمره اقل من ٥ سنوات حتى ..
تدور الحياة ثم يُصاب :
1/ كُل ظالم بما ظلم .
2/كل شامت بما شمت .
3/كل مُسيء بما أساء به .
اللهم استرنا بسترك الحصين وأعصمنا بحبلك المتين ..
REEM @REEM_ALTURKI
عضوة نشيطة
يلزم عليك تسجيل الدخول أولًا لكتابة تعليق.
الله لا يجعلنا نؤذي احد لا بلساننا ولا بافعالنا ويكفينا يارب شر من يؤذينا ولا يودنا ويتمنى الشر لنا قادر ياكريم
يعلم ربنا ومن يعرفنا حسن اخلاقنا وان ابتلينا يارب بمن لاخلاق له
ابعده عنا بدون لا اذى لا لنا ولا لاحبابنا ولا له يالله عشانه مسلم وعشان يمكن مر يوم جميل معه
بس هو ايش عذره ع اسلوبه مدري
يالله الله لا يبتلينا بانفسنا وبمن نحب يارب ويكفينا شر من يتمنى لنا الاذيه انك تعلمه وحنا نجهله لوكان اقرب الاقربين لقلوبنا
باعد بيننا وبينه
قصه مؤثره شكرا لك ياعسل
يعلم ربنا ومن يعرفنا حسن اخلاقنا وان ابتلينا يارب بمن لاخلاق له
ابعده عنا بدون لا اذى لا لنا ولا لاحبابنا ولا له يالله عشانه مسلم وعشان يمكن مر يوم جميل معه
بس هو ايش عذره ع اسلوبه مدري
يالله الله لا يبتلينا بانفسنا وبمن نحب يارب ويكفينا شر من يتمنى لنا الاذيه انك تعلمه وحنا نجهله لوكان اقرب الاقربين لقلوبنا
باعد بيننا وبينه
قصه مؤثره شكرا لك ياعسل
REEM
•
وعليكم السلام فاعتبروا يا أولي الألباب يعطيك العافيةوعليكم السلام فاعتبروا يا أولي الألباب يعطيك العافية
يعافيك 💗💗
الصفحة الأخيرة
حبيت القصه يارب لا تجعلنا ظالمين ولا مظلومين...