كل سنعه تدخل تخبرنا طريقتها بالتوفير

الجاج اشتريه شهري ونضفيه واعمليه طبخات وعالفريزر عطول كذلك اللحمه ....خلي بالفريزر لحمه مفرومه كثير توفر بالأكل اعملي معكرونة فيها صواني خضرا مع لحمه مفرومه بالفرن. ... خلي عندك حصالة وحطيها عالتسريحه ولما بيجي جوزك عوديه أي دراهم زياده الك ههههه .... ملابس ولدك الي أصبحت ضيقه خبيها حق أخوه

نبغى كمان افكار

رفع

جزاكي الله خيرا. ...الله يرفع مقامك يارب

شوفي يا قمر
لما كنت ساكنه بيت اهل زوجي ما كنت احس بالمصاريف
لاني مصاريفي لنفسي فقط
لا ماي ولا كهرباء ولا اكل ولا شي

لما انتقلت بيتي كثيييير تأثرت الميزانية عندي
وصارت علي ديون
بعد حوالي سنة بديت ارتب اموري والحمدلله وضعي اهون من قبل ..

اول شي طبقت القاعدة اللي تقول
**الاغنياء يوفرو قبل عقب يصرفوو...الفقراء قبل يصرفوو عقب يوفروو**


انا سويت خطة امشي الراتب فيها
اشتريت خزنة
والراتب اول ما ينزل اقسمه مباشرررة
كالتالي
*مبلغ للجمعية (مشتركة بجمعية أهلية )
*مبلغ لاهلي
*راتب الشغالة
*مبلغ للماي والكهرباء (نسدد فاتورة الشهر واللي يفضل ما نلعب فيه نرجعه ف نفس المحفظة لان فالصيف ترتفع الفاتورة اضعاف.

*مبلغ بسيط للزيارات (وقت ازور حد واريد هدية يكون المبلغ موحود ما اضطر أاجل طلعتي ل نهاية الشهر ).
*مبلغ للمناسبات (اجمع فيه للاعياد عشان ما تصير ازمة وقت شراء ملابس العيد والعيدية).

*مبلغ بسيط للسيارة (للمخالفات والتجديد وغيره)

*مبلغ لولدي (مسويه حصاله لولدي وشهريا احط فيها مبلغ بسيط )

الباقي يكون مبلغ لا بأس فيه
اشتري اغراض البيت والمطبخ والاغراض العادية

اغراض المطبخ والتنظيف
استغل وقت العروض
مثل صابون الملابس اشتري الكيس الكبير فيه نوع يجي 25 كيلوو يكفيني 6 شهور واعبي منه ف علبة الباقي اخبيه..
المنظفات العادية كذلك

اغراض المطبخ اشتري وقت العروض
وما اشتري كل شي خاطري فيه لا صار عادي معي أاحل بعض الاشياء بالذات اني بديت اغير نظامي واخلي اكل صحي فاعتمد اكثر شي اوفر خضار وفواكه