كل سنه احس قلبي بيطير من الفرحه اذا ذكر رمضان الا السنه هذه😔

يسعد مساءكم
اخباركم حوائيات
م ادري قلبي مكتم احس م عندي احساس معدوم بفرح او حزن
مثل هالايام تحصلوني مشاركه في كل مواضيع رمضان
كنت اشتم رائحته من شهر 6 استشعر بنسائمه
قلبي يطير ويخفق من الفرحه واستعد له روحيا ونفسيا واشغل اشرطه خاصه برمضان حتى تزيدني قوه نفسيه دينيه
الله يبلغنا واياكم صيامه وقيامه ام الان فحدث ولا حرج
ما احس بفرحه م ادري ابلغه او لا
الله يختم لنا بالصالحات ويجعل اخر كلام لنا من هذه الدنيا لا اله الاالله
الحمدلله مريت بفتره مرضيه ولازلت فيها لكن الان افضل
واستخدم الان دواء الشقيقه الصداع النصفي
لازم اجلس شهر من استخدامه
م ادري يمكن يكون هو السبب لانه سد الشهيه عندي
الوزن كل ماله ينقص
الاحساس عدم
حتى اطفالي م احس بتواجدهم معاي
خمول بجسمي مكسر
اكيد بتقولون عندك وعندك روحي صلحي تحاليل
صلحت كل شي
عندي قولون عصبي م احس بالام بس يكتمني حتى اتشهد وبطني يصير كأني في الشهر السادس من الحمل واروح اخذ اكسجين وارجع لبيتي وترجع الكتمه اخذت الدواء الخاص فيه خف شي بسيط
مع دواء الشقيقه
وطلع معاي جرثومه معده
وخراج بالفك العلوي بالاسنان لدرجة وصل تحت عيني وانفي
احتاج دعواتكم
ممنوعه من المكالمات عندي هجمه من هجمات الشقيقه
حذفت الواتس
انقطعت عن الناس
اشتقت لصوت ابوي كلمته وريتني م كلمته انهرت وهو بعد وامي بعمري عنهم انا القويه الصبور صرت بكايه وحزينه ابكي من اي حدث
الحين على برنامج رقيه والحمدلله بدأت الاعراض تختفي لكن الاحساس مش موجود 😢😢ابي احس فقط بفرحة قرب رمضان
عالم حواء يعتبر بيتي الثاني لازم يوميا اتصفحه
كنت بالساعات انتقل من موضوع لموضوع الان فقط دقائق اذكروني بدعوه
فضفضه من اخت محبة لكم وعاشت افراحكم واحزانكم اعذروني عليها
والله يبعد عنكم الشر وعن من تحبون
استودعتكم الله