cute moon @cute_moon_1
محررة ذهبية
كل شئ عن أداء اختبار القدرات والتحصيلي + رد على استفساراتكم ..
الطالبات •
السـلام عليكم ورحمة الله
أنا لاحظت كثير بنات الي حيختبرو قدرات وتحصيلي عندهم استفسارات عن اداء اختبار القدرات وطبيعة الأسألة ..
فانا حبيت اكتب لكم ده الموضوع الشامل الي ان شاء الله تلاقو فيه كل الي بتتسائلو عليه وبالاخير الي عندها اسألة تسأل وانا حأرد عليها ..
بسم الله :-
انا اختبرت القدرات قبل سنتين ، واختبرته مره ثانية يوم الأحد 27 - 4 - 1432 هـ
وقت ماتروحي الأختبار ، خذي معاكي بطاقتك الهوية ، واذا ماعندك ، فالبطاقة الذكية مع رقم الأشتراك حقك (رقم الملف )مهم جدا ..
ووقت الأختبار حيعطوكي كتيب ..
ومتكون من 6 أقسام ..
قسم قدرات
قسم تحصيلي
قسم انجليزي
والثلاثة الأقسام الباقية عباره عن خليط من : الكيمياء والفيزياء والأحياء والرياضيات ..
لكن قبل سنتين لما أختبرت كان كل قسم لماده يعني الرياضيات لها قسم والفيزياء قسم والاحياء قسم وكذا ، لكن الان لا ، كله دامجينه مع بعض ..
الحل حيكون مش على الكتيب ، على ورقة فيها دوائر وانتي تظلليها ، بس عموما لاتقلقو من ده الشئ وهم حيشرحو لكم ع عرض بوربوينت بالتفصيل طريقة الحل والقوانين الي لازم تتبعيها ..
طبعا كل قسم عليه وقت محدد ولازم تخلصيه ع المده المحدده ، ولو خلصتي حل قسم ، ماينفع تروحي للي بعده ، بل انتظري لحتى ينتهي الوقت ويخبروكي المشرفات انو تروحي للقسم الي بعده وانتي اقضي الوقت الفاضي ده بالأستغفار وذكر الله تعالى ليوفقك ..
والي انتهى الوقت وما خلصت حل ، فهي مضطره انها تقلب وتظلل مكان الورقة بالحظ من مخها لعسى يطلع صحيح ..
بالنسبة لنسب القبول بالجامعه ، فتختلف من جامعه لأخرى وانا حأتكلم عن جامعه الملك عبد العزيز لاني درست فيها وكذا ..
فوقت التسجيل لجامعة الملك عزوز بيأخذو نسبة موزونه وهي : 50% من نسبة الثانويه + 30% قدرات + 20% تحصيلي ..
فركزو حبيباتي ع القدرات ولاتشيلو هم كبير ع التحصيلي مع عدم اهماله التام ..
اختبار القدرات : معروف انو يتكون من جزئين اللفظي والرياضي ..
وخليكم ذكيات وركزو ع اللفظي لانو سهل وحاولي تحلي كثير فيه وتركيز لأنو بكذا تضمني درجات ، بخلاف الجزء الرياضي الي في بعضه سهل وفي وسط وفي صعب ..
اختبار التحصيلي :-
الاحياء : منجد سهل يابنات ونظري وانصحكم تقرأو فيه واضمنو درجاتكم فيه ..
الفيزياء والكيمياء :- في اسأله نظرية ، زي سؤال جاني بده الاختبار في الفيزياء : وحدة قياس القدرة الكهربايه وحاطين خيارات : الواط او فولت او ...
وفي منها مسائل !!
وحتى الكيمياء في منها نظري في منها مسائل حسابيه زي احسبي المولارية .. الخ
الرياضيات عاد كله مسائل طبعا ..
الأنجليزي ، في الأختبار الي اختبرته قبل سنتين اعطوني قطعه طوويلة وتحتها اسألة عنه وكذا اصعب طبعا ...
بس اللحين أطمنكم ، صار في برغراف عن موضوع متكون من 4 -5 سطور وتحته سؤالين عن ده البرغراف ،وبعده برغراف عن موضوع تاني وتحته سؤالين او 3 وطبعا كله اختيارات ..
انا بالاختبار الي اختبرته يوم الأحد 27-7 1432 هـ
طبعا جابو 3 براغرافات وحأقولكم عن ايش كانت والاسألة الي عليها ، لتعرفو طبيعة الأسألة وطبعا مش حتجي نفسها ..
كان البرغراف الأول عن الشوكولاة انه يستخرج من النبات وفوائده الصحيه ..
وكان السؤال الأول عن انسب اختيار لعنوان ده البرغراف وحطو خيارات ....
والسؤال الثاني عن ده الباسج انو حطو ضمير زي : it ,them ، ويسألوكي ده الضمير يعود على مين ؟؟ ويحطو خيارات ...
والباسج التاني كان عن كوكب عطارد ..
والثالث مدري :D
والسؤال الي بعده يجيبو كلمه تحتها خط في جملة ويحطو تحتها خيارات لمعاني دي الكلمه ، وطبعا انتي حتعرفي معنى دي الكلمه من فهمك للجمله ..
والسؤال الي بعده برضو فراغات للجرامر (القاعدات ) ..
يحطو جمل وفيها فراغات لكلمة وانتي اختاري الكلمة الانسب في القرامر ..
وبسس
....
وانا انصح كل وحده انو تركز ع الأسألة للماده الي بتحبها لتضمني درجات فيها ، ولتعوضي عن اسألة المواد الي ماتعرفيها ..
زي متلا انا كويسه في الانجليزي والكيمياء ..فأحاول احل كل شئ صحيح فيه لحتى يعوض حوستي في اختبار الماث ..
والأحياء لأني درست بالجامعه سنه احياء فعندي خبره كافية فيه فحليت فيه الحمدلله ..
..
وانتهيت من الشرح واي سؤال عن اداء اختبار القدرات اولتحصيلي ، انا حاضره ..
والي عندها سؤال عن التسجيل بجامعه الملك عبد العزيز او عن السنه التحضيريه ، لاتخجل وتسألني ..
بس انا ما أعرف عن انظمة الجامعات التانيه ، وامكن تختلف في نسب القبول او نظام التحضيري عندهم ..
ونصحيه مهمه : خلي لسانك طول مانتي فاضية استغفااااااااااااااااااااااااااااااااااااااااااار ، حتلاقو توفيق من الله
وبالتوفيق للجميع
9
6K
يلزم عليك تسجيل الدخول أولًا لكتابة تعليق.
سنوبس :
عزيزتي طبعا تكلمتي عن القسم العلمي صح؟؟ انا نظري بس فاااااقده الامل من قبول اي جامعه لي لان نسبتي حقت الثانويه طلعت اليوم للاسف 77% لاني منازل :( كنت متحمسه للتحصيلي بس النسبه خيبت ظني :( طيب بسالك يالغاليه مكتوب في موقع القبول الموحد ان جامعة الاميره نوره في تخصص الانجليزي تاخذ 35% للمعدل التراكمي الثانوي و 35% لاختبار كفايات الانجليزي و 15% قدرات و15% تحصيلي ...انا جبت في اختبار الكفايات 41% تتوقعين يقبلوني؟؟ وبالنسبه لباقي الكليات في جامعة الاميره نوره 60% ثانويه و 20% قدرات و 20% تحصيلي تتوقعين فيه امل يقبلوني :( والله اني مافرحت بالنجاح من هالنسبه المخيسهعزيزتي طبعا تكلمتي عن القسم العلمي صح؟؟ انا نظري بس فاااااقده الامل من قبول اي جامعه لي لان نسبتي...
ايوا حبيبتي كلامي عن القسـم العلمي ..
ونسبتك ماهي بتلك السوء ، وانا ما أعرف عن اختبار الكفاءات ده ...
لكن انتي شدددي حيلك باقدرات والتحصيلي ولاتنسي كل دفعه تختلف وامكن تكوني اولى ..
انا صحبتي كانت نسبتها تقريبا 90 ، لكنها جابت درجه حلوه بالقدرات والتحصيلي وخلتها تدخل الجامعه ...
انتي لاتفقدي الأمل ولاتركزي ع نسبتك وحاولي ،،
والله يوفقك يارب
سنوبس
•
ايوا حبيبتي كلامي عن القسـم العلمي .. ونسبتك ماهي بتلك السوء ، وانا ما أعرف عن اختبار الكفاءات ده ... لكن انتي شدددي حيلك باقدرات والتحصيلي ولاتنسي كل دفعه تختلف وامكن تكوني اولى .. انا صحبتي كانت نسبتها تقريبا 90 ، لكنها جابت درجه حلوه بالقدرات والتحصيلي وخلتها تدخل الجامعه ... انتي لاتفقدي الأمل ولاتركزي ع نسبتك وحاولي ،، والله يوفقك ياربايوا حبيبتي كلامي عن القسـم العلمي .. ونسبتك ماهي بتلك السوء ، وانا ما أعرف عن اختبار الكفاءات...
ان شاءالله بحاول والله يكتب اللي فيه الخير يااااااارب...الله يجزاك خير
الصفحة الأخيرة
انا نظري بس فاااااقده الامل من قبول اي جامعه لي لان نسبتي حقت الثانويه طلعت اليوم للاسف 77% لاني منازل :(
كنت متحمسه للتحصيلي بس النسبه خيبت ظني :(
طيب بسالك يالغاليه مكتوب في موقع القبول الموحد ان جامعة الاميره نوره في تخصص الانجليزي تاخذ 35% للمعدل التراكمي الثانوي و 35% لاختبار كفايات الانجليزي و 15% قدرات و15% تحصيلي ...انا جبت في اختبار الكفايات 41% تتوقعين يقبلوني؟؟
وبالنسبه لباقي الكليات في جامعة الاميره نوره 60% ثانويه و 20% قدرات و 20% تحصيلي تتوقعين فيه امل يقبلوني :( والله اني مافرحت بالنجاح من هالنسبه المخيسه