ايسر2 :

مرحبا أختي &بنت الأقصى& عساكـ ع القوهـ يارب.. انا ابي استفسر منك على شغله وبعدها ابي أستشارتك بمشكله أعاني منها .. ابي أسألك عن المادة إلي يحطونها الدكاتره جوى الأسنان عشان يخلي السن يتعفن وبعدها يسحبون عصبة وش هالمادة بالضبط؟؟ وهل هي خطيره ؟ لأن بعض الأطباء يستعملونها وبعضهم لا .؟؟ ******************** اما مشكلتي ... فيه واحد من ضروسي كان محتاج لسحب عصب .. فكنت اروح لإستشاري يعمل لي جلسات لسحب العصب وكان يقول لي أن القنوات إلي بداخل هالضرس ماخذة شكل مو طبيعي وعلى كذا سحب العصب راح يكون صعب شوي وبياخذ وقت .. وان عندي قنوات زايده وأن ترتيب هالقنوات نادر وماخذ شكل مثل حرف c وان هالترتيب يكثر بالأشخاص الي تنحدر جنسياتهم من شرق آسيا >> خخخخخخخخخ حسبي الله علية شككني بأجدادي وبجنسيتي :35: المهم رحت له 4 جلسات وكل جلسة يقعد يحوس بهالضرس ساعة كامله .. لدرجه أني أرجع البيت واقعد يومين ما أقدر أحرك فكي ولأ أقدر أتكلم من الألم .. لأني أكون عنده ساعه كامله فاتحه فمي على الأخر ... بآخر جلسة رحت له ولا حصلته بالمستشفى وقالو لي أنه مسافر وان عنده إجازة إضطرارية.. فتركته ورحت لدكتوره ثانية بمستشفى ثاني ***************** لما كشفت علي الدكتوره قالت لي خلاص عصبك مخلوع ومنتهي وراح أحط لك الحشوة الدائمه للسن قلت لها الإستشاري يقول ان فيه قنوات لسى مالقاها واني محتاجه جلسات أكثر .. قامت الدكتوره تضحك وتقول خلاص مايحتاج وحطت لي الحشوة الدائمة وخلاص رحت البيت ... هالحدث صار له ثلاث سنين وإلي الآن وانا أحس بالألم بهالضرس... المشكله لسى مانحلت :06: اتمنى انك تفيديني وتنصحيني وش أسوي لأني رجعت لهالدكتوره بعدها بإسبوع وقلت لها لسى الألم موجود فقالت لي عادي فترة بس وتختفي.. وإلا يومك ما إختفت .. أستنى إستشارتكـ ونصيحتكـ لي الله يسعدكـ و يكتب لكـ الصحه والعافية يارب ...

مرحبا أختي &بنت الأقصى& عساكـ ع القوهـ يارب.. انا ابي استفسر منك على شغله وبعدها ابي...