بسم الله الرحمن الرحيم
أول مرة أكتب موضوع في المنتديات كلها
المشكله من العنوان
يابنات ياحريم ياعرب
أنا بنت مثل أي بنت وضعي وظروفي وأهلي الحمدلله متخرجة من الجامعة 2/2008 حتى تاريخه لاوظيفة ولازواج بس باقي حياتي طبيعيه
من أولها لاأحد يجي يقول عين وإلا حسد مو أنكر هالاشياء إنها موجودة بس أحس إنها تعيق الواحد يقعد يدور السبب الحقيقي ويحله ...........و أنا هنا أدور حل وفيكم الامل إن شاء الله
أمثلة بسيطة علشان تعرفون مشكلتي :
أنا أحب ألبس و أتكشخ وتسريحات وأخر موضة وماأحب أقلد أحد بس اذا جاءت مناسبة تشوفين عيوني تسكر علي ولا ألاقي لبسة وحدة تناسب وأقعد أدور وابحث وفي الاخير اطلع بشكل إني ماأدل الموضة ولا أعرف طريقها ولا أعرف اللي يناسبني
وترجع أمي تقولي ليه مالبستي كذا و لا اللبس الفلاني وتطلع مية لبس ولبس وكل واحد أكشخ من الثاني بس طبعا بعد المناسبه
وإذا اخترت قبل مدة وأخلي اللبس جاهزيايخرب المكياج أو يبهت أو المناكير تتقشر أو ينكسر ظفر او يكش الشعر و تخرب التسريحة مدري ليه
وكل ماكنت مهتمه للناس اللي قدامي كل ماكان الفشل أكبر
أنا أطبخ وأتفنن وأنا بالبيت ونحن عائلة معروفين بناتهم بالشطارة بنت 10سنين تفتح بيت على شطارتها أذا بيجونا ناس منهم أو بأخذ لهم طبخة أو حلى ألا مايخرب أو يسيح أو يكون ناشف أو أي عيب " طبعا يضحكون أذا كل مرة تأخذي شيء جاهز"-يحسبونها دلع -
أنا من النوع اللي يكسب صديقات بسرعة و يكسب الثقة بسرعة الحمدلله بس لو فيه وحدة يهمني صداقاتها او ابي أكسبها صديقة أحس لا أعرف أتـكلم ولا أعرف أكسبها ويمكن في الاخير تحسب إني هبلة أو أطاردها أبي منها شيء - او أنافقها
في موقف أني رايحة عرس أحد أقاربي وكانوا الناس يقولون إني مقهورة وإني مدري أيش كنت حاطة في بالي ........
طبعا أنا جيت علشان مايقولون مستخبية وجيت أبا أرقص علشان ابين إني فرحانه وماهمني شيء و الله رجولي ماشلتني فسخت الكعب ولا زبط واللي يشوفني يقول ترقص عربي على راب على مصري وصرت في النهاية كأني مقهورة من جد وإني جيت أبي أضحك الناس علي حتى أميمتي تقولي ايش فيك استهبلتي ,,,,,,,,
بس من جد صرت أحس إني أطيح بمواقف مدري كيف شكلها هي حالة خوف و إلا طفش و إلا أيش اللي تعرف تدليني لا توفر مجهودها
يعني ياناس
كل شيء أعرفه وأتفنن فيه بعد.....ينقلب ضدي إذا إحتجته أو صار وقته
مومعقولة اطلع عكس اللي أبيه دائما وأبدا وأنفهم خطأ انا صرت أتجنب العرب ومقابلتهم لاني أحس أني بطيح في الاخطاء ويبدأ مسلسل الترقيع وأطيح بأخطاء ثانية (طبعا مو إحساس بس أنا فعلا يوصلني كلام كثير فلانه ايش قصدها يوم كذا وليش كانت كذا وليش قالت كذا ,,,, يحسبون لي مأرب أخرى ...الناس تدور الزله بس بعد أنا أبي شخصيتي أرسمها مثل ماأبي
وصلى الله وبارك
no-h @no_h
عضوة نشيطة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️