بسم الله الرحمن الرحيم
السلام عليكم ورحمة الله وبركاته
شخباركم بنات والله يتقبل منا ومنكم الصيام والقيام يارب
بنات حبيت اقولكم مواقفي مع الإستغفار وما ادري باي موقف ابدا لكن اولا واخيرا بقول كل المواقف وانا متأكده ان حياتي ما تغيرت الا يوم بديت استغفر واحمد الله واشكره على ذالك حمدا كثيرا حتى يرضى
اول موقف: كنت ابغى اروح السوق محتاجه اغراض وملابس ومامعي فلوس واهلي استحيت اطلب منهم اتضايقت حيل وقتها كنت استغفر ومع الموقف هذا زدت في الإستغفار مادريت الا امي جايبتلي فلوس واخوي يقولي ياالله بوديك السوق والله يشهد علي وقتها ايقنت ان الفضل يعود لله ثم الإستغفار
الموقف الثاني: قبل رمضان بسبوع صار معنا مشاكل في البيت كل ماصلحنا شي خرب وصرنا نصرف على الفاضي والفلوس طارت والله ضاقت علينا وخلاص ملينا وقتها قلت مالي الا استغفر وادعي ربي يفرجها على اهلي والحمدلله والله يشهد على كلامي من ثالث يوم برمضان وكل شي تمام والحال مافي احلا منه كل شي صلح الحمدلله وربي فرج عليهم والضحكه ما تفارقهم سبحان الله
وغير هالموقفين انا كان من امنياتي شعري يكثرو يطول وبشرتي تصفى والله حاليا بشرتي صافيه وشعري كثران وطال شوي الحمدلله
وحابه اقولكم موقف صارلي قبل كم سنه الله لايعيده من يوم صار معي مرض بالمنطقه الحساسه ومرض هذاك مايزول الا بجراحه (اظن عرفتوه) والله من الحيا والخوف صرت ابكي بجنون كنت اعاني بدون ماحد يدري كل ليله ابكي الآآآآم وضيقه ما يعلم فيها الا ربي استحيت اقول لأهلي وخفت يكشف علي رجال المهم قمت آخر ليل وانا ابكي وصليت وقعدت ادعي ربي يشافيني والحمدلله والله من ربي العالمين شفيت بدون علاج ولا جراحه
والله صارت لي مواقف كثيره مع الإستغفار وقيام الليل حتى اشياء تافه والحمدلله الآن كل شي تمام اتمنى اشوف ردود ومواقف سواء مع الإستغفار او قيام الليل والسلام عليكم ورحمة الله وبركاته]
مدام جويل @mdam_goyl
محررة برونزية
يلزم عليك تسجيل الدخول أولًا لكتابة تعليق.
انا مره جاني سؤال في الاختبار النهائي ماسبق مر علي ابد لا في شرح ولا اختبار قصير ولا حتى المذاكره وكنتدايم اي سؤال مااعرفه او اشك فيه اقعد استغفر شوي وامسك القلم واكتب الي عندي بس هالمره مااعرفه ابد ابد وفعلا استفغرت شوي وماادري وشلون قررات اكتب اجابه ويوم طلعت من اللجنه صارت صح علي :)
الصفحة الأخيرة
بروح استغفر وربي يرزقك الاجر على كل استغفار استغفره