كل شي صار لي في اسبوعين ......

انا تزوجت من خمس شهور قبل اسبوعين كنت حامل وراح ادخل بالشهر الثالث
قصتي اني عزمت صديقتي على العشا وجابت معها بنتها وبنتها مره دبدبوبه معها سمنه مفرطة
عمرها خمس سنوات
المهم حطيت العشا وبنتها مزعجه كبت العصير عالارض وكريمة الكيك وامها ساكته ومبسوطة وتضحك
خلصنا من العشا وجلست انا عالارض لان جلسة الكرسي والكنب مااقدر عليها
المهم جت بنتها تنط فوق الكنب اللي وراي وتنط ونطت فوق ظهري وربي طلعت روحي واسمعو صوت صراخي ماقدرت
جا زوجي خايف الغرفه وهي اتصلت على زوجها
رحت المستشفى وعلى طول وانا بالسياره صادني نزيف حاد والسيارة صارت حالتها حاله
جلست يومين قالو لي الهيموجلوبين نازل
اذا كان الاجهاض كذا كيف الولادة يالله رحمتك
وانا بقمة مرضي زوجي راح بيت صديقتي وهاوشهم وصارت سالفه حتى انه طرد صديقتي قال لاتجي عندها مره ثانيه
زوجي انسان طيب مدري كيف طلع منه هالكلام وهالاسلوب
انا مسامحتها لاني ادري انها موقصدها تضرني وهذا من الله مقدر
ابيكم تنصحوني لان امي مثل زوجي ردة فعلها