كل شي عن الخطوبه

الله يسهلها لك ويوفقك ويسخره لك ، ، ،

وبعدين الحــــــــــال من بعضه أنا شبكتي قريب ، ، ، لكني محتاسة بأمور الشكبة وهو إن جيتي للحق معطيته أشكل ( يعني ماني خايفه منه ) لأن عندي جن عسرة إخواني الله يهديهم ، ، ، يقولون إنهم بيقعدون لي ، ، ، وفيهم حشرية زايدة بس يدورون التعليق وإن خفت خفت منهم هم ، ، ،

ونصيحتي خليــــــــك زي ما أنتي ولا تبدين بالكلام وإذا سألك ردي وأهم شي الإبتسامة الحلـــوة لأن فيها حكمـة عظيمة سواء إذا إنتي عندة أو في حياتك الخاصة يعني لا تكركرين ثم والله ما تشوفين إلا غباره لا أنا قصدي تكونين بشوشة لأنها تعطي في النفس راحــــة ، ، إنتي شوفي حرمة تمشي معبسة والثانية لا تمشي وفي وجهها بشاشة وش تقولين عليهم ثنتينهم ، ، ،

وربي يبارك لكم

فتحتي جرحي انا اخطبت بس لسة ماملكت ولا شافني وانا خايفة مرة
البسي شيء ساتر وشياكة علشان مايقول هذي من اولها ماتستحي ادخلي واجلسي واذا سالك ردي وابتسمي والمكياج خفيف جدا ولو ماتحطين احسن
والله يعيننا

الرزينه........صدق انك رزينه ومشكوووووووووووووره اختي على الرد وعسى الله يرزقك
من حيث لا تحتسبين؟؟؟وعساه ينجيك من تطنز اخوانك (هذي بعد ماعملت حسابها)

سوير الدلوعه .....الله يفرج عليك وييسر امرك

وييييييييين البنات الباقيييييييين جد محتاجه ومحتاسه..كلمه ولو جبر خاطر؟؟
او دعوه .....صدق ماهقيتها منكم يابنات حواء

شوفي قلبي انا قبل شهرين كانت شوفتي وكنت محتاااسة اخس منك

اشتريت لي لبس خاص بالشوفة لانه ماعندي تنانير طويلة كلها برمودا

اخذت تنورة مرد تهبل وشيك وحشمة في نفس الوقت من برومود على بلوزة نعومة بكم طويل طبعا وماهي ماسكة مرة
ولبست صندل بيت واطي ونعوم

وشعري ... صراحة استشورته وفردته ... والميك اب حطيت كحل خفيف وروج وردي فاااتح

والحين نجي للي صار ... دخلت وراسي بالارض واقرب كنبة قعدت فيها .. قامت اخته ماقصرت سحبتني من ايدي وخلتني جنبه وانا اتنافض من الخوف لا والفشيلة قال لي مادري من العروسة انا ولا انتي ... ( لانه حتى هو كان مستحي)

والفشيلة الكبرى سألني شخبارك وانا ولا كلمة .. بجد حسيت صوتي اختفى

بس ... قال لي انشاء الله ربي يقدرني واسعدك واعطاني انسيال حق الشوفة وانا اخذته وطرت على جوا خخخخخ ( بجد مفجوعة)

بس تدري وش انقهرت عليه اني ماشفته ... اعتمدت على كلام ماما واخواتي لانهم كانو لابسن العبي ومتغطيين وواقفين ع الباب ..انتبهي تغلطي نفس الغلطة شوفيه انتي كمان من حقك مو بس هو اللي يقول رأيه انتي بعد لك الحق

وبالتوفيق يارب

ولا تنسي توافينا بالاخبار