كما وعدتكم راح احط موضوع خاص عن دبي يشمل معظم الاماكن اللى يحبونها زوار دبي ور اح ابدا معكم خطوه خطوه من اول ركوب السيارة

_ تاكدوا من سلامة السيارة كفرات زيت غيره

-جوازاتكم وجوزاز الخدامه اهم شي الجوازات

- بطاقة الصراف لاتعتمدون عليها في السحي في المحلات هناك لاانه انتهت خلاص من دبي وحل محلها الفيزا يعنى ياكاش يافيزا

- قبل ماتمشون تاكدو من الصغار انهم مايحتاجون دورات المياه

- اذا وصلتم الحدود وهي تقريبا من الرياض حوالى 550 كيلو اذا وصلتم لاتنسون تاشيرة الفيزا للخدامه اذا كانت معكم وتقريبا رسومها 100 ريال واهم لاتضيعون الورقه الصفراء اللي بعطونها اياكم اذا خلصتم من اجرائتها لاانهم بيسالونكم عنها في العوده

- اذا تعديتم جمرك الامارات ودخلتم الامارات المسافه هنا بتكون حوالى خمس ساعت الى دبي واذا كنتم في وقت متاخر يفضل انكم تاخذون فندق بيجيكم في نص الطريق قبل وصولكم ابو ظبي يعنى بين الحدود وابوظبي فندق اسمه جبل الظنه فندق جميل واذا طلع الصباح توكلو على الله المهم اذا وصلتو المفرق اللى يودى الى ابوظبي انتبهو فيه مطبات رهيبه وكبيره تكسر السيارة خذو بالكم منها بعد كذا يجيكم الطريق اللى من ابو ظبي الى دبي وهو من اروع الطرق في العالم طريق واسع ومنور ومحطات بنزين جميله ومسافته حتى دبي ساعه و20 دقيقه ولا راح تحسون بالطريق هنا بعد كذا بتقبلون على دبي واذا كنتم في الليل بتحسون انكم داخلين نييورك مو دبي ماشاء الله روعة المباني وانتو داخلين على دبي بيجي على يمينكم مجمع كبير وفخم اسمه ابن بطوطه وهو جديد وضخم ويستاهل الزيارة اما على يساركم بتشوفون فندق برج العرب والجميرا بيتش وهناك بتلقون مدينة الجميرا بيتش وهاذي لازم تزورونها لاانها فينيسا العرب او مدينة البندقيه ولازم تزار بعدها بكم كيلو بيجيكم المركز التجاري وهو مبنى ضخم جدا وطويل على يمينكم وهنا تقام فيه المعارض التجاريه والمهرجانات وفيه العاب اطفال ويستاهل الزيارة اما على يساركم بتشوفون ابراج الامارات وهي عماير ثنتين متقابلتين وهو مجمع يحتوى على ارقى انواع الماركات في العالم من جفنشى وقوتشى وغيرها وانا اتوقع لو دخلتوه وتسوقتو قبل تدخلون دبي بعد ماتطلعون بترجعون السعوديه لاانكم بتكونون وقتها مفلسين . المهم بعد كذا بتدخلون دبي وبتروحون للشقه اللى مفروض انها محجوزه مسبقا وانا بحط لكم عنوانين شركتين احجوزا منها والله بترتاحون انا ماراح اكتب فنادف هنا او شقق اللى تبي عن شقق فخمه ممكن ارسل لها عن طريق الخص المهم انا الحين بكتب لكم عن الاسواق


- اولا الاسواق المجمعات

وفيها العاب اطفال ولازم تزار
- سيتي سنتر
- الغرير
-المنال
- ابن بطوطه
المدينه الصينيه وهاذي لازم تزار لرخص اسعارها
-برجمان
-حمر عين
-صحاري الشارقه وهذا رهيب ويستاهل الزيارة وفيه العاب اطفال
- ابراج الامارات وهذا للماركات واسعاره نار
شارع دوار الساعه عند فندق الخليج بالاس توجد محلات ماركات مشهورة
........................................................................
الاسواق الشعبيه:
- سوق نايف
- مرشد ويوجد فيه الجلابيات الزعفران والذهب وغيره
_شارع نايف ويوجد فيه محلات الجوالات
............................................................
الترفيه

المدينه الثلجيه
نادي النصر
.................................................
الشقق والفنادق يفضل تحجزون من المكاتب هاذي قبل السفر احسن لكم لاانكم ماراح تحصلون حجز هناك

- عرب لينك
0097142689555
وهاذي كلها مكاتب ثقه ومضمونه
- مغامرات الصحراء 0097142242800