كل شي للحريم طيب والبنات ؟!!! ابي فساتيييييين سهرة في الرياض

السلام عليكم ورحمة الله وبركاته


هلا اخواتي العزيزات

تصدقون والله اذا جاء عندنا عرس ازمل ويضيق صدري لاني بلف المشاغل ادور موديلات لبنتي اللي سنها محير لا مع الصغار ولا هي مع الكبار

وطبعا اذا بغيتي مساعدة في الموديل دوري على مصممة اقل شي 3 الاف :09: بس تصميم غير الخياطة والقماش وانا في تدوير الموديلات ميييييييييييييييييييييييييييييح

كل البرد اللي اشوفها احسها ( شراشيح) وما قدرت اعدل وارتب الموديل عشان يناسب بنتي

وبنتي الله يصلحها مو كل شي يعجبها.....

قلت يله مو لازم افصل ابي جاهز درت على كم محل مالقيت الا للبنات بعمر 17 18 او بعمر 10 وتحت


يابنات ساعدوني يمكن فيه اسواق ومحلات لهالسن المحير وغفلت عنها دلوني عليييييها


وترى ضروري العرس قرب وماسويت شي ترى متعودة يطمر موضوعي للصفحة الثانية ما القى اجابة على الاقل يالاجوديات ارفعوا الموضوع رفع الله قدركن :26: