كل شي نصيب بس كل شي له سبب

مراااااحب بنات

كيفكم؟؟ ايش اخباركم؟؟

بنات كلنا بنات وكل انثى ربي خلقها لتكون زوجه وام وهذي هي سنة الحياة

وكل شي نصيب وفي بنات الله يهديهم يعلقون كل شي انهم محسودين او مسحورين او انهم مو حلوات او او او

الموهم ماعلينا

ف ايام العيد مجتمعين مع خواتي جاء واحد من اخواني قال وش رايكم تدورون لي ع عروسه خلاص ابي عيال

دايما نسمعها احنا البنات من اخوك او عمك او خالك صح طيب ايش نرد؟؟

ايش شروطك؟؟

الغالب يقولون لاحظو اول شي طيبه وبنت حلال وتصبر ع الحلوه والمره

الموهم

بدينا انا وخواتي وماما رحلت البحث

ولقينها مو سهله زي ماتوقعناها

اكتشقت اشياء كثيره فادتني

انا كنت احسب انو دام انا حلوه وبيضا وطويله خلاص محد قدي ابدا

اكتشفت انو غلط

مثلا

كل الامهات يبون البنت البشوشه يلي مبتسمه دايما

الامهات مايحبون البنت يلي متكلفه ف نفسها زووود باللبس مثلا اخوي مقتدر الحمد لله بس امي تقول مابي وحده تضغط عليه بطلباتها مع انو اخوي ماشرط انها موظفه بس من جد الام تبي يلي تريح ولدها

وكمان لاحظت انو اكثر الامهات يبون الشي القريب يعني مو لازم من نفس الجماعه لايبون بنت يعرفونها زين من باب شي نعرفه احسن من شي مانعرفه


واهم شي اكتشفتو ان الام ماتبي وحده لسانها طويل او او او لاتقولون مايبين احنا البنات احيانا ف جلسلتنا العاديه نقول عن مواقف صارت لنا وكيف ردة فعلنا واحيانا تكون باسلوب قوي وتبين تعلمين غيرك انك مو سهله

تراااا غلط لانو حتى لو الام حاط عينها عليك بتقول ياللله ياقوتها بكره بتجيب الشيب ف راسي

وكمان لاحظت انو ( سيماهم بوجوههم ) والله يابنات في بنات يعتقدون انهم ذكيات وانو الامهات هبلات تلاقين جوالها مايسكت وتطلع ماتتغطى زين ع بالها انها مودرن انا اقولك حتى لو تبين ان شاء الله ماتلبسين عبايه براحتك بس عند جماعتك انتبهي للشي هدا انا ماقول انو نكذب او ننافق بس ( اذ ابتليتم فاستتروا )

وف الاول والاخير النصيب ويلي ربي كاتبه بيكون لك بس مايرد القضاء الا الدعاء


ولاتنسون كل تاخيره فيها خيره


ادري طولت بس حبيت اوضح اشياء انا اول وحده كنت ناسيتها