بسم الله الرحمن الرحيم
كيفكم بنات مع الويكند عساكم مبسوطين
بنات سبحان الله انصحكم بدعاء استودعت الله ابنائي انه لاتضيع ودائعه او اي شي غالي عندكم سبحان الله عن تجربه كلما قلتها لاطلعت يضيعون عيالي وفجاءه ماشاء الله تبارك الله يطلعون لان ربي لا تضيع ودائعه سبحانه هذي بس فايده لكم حبيت تمشون عليها
وبنسبه لموضوعي الاساسي الي هو عن زوجي الله يهديه مضايقني مايخليني اتصرف بكيفي بشقتي وبعيالي تخيلو رافض اني اسوي قصات لبنوتتي ودي اسوي لها قصات وتغيير وهو رافض يقول لاتقصينها خليه كذا ملموم مسكينه حسيتها تقل عجيز يا اما احط لها ثنتين والا وحده ملل ودي اغير بلوكها شوي مدامها توها صغيره حتى مابعد دخلت تمهيدي ان شاء الله بدخلها السنه الجايه حتى الاسم يابنات ماخلاني اسمي عيالي على كيفي كلهم هو سماهم طبعا انا عندي طفلين بس يتدخل بكل شي فيهم ماقلنا شي ابوهم ومن حقه يقول رايه بس انا؟؟؟؟ وين موقعي من الاعراب يعني بس اتالم واولد واتعب مثلي مثل الشغاله او المربيه البسهم واكلهم واغير لهم وبس مالي راي عليهم؟؟؟؟قلت له مثل ماهي بنتك تراها بنتي ومن حقي اسوي لها الشي الي يعجبني انت ماتعرف لبس البنات ودي بنيتي تصير مرتبه ولبسها مثل الي يلبسونه الي بعمرها مليت من لوكها ودي اغير بنيتي على مابي مو دايم هو لبسيها كذا وحطي لها كذا ولاتحطين كذا
تخيلو بنات حتى بابسط شي بالبيت ماقدر اسويه:06:
الزباله وانتم بكرامه لو اغير محلها رجعها مثل ماكانت اي شي اغيره بالبيت يرجعها مايبيني اغير شي احس اني مالي شخصيه مالي راي لييييييييييه اذا مالي راي ببيتي ومملكتي الخاصه اجل وين اقول رايي؟؟آآه بس من هالرجال تعبت من تصرفاته قبل كم يوم ترجيته وطلبته يخليني اسوي الي ابي ببنتي وقال اوكي براحتك قصيها وسوي الي تبين ولما رحت بقصها عند الحلاق حط لي سين وجيم وشولون بتقصينها وشلون بيطلع شكلها لايقصهاواجد لا ادخل على الحلاق واوريه شغله وش ذنب الحلاق مسكين؟؟
وكمل اسئلتها بتقصينها منا ومنا والا كذا والا كذا والا وشلون لما صارت سالفه ونقاش حاد قلت اجل ليه مطلعني اقصها رجعني للبيت واقول بنفسي خلاص مارح اقصها راحت فرحتي ولما رحت ماقصيتها ولا شي وجا اخذنا قال ليه ماقصيتيها قلت مو موجود الحلاق وانا اكذب بس انسدت نفسي مابي اقصها اذا من اولها بيهاوشني اجل لو اقصها وش بيسوي لي بيذبحني حتى اسماء عيالي هو مسميهم ولا واحد انا سميته:06:حتى البنت مسكينه مسميها على اسم امه كبيييييييييير عليها والبنات الثانيات اسمائهم اسماء دلع الي ليان والا لمار والي جنى وانا ياعمري يابنيتي بس تقول ماما اسمي معناته شوشه يعني شعري قلت لا ياماما اسمك حلو
معليش بنات طولت عليكم بس حبيت افضفض لخواتي لبى قلوبكم
والسسسسسسلام خير ختااااااام
والحمد لله رب العالمين
سبحانك اللهم وبحمدك اشهد ان لا اله الا انت سبحانك استغفرك واتوب اليك اني كنت من الظالمين:35:
(( أرجو رحمة ربي )) @argo_rhm_rby_3
عضوة فعالة
يلزم عليك تسجيل الدخول أولًا لكتابة تعليق.
أفضل كلام
•
الله يسخره لك يارب
الله يسخره لك ياربالله يسخره لك يارب
يسلمو حبيبتي ولك بالمثل يارب
الله يهديه وانتي مو لازم تقصين شعر بنتج عاديسوي تسريحات انواع واشكال بشعرهاالله يهديه وانتي مو لازم تقصين شعر بنتج عاديسوي تسريحات انواع واشكال بشعرها
تسلمين قلبو على المرور
الصفحة الأخيرة