$فرفوشه$ :

كل شي يخص النفاس ... واللي ماضبطت بالنفاس .. تجربتي الخاصه وتجربه كل من حولي بسم الله الرحمن الرحيم في هذا الموضوع حبيت اطرح تجربتي الخاصه وتجربه كل من حولي والحمدلله نطلع من النفاس 100% وبفضل من الله وكل وحده كانت تشكي من ( الخراب بعد النفاس ) اعطيها تجربتي وتطبقها بالدوره والحمد لله تضبط معه في ايام النفاس << طبعا مثل ماقلت سابقا تجربتي الخاصه>> الصبح قبل الفطور اخذ اللهوم اللي هو السفوف الي تسويه الوالده لمده 15 يوم الفطور اقوم وافطر مرتين الفطور الاول عباره عن تمره تسويها الوالده ( اطال الله في عمرها) مع حليب بالزنجبيل الفطور الثاني عباره عن كراث وبيض زيتون مصابيب وعاد حطي اللي تبين من المعلبات اذا تبين يشرب معه كاس زنجبيل الرطب اهم شي ( الكراث ) الغداء رز مع لحم او دجاج او سمان ترى السمان مره مفيد جرجير وكاس لبن مايكون بارد ابد او مكرونه مع لحم مع الغداء لازم اكل برتقاله وحده بس يكون النوع السكري مو الحامض ضروري علشان الله يعزكم مايجيكم امساك وتتعبين مع الخيوط الوقت مابين الغداء والعشاء كولي أي شي مع اهلك مكسرات موالح معمول كليجا والقهوه اشربي قهوه بالمسمار مو بالهيل العشاء مطازيز مرقوق مرقه لحم مع فلفل مصابيب قرص مفروك مكرونه جريش سليق طبعا اول 15 يوم يوخذ لهوم ( سفوف ) خاص وبعدها يوقف ويوخذ( لهوم ( سفوف ) ثاني يوخذ الى نهايه الاربعين ) و (ملعقه عسل مع ملعقه رشاد) اهم شي بالنفاس 1/ انك ماتجوعين ابد ابد << اهم شي 2/ تلبسين بجامه وشراب وتحافظين على تدفئه جسمك علشان مايدخلك برد او هواء 3/ لاتكثرين شرب ماء واذا حسيتي روحك عطشانه كولي تفاحه النوع اللي يجي مليان ماء 4/ ابتعدي عن الحوامض والموز والباذنجان والرمان 5/ سوي لك غسول ( ماء +مره+ملح)للتعقيم والتطهير ( مغلي قشر الرمان) لشد المنطقه وحطيهم بالحمام غسلي فيهما المنطقه الحساسه كل ماتدخلين 6/ سوي لك خوا جوا وحطيه بعلبه بالحمام وحطي بجنبه قطن وكل ماتغيرين الفوطه اغلي منه شوي خليه دافي وخوذي منه بالقطن وامسحي فيه الفوطه والبسيها وهي دافئه الخواجوا يساعد في التئام الجرح بسرعه باذن الله اتمنى اكون ا فدت كل من تقراه اي استفسار انا بالخدمه حياكم على الخاص

كل شي يخص النفاس ... واللي ماضبطت بالنفاس .. تجربتي الخاصه وتجربه كل من حولي بسم الله الرحمن...