كل صباح اقولها لاولادي الا هالصباح وشوف شنو صار لولدي

بنات انا معوده اولادي من كانوا صغار على دعاء الخروج واشيل غير طبيعي لما يروحون للمدرسة اجلس على اعصابي الين يجون من كثر المصايب اللي نسمعها من صرف صحي واختططاف ومضاربات وتحرشات وربي يدي على قلبي اللين اشوفهم داخلين علي وتعودت استودعهم الله اذا طلعوا للمدرسة اذا نزلوا يلعبون تحت اذا طلعوا للحوش وانا جوا البيت بكل مكان هالدعاء على لساني الا قبل امس وربي نسيت وراح عن بالي وراحوا عيالي المدرسة وصحيت على الساعه 11 مفزوعة من حلم وتذكرت الدعاء وقلته ومالقيت زوجي موجود استغربت اتصلت عليه مارد وشلت هم واجلس انتظر عيالي وتخيلوا بنات دخل علي واحد الكبير يقولي ياماما مالقيت اخوي يقول المرشد الطلابي روح مع سواقكم اخوك خذاه ابوك انا هنا انهرت وصرت بس اتنافض وامشي وادعي ونسيت نفسي وجلست اوسوس وافكر الله لا يذوقكم هالموقف :06::06: بعدها بشوي دخل زوجي وامعه ولدي الصغير ولافين على راسه شاش وملابسه كلها دم وابوه كذالك انا جلست ابكي وادعي ربي واقول شنو صاير قال زوجي انه كان يلعب كورة بحصة الرياضة ودفه ولد على حديده مكسورة وشقت راسه جرح عميق واتصلوا علي المدرسة ورحت اسعفته وطلعوا الحديده اللي جوا وخيوطه والحمد الله على كل حال بنات اطفالكم صغار وامانه عندكم حصنوهم استودعوهم الله وربي يحفظ فلذات اكبادنا ويصلحهم عاد لما جلسنا يقولي ولدي الكبير تدرين ياماما ليه اخوي صار له كذا عشانه ماصلى الفجر وانا صليت

والله لايفجعنا بغالي يارب