كل طرق حلاوة البيبسي في وادي...وهذي الطريقه في وادي..أدماااااااان..جربوها..

المقادير:

- 1 غرشه بيبسي او قوطي +1 ظرف كريم كراميل
- 2 كيك سويس رول امريكانا ممكن اي ماركه بس انا ماجربتها الا بامريكانا


* في خلاط العصير تخلط جيدا المقادير التاليه ( خلطه الكريمه)
- 2 علبه قشطه
- 2 ظرف دريم ويب
- 6 ملاعق طعام حليب بودره
- 4 حبات جبن كيري ( مرات احط 6 حبات)
- ربع كوب ماي

* على النار نحط بقدر علبه البيبسي ونخليه لحد مايصير حار بدون مايغلي ونحط الكريم كراميل ونضربه بمضرب سلك لحد مايذوب الكراميل.. ونطفي النار وندخله الفريزر لحد مايجمد..

- في قالب التقديم نقطع السويس رول شرايح دائريه او طوليه ونصفهم بالصينيه ونضغطهم شوي .. بعدين نصب فوقهم خلطه الكريمه وندخلهم لحد مايجمد الوجه..اخر شي نطلع خلطه البيبسي بتكون جامده اضربيها بمضرب سلك لحد ماتصير شبه سايله بتحسين انها متكتله بس عادي بعدين صبيها فوق الكريمه ودخليها الفريزر لحد ماتجمد
وقدميها...واسمعي المديح..

وبالعافيه....
( اختي الغاليه زهره النوير ان جربتيها اتمنى تصورينها للبنات لاني ميح :( انتي او اي اخت غاليه تعرف تصور)