كل عالم وبرفسور وخبير في الحاسب يدخل ؟؟؟؟؟مع الشكر

هذه حبيبتي ما يحتاج لها عالم ولا بروفيسور :
1-هذا ياحبيبتي رمز برنامج الضغط الوين زيب ..فالبرامج الي حملتها تصير ملفات setupمضغوطة في هالبرنامج ..أنت بس اضغطي عليه مرتين وبتطلع لك نافذة جواتها الملفات .. أو فكي الضغط بإنك تضغطين عليه بزر الفارة الايمن ثم اختاري Extract filesوبتلقينه في مجلد له نفس الاسم ..

2-تروحين لموقعهم هذا :

www.hotmail.com
تضغطين على Sign up
بتجيك .. تعبين فيها بياناتك ..كالتالي :
country/region:تختارين الدولة الي أنت فيها ، والافضل إنك تختارينunited statesلأنها تخعطيك ميتين وخمسين ميغا ..
E-mail adress:تكتبين الي تبينه بحيث يصير رابط البريد حقك ، يعني مثلاً إذا كتبت ImamUniversityراح يصير بريدك ImamUniversity@hotmail.com
والأفضل إنك تضغطين check availability عشان تتاكدين إنه مسموح لك ..لأن أحيانا تكتبين ويطلع محجوز من قبل ، يعني أحد عنده بريد نفس الي كتبت ..
Password:تكتبين كلمة مرور ، وأقل شيء ستة أحرف والافضل تصير طويلة عشان مايخترق جهازك ..
Retype password:ترجعين تكتبين نفس كلمة المرور للتأكيد ..
Creat your password reset options: تختارين سؤال عشان لما تنسين كلمة المرور يسألك هالسؤال ..
وفي
Secret answer:تحطين الإجابة الي تبين تجاوبينها إذا سألك السؤال عشان يتأكد منك ..

Alternate E-mail:هذه الخانة اختيارية ، إذا تبين تعبينها أو لا بكيفك . وهي إنك تحطين بريد مساعد أو إضافي ..

First name:تكتبين اسمك الأول ، أو أي اسم ..عشان يطلع للمستقبلين ..
Last name:اسمك الأخير

Gender:جنسك أنثى أو ذكر ..
Birth date:تاريخ ميلادك
Time Zone:التوقيت الي تبينه

ثم في الأخير تطبعين الحروف الي تشوفينها في المستطيل في المساحة تحته ..

ثم تضغطين I acceptوبس ..

عاد إذا صارت كل إجراءتك صحيحة بيسوي لك البريد ..او بيقولك إن عندك خطأ عشان تعدلينه ..


3-هذه المشكلة موب واضحة ..بس إذا قصدك تجمعينهم في مجلد وتسمينه أناشيد ..تسوين كالتالي :
تضغطين بزر الفارة الأيمن على أي منطقة فاضية في سطح المكتب ..بتطلع لك قائمة تختارين منها جديد .. ثم مجلد ..إذا ضغطت مجلد بيطلع لك مجلد جديد على سطح المكتب..تكتبين الاسم الي تبين .. ثم تفتحينه .. وتروحين لكل إنشودة وتسوين لها قص ثم لصق في هذا المجلد .. وبتنتقل لك إلى المجلد الجديد ..

5-تروحين إبدأ ..ثم لوحة التحكم ..ثم إضافة وإزالة برامج ..انتظري دقيقة بتطلع لك كل البرامج الي عندك ..دوري الي تبين تحذفينه واضغطي على إزالة ..

وبس :)
أتمنى يكون الشرح واضح :)

ما قصر الاخت Mrs.x
وممكن تستفيدي من الرابط

يمنع وضع روابط لمنتديات أخرى

الى الاخت Mrs.x الشكر موصول لك وجزاكي الله الف خير
والىالاخت الهجران شكرا جزيلا على الموقع المفيد