زوجي الحبيب ..
قبل أن أهنئك بهذا العام بعد خمس سنين زواج
لم أستطع أن أقول كل عام وأنت ...الحب.. كما مضى ..
طلعت كذا
إنت التعب ... :27:
لالا لاتتوقع إني لا أحبك ..أو مليت ..لالا ..بس أنا أشقيت روحي معاك ..إنت ما أشقيتني ..بالعكس
تعبت أنتظر غلطتك وكأنها شيء محتم ..
تعبت أشوف الجوال ورناته مصدر خطر ..
تعبت وأنا في السوق معاك أنسى الفساتين وأشوف عيونك وين رايحة ..
تعبت وأنا اسمع وأقرا القصص اللي تصير لغيري وأحط روحي مكانهم وأتعب وأتعبك ..
تعبت وأنا أسأل كل يوم للحين تحبني ..
للحين أنا قمر بعينك ..
باقي عندك لهفة الشوق ..
تتذكر أيام الملكة ...تتذكر أول كلمة..أول موقف ..أول ...أول...
ونسيت بزحمة انشغالي الحب اللذيذ اللي في الآخر ..
سامحني ..سامحني ..
وكأن السعادة في نظري كانت شيء لابد أن ينتهي عشان أبدأ بقصص الأخريات مثلي
عشان ألقى لي سالفه أنبش فيها..
أبي أشك وأغار ..يعني لازم في شي مخبيه عني لازم مو رجال ....
ياغبائي ..
الحب ..مو كلام ..مو رسالة ورق ولا موبايل..
يااااااااااه منك ياعقلي وين تفكيريك راح..
الحب ..تعبك في شغلك ..
الحب .. رغبتك إنك توفرلي أفضل شي لي..ولبيتك ..وأولادك..
الحب..احترامك لي ..بمعنى كلمة الإحترام
الحب.. تقديرك لأهلي ولأخواني ..
الحب ..ثقتك فيني
تدري ياتعبي ..
كل هذا كنت أشوفه روتين وملل وشي قاتل وإنك جامد و ..و...و...
تتذكر لمى جبت لي وردة من كارفور ..مع مقاضي أنا طلبتها منك للبيت..
تتدري إني غيمة عقيم ما أمطرت فرح وحرمت نفسي السعاده..
لأني بدل ماأفرح فيها جلست أتحسر على أيام الخطوبة والملكة وأذكرك بالورد في هذيك الأيام
أرثي الورد الذابل ..ونسيت الورده النضرة اللي بيدي ..
يااااااااااااا قرادتي
مدري وين عقلي وكأني يوم تزوجت صغرت ما كبرت..
شوف ..
أنا ما أنكر إن الذكريات الجميله حلوة ..
لكن استهلاكها كل يوم وكأن ما راح يصير مثلها جنون ..جنون ..
المطاعم ..الشوراع .. الأسواق ..
كل ما رحنا أتذكر أول مره جينا لها ..
ونسيت ثاني وعاشر مره كيف انبسطنا بعد ...
شفت ليش تعب ...أنا طبعا مو إنت..
يووووووووووه مني
إنت رجل والرجل كلامه قليل ..ليش أزعل ..
بصراحه الرجل الثرثار ممل ..أصلا تبغى الصراحه ما أتخيل إنك تثرثر..
المرأه لمى تكون ثرثاره فهي مرأه وهاذي صفة أنوثة عادي يعني ..
الجرايد ..ايش فيها لو تقراها .. ليش أحزن وأقول تاركني يعني يرضيني تقرا مجلاتي طبعا لا ...
الأخبار ..الكتب ..الرياضه ..ليش أحسهم شي يجيب لي الكآبه ..آخ مني..
وأخلي يومي حزين ..وأقول مهملني ...
ما قلتلك ..كل عام وأنت التعب ..
تضحك ...لييييييييييش تضحك علي ..........
ذكية ايه بس في حبك غبية وضيعت فرحتي بانتظار الحزن والقصص اللي أسمعها وكأني شي لابد نمر عليه
الله يبعده عنا وعن جميع المسلمين يارب
لسى تضحك ..
................
......................
براحتك أنا جعت بعد ماقلت اللي في خاطري وارتحت وأقولها الحين
كل عام وأنت الحب ..الحب الجديد...
وأتمنى طبخي يعجبك لأن هالمره طعمه غير ..
تبلته براحة البال والرضى ...
.................
اللهم اجعل كل الزوجات قرة اعين لأزواجهم ..واجعل ازواجهم قرة عين لهم
خاطرة من راسي لا أقل ولا أكثر أتمنى تعجيكم
حلوة
حلوة
حلللللوة
حلوة منك ياسميه
وفعلا حنا يالحريم ما نبي نؤمن ان الرجال مختلفين كليا فسيولوجيا وسايكولوجيا عنا
وان مانحمل الامور والمواقف فوق ما تحتمل ومانسوي من الحبة قبه
وربي تعبنا وتعبناهم معنا
تستاهلين التمييييز