كل عام وانتم بخير اليوم تنتهي الامتحانات وغدا الاجازه

السلام عليكم ياحلوات ياعسل
كل عام وانتم بخير اخيرا اليوم ان شاء الله ننتهي من قرف الامتحانات بس الله يعين على النتايج ولو انا ماامتحن بس الجو مكهرب
وبدات الاجازه موال الطفش للي مالهم شغل واللي مالهم اجازه او مكان يروحونه
ابقولكم بصراحه اليوم حنيت مع بداية الاجازه اسمع صوت اختي ام جود الله يرحمها قبل تتزوج عادتها اخر يوم تتصل وينكم خلصت تعالو طفشت ومتى بتجون ومن هالسوالف تبداء اتصالات تعالو لي ولاختي بما انها فضت وماعندها شي طبعا الكلام من اربع سنين قبل تتعب
وحنيت لاخر يوم امتحانات نبداء نفكر ايش بنسوي وين بنوديها وكانت كل تفكيرنا ومخططاتنا
الله يرحمها ويرحم اموات المسلمين يارب ويارب تشفي مرضى المسلمين وتجعل الاجازه اجازت فرح وخير للكل الله يشفي توليب يارب وجميع من كانو بيينا وغيبهم المرض ويشفي اخت لنا في الله تخيلوا قبل ايام بس درت انها مصابه بالسرطان وماعندها غير طفلين بنت وولد صغار الله يردها لهم
اعذروني جمعت كل شي بها الموضوع بس كل موضوع يجر الثاني ولاتخرج عن نطاق الاجازه
ياله ياحلوات كل وحده تدخل وتكتب وش شعورها مع بداية الاجازه ومخططها عشان نستفيد وتدعي للمرضى وتكتب وش فقدت على بداية هالاجازه اتمنى تكتبوا مو تدخلو وتطنشوا بتحطم لو مارديتو