كل عام وانتم بخير .. درس عمل توزيعات العيد السعيد ..

السلام عليكم الغاليات

اشحالكم ان شاء الله بخير ..

اعرف ان الموضوع للاسف متأخر بس ممكن تستخدمونه لاي شي ثاني وهو كيفية صنع توزيعات خاصة بالعيد :)

سبب التأخير ان انتقلنا بيت يديد وللاسف مافي نت بس اليوم انا عندي ماماتي فقلت استغل الفرصة وانزل هالموضوع وان شاء الله تستفيدون منه قبل ما ارد بيتنا ( تومورو ) غدا ان شاء الله ^^

الدرس سهل وبسيط وممكن تغيرون فيه بالطريقة وبالشكل اللي تشوفونه مناسب وممكن تسوونه نفس ما راح اعرضه ان شاء الله هنيه ,,

بسم الله نبدأ :)

اول شي نختار شكل العلبة اللي راح نشتغل عليها وانا احب العلبة المربعة لانها سهلة للجميع ان شاء الله *)*



ثاني شي نختار الخلفية اللي نبا نحطها على العلبة ..



واسفة مرة ثانية على التأخير في عمل الدرس لكن الموضوع ما كان بإيدي :(

نحط باترون العلبة في برنامج الرسام ونصغر ونكبر على حسب رغبتنا ,,

ونحطي الخلفية اللي اخترناها في صفحة ثانية من برنامج الرسام ,, ونختار نسخ لكن ننتبه انا نختار تحديد شفاف مثل ما هو موضح في الصورة ..



وبعدين نلصقها على باترون العلبة اللي اخترناها مسبقا وطبعا نصغر فيها على حسب الباترون اللي عندنا بهالشكل



وهو طبعا شكل الباترون النهائي .. الجهة اللي ملونة بالاصفر هي الجهة اللي نحط عليها الصمغ ونصمغها مع الجهة الاخرى من الباترون علشان نقدر نحصل على علبة تهنئة مميزة بالعيد ,, ^^

بالنسبة للخطوة الاخيرة وهي الطباعة والتركيب للاسف ما اقدر اسويها لان ماماتي عندها نت صح لكن للاسف طباعتي في بيتنا فان شاء الله لما ارجع اسويلكم العلبة واحط لكم الصورة :)

ان شاء الله الدرس يكون مفيد لكم واتمنى اشوف تطبيقاتكم ان شاء الله في الموضوع او مواضيع منفصلة خاصة بكم ^^

والله يوفق الجميع لما يحب ويرضى :)

@ اختكم في الله @

ام ناصر :)