كل عروس او متزوجة تدخل سؤال عن اول حياتكم الزوجية

السلام عليكم ورحمة الله وبركاته 

كل عام وأنتم بخير 


سؤالي ... بداية الزواج وقبل لاننجب أطفال .... 


كيف هي حياتنا الزوجيه اللي جلسوو سنه وأكثر بدون أطفال أو عاشو فترت ملل وروتين وصمت في البيت بينها وبين زوجها ... طبعا مافيه مشاكل بينهم احترام متبادل وحب .... بس ملل وروتين والزوج علي جواله ولا طالع لصاحبه ساعتين ولا علي المباريات ... يمر اليوم احيانا بدون كلام او سوالف .. .. والزوجة عندها فراغ وما فيه أشغال كثير في البيت كل شي نظيف ومرتب ... وقليلي طلعات او بالاحرا المدينة اللي هم ساكنين ها ما تشجع لطلعات وما فيها مكان لطلعات ... 


طبعا الاستشاره لصديقتي واحترت معها ... 

بنسبه لي ... بدايت زواجي كنا بعيدين عن بعض هو شغله بمدينه وانا بمدينه بس نهاية الأسبوع نتقابل ويمر كله زيارات لأهله وطلعه للمطاعم وفي الشقه لآني اعشق القراءة يمر باقي اليوم عليها ... وما حسيت به الفراغ وحملت بعد 4 أشهر وامتلأ وقتي اكثر وأكثر لحد ما استقرينا ببيت واحد وصار عندي أطفال وصار كل شي بوقت وجدول والفراغ ادوره تدوير ...  


فما قدرت اساعدها ... 




كل وحده تقول رأيها وخلونا نشارك بعض ونعطي تجاربنا ... وتفيد ونستفيد 
ولي عوده بعد ردودهم