هلا والله بالغالييين معليش تأخرت عليكم وربي مشتااقه وابي افيد الجميغ
بس جتني ظروف خلت حالتي النفسيه تعبانه (الله لا يوريكم الشر)
نكمل الموضوع
الجزء الثالث.. التجهيز للملكه
طبعا بعد الخطوبه والموافقه التامه يتم تحديد (عقد القران) فيه ناس تكتب العقد لاكن مايشوفون بعض الا ليله الدخله
فيه ناس لا عادي تكلمه وناس تطلع معاه مع وجود اطفال معهم
وفيه ناس تسوي حفل (عائلي ,صغير.كبير نوعا ما)
المهم احنا راح نفرض انها راح تسوي حفله وتشوفه
وش الاشياء اللي راح تسويها
-اول شي تحجز لها فستان وجزمه سواء تفصيل او جاهز ويفضل انه يكون فاتح ويبين انوثتها ونعوم لان البعض يمشي على الموضه واحيانا تكون الموضه فضفاضه من فوق او فيها حركات (وهالاشياء تنفع اذا كانت معزومه وبتوري الناس كشختها وانها تعرف الموضه )لاكن الرجال صدقوني ما تعجبهم هالاشياء وهنا المهم زوجك اولا واخيرا
-تحجز الكوافير اللي راح تسوي مكياجها وزي ما قلنا المكياج الثقيل ما يعجب الرجال وحتى انا شخصيا ما يعجبني الروج خليه فاتح نصيحتي والعين بدعي فيها بس بذوق
التسريحه كل واحد وذوقه وشوفي وش الدارج بالتسريحات واللي يناسبك
-تشتري الطقم اللي بتلبسه ساء اكسسوار ( البعض يفضله مثل شوار فسكي) اوذهب او ماس كل واحد وعاداته
-حجز المصوره للي تبي
-حجز الحلويات والعصائر والقهوجيات
حجز المكان اللي راح تسوون فيه الحفل (اذا مو بالبيت) والعشاء طبعا من المطعم
-بالنسه للطق ان افضل دي جي للملكه
-تكثف العنايه ببشرتها هالايام
تشتري لها عطر يهوس
قبل الملكه بيوم
-تروح مركز او مشغل موثوق(افضل المركز)
تشيل شعر جسمها
تنظف البشره
بديكير ومناكير( والدارج الان احمر ,بنفسجي)
حمام زيت
وترجع البت تشرب لها عصير وتناام




نفس اليوم
العصر تاخذ لها شور محترم وتفرك جسمها بالسكراب او ليفه( بس انتبهو لا تقطعون اجسامكم)
بعدها نشفي جسمك تنشيف خفيف(وحطي مرطب وهو لسه رطب لانه يحبس الرطوبه فما يجف جسمك) وهاي المعلومه اخذتها من صمت الجروح الله يجزاها خير(الا وين هي يابنات)
المهم بعدها رشي البودره على جسمك وتبخري ورشي العطر على جسمك وملابسك
وروحي للمشغل يسووون لك الميك اب والتسريحه

وبعدها شيلي شلايلك وروحي البيت او الاستراحه او القاعه او الفندق(كل واحد وعاداته) والبسي وخذي لك كم صوره مع المعرس




الحين خلصنا التجهيز وانتظروني للجزء القادم ( نتكلم عن ايام الملكه )
وبعده ندخل بالتجهيز والاشياء الدسمه






بس تكفون نبي تفاعل

لا تنسووووووووووني من الدعوه

روعه روعه روعه روعه روعه
كملي حبوبه موضوعج يجنن
ربي يوفقج وينولج مرادج :)

موضعج روعة
الله يعطيج الف عافية

اختي احنا في انتظارك

الله يجزاك خير حبيبتي

انا بصراحة متزوجة بس اعجبني الموضوع ومتحمسة معك كملي بسرعة الله يعافيك