عني انا اول ما وصلت الفندق لقينا الفندق مسوي لنا حركاااات مره رومنسيه:32:
وجايبين كيكه وعصير المهم جلست بالفستان وسولفناااااااااا الين الساعه 3 ونص قام زوجي وطلب العشا وطلع وقالي خذي راحتك

طبعا غيرت ملابسي لبست قميص نوم قطعتين دانتيل ولونه او وايت وشعري الحمد لله ما كان يحتاج استشوار لاني منبه علي الكوافيره ما تحط سبري ابدا بس فكيت البنس والحشوات وطلع يجنن

وابوالشباب دخل وكان مسوي كذا:32: وتعشى وناااااااااااااام لوحده انا ما قدرت انام الا الساعه 8 الصباح عجزت وصحينا الظهر افطرنا وقدملي هديته وكانت عباره عن ساعه الماس وبعدها انا قدمت هديتي وكانت علبه دهن عود مره فخمه وبس كانت احلى ايام

الله يرزق كل اللي ما تزوجت ويسعد المتزوجات

زواجي قبل 16سنه

الصباحيه طبعا مانمت وكنت لابسه قميص نوم

بعدين جتني فديت قليبها امي من 9الصباح

مسكينه اول بنت تزوج عندها وعمري18سنه

خايفه علي وتحاتيني

المهم فكيت شعري بمساعده امي وتروشت

ولبست فستان الصباحيه وحطيت ميك اب خفيف واستشورت شعر


وعطاني هديه طقم ذهب وفلوس


وجلس فترة يضحك علي ويقول صبحتنا امك من الفجريه


صراحه امي كانت خايفه علي ويكفي اني ماكنت عايشه معها لان ابوي مطلقها من زمان

ورحنا لاهله كان عندهم حفله وجتني هدايا من اهله

والله أنا يوم زواجي كان جدآ جميل واكثر من جميل الطقاقه توصل القاعه تلخبط با الاسم وترو ح الحلوه وتجلس أختي تدق ويالله ردت وماوصلت الا عللا الساعه 12 والكوفيرا زحمه وشوفي الخصام على الباب والله ما كأني عروسه من الخصام مع الحريم ويالله خلصنا بسلامه ووصلت القاعه المصوره ما جات وندق وندق ما ترد ونحجز وجد ثانيه وشوفو النكته لماجيت طالعه من باب القاعه كل الحريم مرو من نفس المكان وما صار شي غير يوم أنا مريت ويطيح الباب علي ااااااااااه ياراسي وعصبت على أخر شي ووصلت للبيت صلاة الفجر تخيلو الغباوه حقتي قلك قويه اول ما دخل يقول مساعده شي وارفع صوتي لوسمحت أطلع برا خخخخخخخخخخ من الغباوه وأجلس أفك التسريحه ساعتين ومن فكت أخر شي جا قال أساعدك وأهز براسي وانفكت أخيرآ وطلب فطور فطرنا وسواليف الا الساعه 10وبعدين نام طبعآ قفل الباب ورفع المكيف وحط راسه ونام عباله وحده با الغرفه وأنا بدآت رحلت العذاب الغرفه بارده وانا طبعي ابرد بسرعه لا وما فيه غطى كلها شرشف واخذه وأتغطا ونام وانا أرجف وعلى حافت السرير واقوم أنادي بصوت واطي يعني ناعمه ولا يرد والف وأبكي وابكي من البرد الساعه ثلاثه قررت اخرج من الغرفه واروج مجلس الحريم يادوب دخلت في النوم ولا هو ينادي من عند الباب وافز زي المجنونه وهو يقول بسم الله أشفيك نطيتي زي المقروص قلت بصوت و قوي ما فيه شي بعدين قال يا الله روحي البسي ورانا سفره بعد شوي وأقوم أتروش وابكي با الحمام عندي نوم بعدين سافرنا وكانت أيام حلوه انا لي الحين سنتين متزوجه بس دايم أتذكر الايام الحلوه نسيت ما فيه صباحيه عندنا بطلوها احسن وسلا متكم

رفع....بالله ردو