كل فنانات طبخ الاسماك الرجاء الدخول(قوت القلوب)

ما بعرف اذا هذا طلبك

لكن ما فيه بطاطس حاولي انت تضيفيه

"المطفي بالحمر


المقادير 00000000

على حسب كمية السمك اللي عندك وانا با النسبه دي الطبخه او غيرها ما عندي مقادير معينه بس با التقريب

وان شاء الله تضبط معاكم

* 5 ملاعق كبيرة دقيق

* ربع كاسه زيت

* تمر هندي عصير تعمليه انتي

* ملح

* نصف ملعقه ملح ليمون

* ملعقه صغيرة فلفل اسود مطحون

* 2 بصله مفرومه

* 5 فصوص ثوم مطحون

* 1 قطعه خلنجان مجروش

* 2 عود قرفه برضوا مجروش

* سمك هامور او ناجل



الطريقه الله يعافيكم 00000000

اول شي ومن قبل بيوم نحط التمر الهندي ( حمر ) في ماء ساخن علشان يلين ويمكننا عصرة

بعد كدا بعد ما يلين التمر تمام نقوم بعصرة با اليد تمام تمام ونصفيه جيدا ونحطه على جنب

نقوم بوضع الدقيق في قدر وعليه الزيت ونحمسه شويا لين يسير لونه مائل للاصفرار وبعدين نحط

عليه عصير التمر الهندي اللي عملناه وبحركه خفيفه نقلب وما نوقف من التقليب ونضيف الماء الكافي

لسلق السمك بشرط يكون اضافة الماء مع عصير التمر هندي وبكميات قليله لاننا نبغا الخليط يكون كثيف

شويا ما نبغا يكون زي الماء خفيف ولا كثيف مرة

ثم نقوم بعمل كشنه البصل يعني نحط البصله على الزيت لين يسير لونها اصفر ونخلطها مع الثوم المطحون

ونحطها على خليط التمر هندي ونحط كمان البهارات ( ملح - ملح ليمون - فلفل اسود - خلنجان - قرفه )

وبعد فورة او فورتين للخليط السابق نحط عليه قطع السمك ونخليه يطبخ لين يستوي السمك

يعني حوالي نص ساعه

الذيذ في دي الطبخه انها لازم تكون كثيفه بعض الشي يعني مو زي المهلبيه في السمك ولا زي

المويه خفيفه ولازم نوزن الملح كمان علشان يبان طعم الحمر "

منقول

تسلمين حبيبتى بجرب اعملها بالبيت خالتى دوم تسويها وطعمها مممممممممم بس الوصفه اللى ابيها فيها كزبره خضراء وبطاطس

بنات ارجوكم اللى عندها الطريقه تكتبها

بنات جده اكيد خبيرات فيها

قوت القلوب