ولاتحزنين يالغلا هذا جزء مابعد النهايه شكلك ماشفتيه
جزء مابعد النهايه
***************
*********************
وماتت سارا وحزن عليها وليد كثير
وربت منال شهد وفهد كانهم اولادها
ودلعتهم ماكانت ترضى ابد احد يزعلهم
وكانوا ينادونها ماما مايعرفون غيرها
بعد مرور 8 شهور
وليد : منوله ياقلبي ترى خلاص عاد من اليوم
حطيهم في غرفتهم الجديده عشان يتعودون
ينامون في غرفتهم
******************
منال : لاحبيبي توهم صغار حرام اخاف يقومون
يبكون بالليل وانا موعندهم
**********************
وليد : اجل ليش شرينا الجهاز الي صوت
وصوره الاعشان كذا اول مايبكون روحي عندهم
***************
منال : لااخاف يخرب الجهاز وماسمعهم
*******************
وليد : لاحول ولاقوة الابالله جديد وش يخربه
اجل ليش صارلنا كم شهر وحنا نرتب غرفتهم
وماخليتي شيء ماشريتيه لهم لمين هذا كله
*******************
منال :طبعا لهم بس موالحين اصبر شوي
عاد هم وش مضايقيناك فيه ياحبيلهم
هادين فديتهم مالهم صوت
****************
وليد : كيف وش مضايقيني فيه ابي اخذ
راحتي بسم الله عليهم كبروا الواحد يقعد
على اعصابه والي يسمعك يقول من بعد
غرفتهم كلها باب بينا وبينهم
***************
منال : ههههههه طيب خلاص ولايهمك
بوديهم غرفتهمبس ترى بكره بروح
اشتري لهم ملابس كل ملابسهم صارت
صغيره عليهم
******************
وليد : طيب نشتري لهم وليش مانتشتري لهم
والله ربي يحبهم الي عوضهم باام زيك
******************
منال : والله ياحبيبي ما تدري كيف انا
فرحانه فيهم والله إني ماحس انهم
مو عيالي احس كاني فعلا امهم
******************
في اليوم الثاني
منال : ياخلتي تكفين انتبهي للعيال انا بروح
السوق بشتري لهم ملابس شوي وبرجع
مراح اطول
*********************
وليد : والله يمه بنطول ماعليك منها بعد السوق
بنروح نتعشى ونتمشى شوي بستفرد فيها شوي
اخذوها مني هالعيال الله يصلحهم
*******************
أم وليد : ههههه خذوا راحتكم ياعيالي انا بجلس
معهم لحد الصبح محد يزهق منهم هالحلوين
هذول
******************
أم منال : وانا بعد بساعدها خذوا راحتكم
*****************
منال : انا مجهزه لهم الرضعه والحليب وكل شيء
بس اول مايجوعون حطوا عليه مويه
بس طيب الله يعطيكم العافيه
وسلمت على العيال
يالله باي حبايبي ماما وبابا بيروحون
شوي وبيجون لاتبكون تتعبون جداتكم
طيب حبايبي
*******************
وليد : يسمك يدها ويسحبها يالله خلصينا
الي يسمعك يقول يفهمونك والله مايدرون
وش تقولين
******************
منال : لالا تقول على عيالي مايفهمون
بسم الله عليهم اذكياء يفهمون بس
مايعرفن يتكلمون
*******************
وراحوا السوق
وليد : وشرايك بهالفستان مايصلح لشهودا
**************
منال : يالبوا يددنن ايوا يصلح لها طيب
وشرايك حلو هذا لفهودي
******************
وليد : ايوا حلو بس خلاص عاد ترى
بموت من التعب والجوع يالله
ماخلينا محل ماشترينا منه خلينا
نحاسب عشان نروح نتعشى
**********************
منال : يالله خلاص احنا كذا خلصنا
حتى انا بعد تعبانه وجوعانه
*****************
بعد ماخلصوا راحوا يتعشون
وليد : تعرفين كنت احبك بس الحين
موبس احبك اموت فيك
**************
منال : نفس الي احس فيه كل يوم احبك
اكثر من الثاني الله لايحرمني منك
**************
في البيت أم وليد ماسكه فهد
وام منال ماسكه شهد
أم وليد : يالله عاد ياحلوين اكلتوا وشبعتوا
يالله عاد ناموا وصارت تهزه وتقول
بقول لكم زي ماكنت اقول لابوكم كان بس
يسمعها ينام هوها ياهوها الكعبه بنوها
*** راح المكه جاب لي طبق كعكه
حطه بالصنودق والصنودق مافيه مفتاح
والمفتاح عند النجار
****************
أم منال : تكمل معها وهي تهز شهد
والنجار يبي فلوس والفلوس عند العروس
والعروس تبي لبن واللبن عن البقر والبقر
يبي حشيش والحشيش يبي مويه والمويه
عند الله
وكانو شهد وفهد يسمعونهم وساكتين ومن
كثر الهز ناموا الحلوين
*********************
أم وليد : ياحبيلهم ناموا فديتهم
****************
ورجعوا منال وليد بعد ماتعشوا حملوا العيال
وحطوهم في غرفتهم الجديده
منال : يارب تسلم لي حبيبي مره انبسطت
بهالتمشيه واشتريت كل الي نفسي فيه لهم
*************
وليد : الحمد الله انك انبسطتي منال بكره
باخذ العيال اوديهم لجدهم ابوسارا عشان
يشوفهم
******************
منال : طيب مومشكله بس وش اخباره مسكين
الله يصبر قلبه
*****************
وليد : والله الله يرحم حاله يحزن انا شفته
من كم شهر واليوم خطر في بالي قلت
بودي له العيال يشوفهم
*********************
منال : وشرايك ندور له على زوجه تنسيه
وتوسع صدره
*********************
وليد : ههههههه نزوجه والله فكره بس مدري
من وين بنجيب له عروس
*********************
منال : اخت خالد زوج العنود ارمله صار لها
كم سنه وهي عمرها بالاربعينات وشرايك
ماتصلح له
*****************
وليد : والله تصلح بقوله بكره وشوف دايما
افكر فيه صعبان علي
**********************
اخذ وليد شهد وفهد وراح عنده
وليد : هلا ياعمي كيف حالك جبت لك العيال
تشوفهم
*********************
ابوسارا : هلا والله بالغالين يامرحبا فيكم
واخذهم وبوسهم
*******************
وليد : قولي ياعمي وش اخبارك وش علومك
****************
الاب : والله ياولدي الدنيا ضايقه فيني
بعدهم راحوا مني كلهم بغمضة عين
ياليتني رحت معهم
****************
وليد : ياعمي لاتقول كذا انت رجال مومن
وهذا يومهم
*****************
الاب : الحمدالله على كل حال حتى اولادي
الثنين سجلوا بجامعه بالجبيل وماصارا
يجون الاكل مابين فتره وفتره والله البيت
فضى علي
******************
وليد : عمي وشرايك بلي يدور لك بنت الحلال
الي تنسيك وتوسع صدرك
**********************
الاب : ومين الي تبيني وانا بهالعمر
******************
وليد : عروستك عندي حرمه من عايله
محترمه من الجماعه زوجها متوفي
وعمرها في الاربعينات وش قلت
*******************
الاب : والله ياليت ياولدي تسوي فيي خير
والله ذبحتني الوحده
******************
وكلم وليد خالد وخطبوها له وتزوج ابوا سارا
*********************
وليد : منال والله مدري وش اقولك عمي
مسكين طاير من الفرحه الله يجزاك
عنه كل خير كانت ذابحته الوحده
*****************
منال : الحمدالله الله يوفقهم والله انه كان
كاسر خاطري
******************
وبكذا انتهى الجزء اتمنى يكون اعجبكم
وردودكم تسعدني 00000000الماهرات
الماهرات
•
الله قصه روعه
تمنيت اني دريت عنها قبل عشان اتوقع الاحداث
بس من جد روعه وحمستني لين خلصتها
الف شكر لك يا عزيزتي
بروح اسير على ملفك اشوف اذا فيه قصص ما قريتها
تمنيت اني دريت عنها قبل عشان اتوقع الاحداث
بس من جد روعه وحمستني لين خلصتها
الف شكر لك يا عزيزتي
بروح اسير على ملفك اشوف اذا فيه قصص ما قريتها
الصفحة الأخيرة
لي فترة عن قصصك
ربي يسعدك
ولقيت لك هذه القصة وقريتها على ايام
النهاية حزنتني
اهئ اهئ اهئ