كل ماجيت انام جنب زوجي قال قومي عني

امس صحت لين صفا راسي وبقيت شوي لصباح
زوجي مدري وش في راسه
يقول لاتنامين عندي انتي تتحركين كثير وتتكلمين
في النوم وهو العن مني يشاهق
ويطلع صوت كانه واحد مخنوق
واصحيه واقرا عليه ..لي كم شهر ما انوم بجنبه
متنطله يا انوم عند بنتي او في الصاله على الكنبه
او في غرفتي شايله بطانيتي فوق راسي
وادور فيها في البيت
وكل واحد ماسك مكانه ونايم
هو في المقلط وبنتي في غرفتها
امس ناداني تعالي اجلسي معي نتفرج على فلم
وركض لغرفتي اتدهن وتعطر وتحومر
واجيب بطانيتي فوق راسي يوم شافني
هز راسه وده ينفجر
وجلست اسولف معه.. شوي كلاني البرد وتلحفت
ونسدحت على الزوليه حتى فراش ما جبت معي
قال مخليه غرفتك والصاله وجايه تنامين عندي
انا رجال بفتح الشباك وانتي تبردين وتزعجبني
تحركين وتسولفين في المنام روحي نامي هناك
قلت وانت مثلي تسولف وتشاهق
واقوم على صوتك مهو معقوله لي شهور انام لحالي الي متى ما انام عندك قال مدري عنك قلت مهو معقوله كذا ولا هذا عذر
قمت شلت لحافي فوق راسي وطلعت
وانا اردد لاحول ولا قوة الا بالله
لو شفتوا شكلي وانا شايله البطانيه فوق راسي
واطلع خنقتكم العبره ياخسارة الكريم المعطر
اللي تدهنت فيه والعطر والحمور والمسكره
توقعت يلحق وراي مثل الافلام المكسيكيه
ويقول حبيبتي لاتغضبي مني اني احبك
ولم اكن اقصد ان اجرح قلبك الحنون
ارجوك سامحيني ويجثوا على ركبتيه
واقوم انا امسك يده واقومه وقول انا حبك
ولكنك جرحت قلبي يقوم هو يضمني ثم اطب عليه واضمه ونبكي جميع ثم يشيل الحاف من فوق راسي
ويقول تعالي حبيبتي نامي في حضني فأن لك لحاف
وصدري لك دفايه
المهم انه قام ولبس وطلع ولا كاني تفشلت ونطردت
بدم بارد ياقوي قلب الرجال
في كسره لقلب الحرمه ..قطع وجيه ودره
ورجع بعد كم ساعه يغني
طبعا خفت اتهور ونطل عليه كلام قويه
وتنتهي حياتي الزوجيه
رحت نمت في غرفتي صحت صحت صحت
مهو عليه على حالي وكيف اتصرف بعدين
وكيف ارجع اضحك معه وامزح عادي
ما اقدر اصير حرمه بوجهين مع زوجي
عشان اعيش معه..وكيف اقدر اتدهن وتلمع
وتحومر وتعطر واذا تطلقت ما ابي ارجع لاهلي
للمره الثانيه ولازم اسكن بالحالي وملابس النوم هذا ماتمتعت فيها ولا بستها وين البسها مع نفسي
افكار كثيره تودي وتجيب
المهم اني صحت صحت وصلحت فلم هندي تدربيت على فراشي وضميت لحافي
وجاني ابليس و قالي خلاص بتتركينه
رحت جبت ثوبه وفرشته جنبي في السرير ثم فكرت مجنونه انا احط ثوبه جنبي لو دخل علي بيقول مريضه نفسي
خلاص انتهت قصتي والحين صلحت غداي وبجلس اتغدا معه
المطروده تتغدا مع الذئب 😁