هيلينا روبنشتاين

اساسهم يناسب البشرة الدهنية ويصلح بعد عشان ينخلط مع أي اساس ثاني لتخفيفه

ماسكرتهم روعه

الكونسيلر حقهم برضو حلو

وعندهم قلوس ينفخ الشفايف حلو

دوف
لوشن للجسم بعد الحمام اللي لونه ازرق
جربوه وادعولي نعووووووووووووووومة ولا بالاحلام
مزيل العرق اللي عندهم حلو

بوبي براون
ارواجهم والبلاشر روعة
والكونسيلر حقهم ثقيل

أليجنت
اساسهم ولمعتهم وبودرتهم خسارة في خسارة
واضائتهم اللؤلؤية حليوة بس لازم تحطينها خفيفة

كاراجا
ارواجهم ناعمه وحلوة
البلاشر عندهم روعه

وبس


FF0099:angry:

:27: :angry:

من خلال تجربتي الطويله مع الميك أب

وعشقي الطاغي للمكياج

وأدماني على محلات المكياج

وبحثي المتجدد لكل ماهو جديد في عالم المكياج

أكتب لكم ما اعجبني وما لم يعجبني من المكياج الرخيص والغالي

مع العلم ان بشرتي تقريبا عادية


_ منظفات البشرة لتهيئتها للمكياج:من كلينك وكلارنس المجموعات الكاملة
انا مرتاحه لبرنامج لوريال الثلاثي وهو يعطي نفس النتايج (بس ما استخدم المرطب حقه اذا بأحط مكياج لأنه يحوس الدنيا)

_المرطب:من كلينك وكلارنس
(وايضا استخدم لوشن بيبي جونسون المرطب بالتركيبة المطورة اللي علبته بيضاء خفيف وحلو)

البيز:من ميك اب فور ايفر رقم 1
بس بصراحه الا الأن ما حسيت بالفرق منه
من جيفنشي اللي فيه نسبة تفتيح وحماية من الشمس بعد حلو مع اليك اب وبدون

كريم النضارة:
لا منافس لستروب كريم ولا تقولون لي جيرلان لأنه ما يناسب الكل
وكريم كلارنس

الكونسيلر:ديرما كول من كيريولان
كفر ديرم

كريم الأساس:
أساس لندن اللي اجيبه من الكويت واللي بدا ينتشر بالرياض ماله مثيل روعه
وهو عباره عن ثلاثه بواحد مرطب وكريم وبودرة وريحته مثل بودرة الأطفال
اذا بالنهار احط طبقه خفيفه وبالمناسبات اكثفه يطلع روووووووووووعه

اساس جيفنشي روووووعه يعطي نضارة خياليه ويصلح بكل المناسبات بس اختاري درجه افتح منك وجربي بالمحل الألوان


أساس ماكس فاكتور حلو وثباته أحلى
والماكس فاكتور ادابت تغطيته ناعمه وتجنن والوانه تناسب اللي يميلون للسمار و
حلو مرة قبل البرونز يوحد لون البشرة

أساس فور ايفر وماك استديو ماناسبني مع انه عاجب ناس كثير

أساس بودي شوب-إليجنت-نوبا-مو حلوين لأنهم يبهتون ويكتمون البشرة ويسببون مشاكل للبشرة على المدى البعيد

البودرة السائبة:
عندي من شانيل شفافه أستخدمتها مرة وما اعجبتني حسيتها تبهت المكياج

البودرة المضغوطة:
أحلى بودرة على الاطلاق ما تبهت ولا يتغير لونها وتغطيتها حلوة وملفته
بودرة جيفنشي القديمه الفضية البيضاوية اللي كل العلبه من داخل لون واحد
ومن تشكيلتهم الجديدة جربت البودرة بس ما عطتني نفس اللون بروح اشتري لون ثاني

بودرة ماك الاستديو اشوفها على صديقاتي حلوة بس انا ما ناسبتني

لمعة الوجه:فيه لمعة برجوا اللؤلؤية اللي بعلبة زي الشدو انا استخدمها لبشرتي واحطها بالاسفنجه عشان تطلع واضحه رووعه وتشبه لون نايلون اللي عند ماك بس انها مو كريميه وحلوة
وفيه لمعه اخذتها من مكياجي من ارتديكو رقم 10 حلوة مرة بس لا تثقلينها وبنفس الماركه فيه الوان ثانيه حلوه
وفيه من اليجنت رقم 66 قويه مرة بس لا تثقلينها
واللمعه الذهبيه من D.m.g.m
اللي ب محل المتنبي بطيبة حلوه اذا حطيتيها بشكل خفيف على بشرتك (وخصوصا مع البرونز)
وانا استخدمها على جسمي بعد تطلع روووووووعة

وأضائة كيريولان ونوبا رووووووعه بعد

للحواجب:تاتو فور ايفر بس اختفى من السوق
أقلام( من ريميل - برجوا - ريفلون) واذا تبينها تطلع مثل البودرة ومو محدده مشطيها

لتحت الحاجب:
أستخدم نفس اللمعات السابقة بس أثقلها

الشدو:انا مقتنعه بأن الشدو مو بقيمتها ولا بماركته اهم شي اللون والقوة
انا استخدم علب جوفيك الكبيرة
وشدو ريد ايرث حلو
وشدو نيبو روعه
ميك اب فور ايفر
ماااك
وعشان يطلع الشدو فخم حطي عليه شوي من اي لمعه تبينها مثل اللي قلت لك قبل ويطلع كأنه ماركه وراقي

وثقلي الشدو عشان يطلع حلو وواضح

وانا بالنهار احط الشدو من البلاشر حقي لأن الوان البلاشر دايم هاديه وناعمه
والقليتر من اي محل لو انشالله ابو ريالين ما تفرق معاي

الكحل الأسود القلم:

انا احب ريفلون الأتوماتيك حلو مررة وأسود

جيفنشي الفاااااااااااحم روعه
وشفت على صاحبتي الكويتية مرة كحل اسود يجنن قالت لي انه كحل لندن ابو خمسه ريال يجنن
ويمدحون كريولان بس ما جربته
وانتبهي من برجوا ونوبا وريميل واليجنت وشانيل ترى كحلهم الأسود اي كلام ومااحبه

الكحل الأسود الأيلينر:
لاااانكوم
محمود سعيد(اليزابيث) بس مشكلته اذا ساح يسيح من قلب ويفشل بس اذا كان عاقل ذاك اليوم بيض وجهك قصدي سود عينك

الماسكرا:للمناسبات الكبيرة-
ديور اللي مكتوب عليها بالفضي
لانكوم السودا القديمه
للمناسبات العاديه-
برجوا اللي غطاها وردي
هيلينا روبنشتاين
للنهار-
ماكس فاكتور

الكحل الملون:الأزرق الفيروزي القلم من بالاديو ( تلقونها في سيتي بلازا ماركه حلوة مرة)
الألوان الثانيه من فور ايفر وبرجوا

قطرة العين:بروزلين ييييييييييييييييييع وتطفش وتزيد الدموع
من الصيدليه كومبليت من بلينك أن كلين واستخدمها بعد العدسات تطلع روعه بعد ولا تحمر عيني ولا يحزنون

البلاشر:من علبة جوفيك او من الظل ما تفرق معاي لأن اللمعه تخليه يطلع كأنه ماركه وحلو
وبلاشر ماك شفته مرة حلو

الروج:وجينا لمعاناتي
انا الا الأن ما قتنعت بأنواع كثيرة من الأرواج بس بقولكم عن اللي جربته وعجبني (نص أعجاب)
من زهور الريف حلو
من كاراجا حلو
من ريميل هادي ويصلح للدوام
من شانيل يعع
من نيفيا يعع
من لانكوم حليو

القلوس:وهذي لعبتي
ريميل تناسب الأغلبيه (بس انا ما اعتمد عليه لأني كسوله ما احب اعيد وأزيد)
فيه قلوس شريته من بلاديو زي القلم اللي ينبرم يججججججججججججججججججججججججنن روعه يخلي الشفايف مشدوده وتلمع بقوة كأنها قزازة بس كالعادة جت الحزينه تفرح لقت القلوس ماعاد يجيبون منه
من نارز ماعجبني
من نوبا كل الملمعات اللي بالبلسم ( فيه منها بألوان وشفافه) وتجي بعلب دائريه زي الشدو هذي رووووووووووووووووووووووووووووو ووووووعه ولا تفوتكم وخصوصا الدرجة427

وكريستيان ديور وشانيل حلوين وبس

:icon28: :icon28: :icon28: :D

اذا فيه ماركة نسيتها ذكروني فيها

واذا فيه منتج حابين تسألون عنه اسألو وأن ما جاوبتكم عنه اكيد غيري بيجاوب
( حنا بنات العرب ما فيه زي كرمنا ووقفتنا)

واذا فيه ماركة حابين تعرفون من وين تشترونها برضو أسألو

بس الأسعار لا تسألوني عنها لأني ما اعرف اسعار كل الميك اب(أختكم من النوع اللي ما تعرف تحسب تقش وهي ماشيه وتنصدم عند الكاشير وتسوي فيها انها كاش وومن وتدفع)

لا تبخلون علي وشاركوني لو بدعوة وأبتسامة

:27:

مشكووووورة من جد بذلتي مجهود تشكرين عليه

ام حمودي.....ما شاء الله عليك....روعه...كفيتي ووفيتي...
للاسف الان ماعندي سؤال؟؟؟ولا كان سئلتك...
شكلك فاتحه محل مكياج...الله يهنيك فيهم..