وكلي امرك لله والمؤمن مبتلى
لا حول ولا قوة الا بالله العلي العظيم
انا لله وانا اليه راجعون
أسأل الله لك الصبر والرضا بالمكتوب

الله يخليه لك والحمدالله على عطية الله

اختي عمرك ما تتضايقين عشان هالشي هذا هديه من الرحمن واقبليها كما هي بدون البحث عن سبب
بعدين احمدي ربك عالنعمه تخيلي لو قالو المستشفى لاقدر الله انه متخلف ولا مشلول كامل ولا عنده بلاوي كبيرة وانتي وياه كل يوم بالمستشفيات
اعرف وحده بنتها تهبل زي القمر وعمرها 5 سنين وكامله الخلقه لكن بالولاده انقطع عنها الاكسجين شوي وتخيلي صارت مشلوله شلل كامل وعندها تخلف عقلي الام تقول بنتي من النفاس لحد الان نفس ماهي مافيها اي تطور يعني حتى الضحكه والحركات حقت الصغار ماشافتها منها تتمنى لو انها ناقصه يد او رجل ولا حتى بكما بس تعرفا وتتفاعل معها وتشوفها تكبر قدامها
وبعدين والله اعرف وحده بنت الحين عمرها يمكن 27 سنه نفس حالت ولدك وهي بعد اليد متصله ب3 اصابع صغيرة مره وبدون باقي الاصابع والكفويم صار عمرها 15 اخذوها اهلها فرنسا على حساب الحكومه وسوت زراعه يد طبعا يد صناعيه بس شكلها زي الحقيقيه وتعرف تستخدمها وتشيل فيها كمان لاكن فيها شي
شوفي ياحبيبتي انتي لو تقبلتي ولدك هو راح يتقبل نفسه والمجتمع بيقبله وبيعيش بثقه لكن لو كنتي رافضه الامر لو بينك وبين نفسك راح تنقلين هالشي لولدك بيعيش بعقده النقص ومكسور وبيأثر فيه كلام الناس لكن انتي خليك مؤمنه واشكري الله واحمديه وخلي تفكيرك كيف تربين ولدك بطريقه مبدعة وتخليه يتغلب على مشكلته ويعيش براحه وسعادة مثله مثل غيره
وتذكري ان اول خطوه للوصول الى حل هي الاعتراف بالمشكله

الله يهون عليك ان شاءالله ويصبرك ويمسح على قلبك ويعينك ويعوضك ويسعدك ان شاءالله.

حبيبتي حتى ا نا ولدي ولد قبل 25يوم بشفة ارنبية والحمد لله والشكر والله كانت صدمه لي اراجع وكل شي زين واتفاجى في غرفه العمليات والحمد لله

قولي الحمد لله على كل حال الله يصبرك واحتسبي الاجر عند الله