&& كل ماطاح حرف &&

القصايد مثل برق وسحــــابة **** تشربه عين وعيون تخـــــــيله
والورق قاع والعشق الكتابة **** والمعاني مثل روض ومسيـله
والمنابت تراها ماتشـــــــابه **** النفل والخزاما وش مثيـــــــله
صبح الاشراق ياسيف المهابه **** يامها الحب بالعين البخيــــلة
عاشقك بالهوى مغرم صبابه **** خافقه بين كفينه يشيــــــــله
وهاجس مر ماجابه غـــــدابه **** هاجس فيه ماكفاه ليــــــــــله
فيه حكي بصدري مـــادرابه **** وكل ماطاح حرف قمت اشيله
وبه بعينه حديث ماحكـــــابه **** آه لو بس يعطيني قليـــــــله
حرفي اللي احنه من عـــذابه **** لين ناظر بعينه الجمــــــــيلة
كل مامر نسناس وجــــــــابه **** اطلق البال للهوجاس خــــيله
ابتدا به حديث ولا انتهــى به **** بين صدري والانفاس العليــلة

شعر : الأمير سعود بن عبدالله

محبتـــــــــــ أميرة الليالي ـــــــــــــكم