كل ماقلنا اه ... قلتوا فليها

الله يعين على هالدنيا مااحد فيها مرتاح اللي متزوجه تشكتي من رجله وتبي تطلق واللي ماتزوجت تبي تتزوج و و و المشكل ماتقضي

بس مااقول الا اللي يحقق لاي وحده ماتتمنى ياااااارب

معاك حق في كل اللي قلتيه بس يا حبيبتي انا اقولك مقوله شي كلنا يا اختى نمر بضروف قويه مو انتي بس او اللي عايشه بقريه او اللي تنكرف و الله فيه ناس بعيني شفتهم عايشين في حجره وحده و مع كذا ما قد شكت ام و تجري على اطفالها ايتام و في غرفه ما يعلم بها الا الله و طالعه من الصبح الى اخر الليل شغل عشان عيالها ومع كذا ماشاء الله تبارك الله البسمه ما تفارق محياها الا تقول الحمد لله اللي عطاني سمع و بصر و عيال .
شوفي قصة احمد بن حنبل كيف عذب في قول خلق القران سجن وحيد و سحبو منه الاقلام عشان ما يكتب و عذب
ومع كذا ما شكى و الله قصته نموذج رااااااااائع في الصبر كلنا نواجه مشاكل كبيره و صغيره و الله وحده العالم بالحال بس لو تفكرنا يوم مثلا ان الله سلبنا نعمه من نعمه البصر السمع الصحه ... نعرف بعدها معنى انا نلاقى حياتنا في قلوبنا و نحييها بانفسنا
بالنسبه لي انا مريت بالكثير الكثير من كان عمري 12 سنه و كان امامي طريقين يا اني اتحسر و اتندم او اني ابحث عن شي في نفسي اعيشه و اعيش و اقعي و قدري اللي مكتوب لي و الحمد لله مع الصبر و الاحتساب وحسن الظن بالله عشت وهذا انا اكتب لك وكل ما التفت خلفى اقول الحمد الله ايام وراحت مع اني لازلت اعيش اشياء ثانيه الى الان
كيف واجهت الصعوبه ابد اول حسن الظن بالله عز وجل ثاني شي انا ما ابي ناس انا ابي ربي و بالاخير اشغلت نفسي بنفسي تصميم رسم السعى للخير التطوع في الدور الخاصه بتحفيظ القران و الحمد لله الحمد لله الحمد لله
و اللي ما تبي تصبر وش تقدر تسوي يعني بتغير اهلها و الا مكانها

غاليتي انا مقدره انك طلعت من مكان و تغيرت عليك الظروف بس حاولي انك تكوني انتي مصدر الهام لعائلتك و امك و خواتك وزي ما قلتي هم يتكلمون عن الزوج و مدري ايش انتي حاولي تغيري دفت الكلام لصالحك بذكاء يعني جيبي موضوع عن المراه و كيف يمكن تهتم بشخصيتها و قولي لهم عن الزوج هههههههههه
و الله من واقع تجربتي الحريم يحبون هالمواضيع حتى امك شوفي ميولها و حاولي تجارينها وماشاء الله عليك باين انك بنت مثقفه يعني سوي صحبات لك من النت سوي منتدى سوي مدونه
اعرف اني طولت عليك بس حبيت افيدك باللي عندي
و الله يسعدك و يرزقك بالزوج الصالح ان شاء الله وكل بنات حواء و نحضر زواج جماعي لبنات حواء باذن الله




اللهم اني أشكو اليك ضعف قوتي وقلة حيلتي وهواني على الناس ..أنت ارحم الراحمين وأنت رب المستضعفين وانت ربي ...
إلــــــــــــــــــــــــهي إلى من تكلني
ان لم يكن بك غضب علي فلا أبالي ..ولكن عافيتك أوسع لي ..أعوذ بنور وجهك الذي أشرقت له الظلمات وصلح عليه أمر الدنيا والآخرة من أن ينزل بي غضبك أو يحل علي سخطك
لك العتبى حتى ترضى ولا حول ولا قوة إلا بك

وانا اقولك بعد مو كل من تزوجت ارتاحت وشااافت الهناء والسعاده والعز

يا شيخه يمكن جلوسك ببيت اهلك ارحم مليون مره من انك تتزوجين

انا متزوجه والحمد لله حياتي ماشيه لكن مشكلتي حساسه

زوجي ما اسمع منه كلمه حلوه لا بمناسبه ولا بدون

يعني الزواج والكلام الحلو اللي نشوفه في المسلسلات ما يتعداهم

على الواقع شي ثاني

والحين في هم وغم

ربك وحده يعييييييييييين على هالدنيا


بس


نصيحه


لا جيتي تتزوجين خذي واحد مقطووووووووع من شجره


وراتبه على قده

الله يفرج لكل مهمومة بهالمنتدى

صادقه انا تعبت من كلمه استانسي الحين ماعندك مسئوليه طيب خلاص مليت صار عمري 33 واهتماماتي تغيرت صار نفسي يكون عندي اطفال واهتم فيهم مو مثل لما كان عمري 22 تلفت نظري المسلسلات والطلعات كل الاشياء هذي خلاص بعدبن وين الوناسه فيها رحتي لها مره ومرتين وثلاث وفليتها ع الآخر مثل مايقولون لكن هل سعادتها مثل سعادة طفل في حضنك مااعتقد ومااقول غير ربي كريم وبيكرمنا