كل مالها أنانيته تزيد !!!!....

                       السلام عليكم ورحمة الله وبركاته


حبيباتي اتمنى تنورني في موضوعي بالذات بائعة الزعفران ولايهينون الباقين 
كلكم استفيد منكم كثير ...
بدخل فالموضوع على طول هذي اول مشاركه لي الحمدلله حياتي مسيطره عليها بفضل من الله مش ذكاء او تميز ،تخطينا أمور كثيره في حياتنا قربنا كثير من بعض(اقصد انا وزوجي) صار فيه انسجام وتفاهم كبير بقى عندي امر عجزة اغيره زوجي انسان مشغووووول وله علاقات واسعه صداقات واخوان ومعارف 
المهم والزبده لايمكن يبدينا على نفسه الا في كم مره لاتذكر صحيح مايقصر 
موفر لنا كل شي بس اذا أبي مشوار زايد زي سوق طلعه وطلبتها اليوم مستحيل يوديني اليوم يجلس يسحب علي يوم يومين أقرب موقف يوم السبت ارسلت له عالعصر قبل المغرب انو انا زهقانه مره وضايقه مره ودي اطلع شوي اغير جو 
رد علي انا مشغول والجو غبار ... 
طبعا الجو لاغبار ولايحزنون واذا مشغول انا متأكده لو احد غيري طلبه يأجل شغله ويروح له ...
المهم ارسلت له مشغول!!!!!والغبار وينه ما اشوفه 
رد :تبين تطلعين وانا مالي نفس 
يابنات انا ما اطلبه اطلع لانه الحمدلله من هالناحيه مايقصر وانا عندي اهل وجماعه يعني حتى لو ماطلعنا دورت احد ورحت له مش تلزق لا يكون فيه واجب لازم أاديه 
رديت:الله يسامحك نفسي اطلبك بالطلعه وتلبيها لي حتى لو مالك نفس انا كثير احيان اطلع معك وانا مالي نفس او اكون ابي اسوي شغله وأجلها واقول قال نطلع خلاص لازم نطلع .....
 هذا اقرب موقف بنات مو مشكلة طلعه والله ابي اكون من اولى أولوياته يعني اذا طلبت طلب مايقولي بكره لا ابي احس انه حاول يوديني ماقدر 
نسيت اقولكم ليش ماطلعني لانه مجتمع هو واصحابه يتابعون كوره بالله مو شي يقر 😭
بنات ابي كلام قوي اخليه يعرف ان انا وعياله أولى أولوياته بعدين يفكر في نفسه واشغاله واصحابه 
وانا طلاباتي مو كثيره وانا بطبعي قنوعه انا اعرف انو هذا عيب فيني والحمدلله بديت اتغير وهو لا حظ عاجبه عكس اول ساكته ومالي طلبات وراضيه وكان متفرعن الحمدلله قطعت شوط كبير معاه لاكن أملي فالله اكبر دعواتكم ولا مانع من استشارتكم
    
                                  دمتم سالمين