كل مايتصل انقهر

السلام
قبل ما ابدأ اكتب الموضوع
والله كل مواضيعي لي اكتبها هنا حقيقية وصادقة ولا بعمري طقطقت عليكم وخدعتكم
انا عندي اخوان من الاب ٢ بس
واحد متزوج والثاني لا
الاول متزوج وعنده ولد و٣ بنات وعمره ٤٣ سنة
قبل سنتين بالضبط كلمني يسأل عن احوالي واخباري وبعدها طلب اخطب له وحدة ثانية
بس بالسر هذا شرطه الوحيد بالسر بدون ماتعرف حرمته لانه مايقدر يعلن الزواج وتكون بكر واستأمني على هذا الشرط
يخاف من حرمته لانها منصب واهلها مناصب وماعندهم تعدد وخرابيط لذلك موقفه بيكون ضعيف
والله يهديني رحت بغباء معاه على ٣ بيوت كان يجي من مدينته ونروح عن طريق خطابة بس الحمدلله كلهم رفضوا لانه يبغى تسلية فقط شبع من لي عنده ويبغى يدور جديدة وكالة
تفكير ذكوري سافل
هجد وقلي خلاص هونت وبعيش مع حرمتي وابني وبناتي ورضيت بنصيبي معاها
رجع قبل شهر كلمني ثاني يقولي ها حصلتي منا ولا منا سعودية اجنبية عادي بس المهم بالسر وانا اقوله ادور بس اسلك
وانا والله حسيت على لي سويته واستحقرت نفسي جدا اني رحت معاه وسعيت بخراب بيت
انا ما اعرف حرمته زين لانهم ساكنين بعيد بس ما ارضاها على اختي حتى ارضاها على بنات الناس ينخرب بيتهم
اليوم رجع كلمني واتس اب يقولي حصلتي و انا مخلي واحد يدور لي بالسر وحدة مسكينة غشيمة تبغى الستر وماتطلب ابدا ويمكن يعلن الزواج اذا خلفت بس يعني احتمال تخلف ومايعلن بعد
والله صابني غثيان منه كل ما اشوف اسمه او صورته ارجف واتشفق على حرمته المسكينة في حال تزوج اخوي ناكر المعروف والعشرة بعد ٢٠سنة مثل اشباهه الكثيرون
اليوم من القهرة لي فيني كنت بقوم بفضحه عند خواتي وامي بس سكتت لاني بسبب مشكلة اكبر معاه
بس والله مقهورة منه مدري لي فيني بالضبط ايش منه