ماشاء الله تتهنين فيها يارب....

اختي ام البنوته الحلوه الف شكر لك على الموضوع الرائع
حبيت اسأل ايش صناعتها وهل هي افضل امlg
ارجوكم جاوبوني لان شغالتي بتسافر وابي اشتري بسرعه ومتردده بس على اي ماركه

احسسها للي ما عندها شغاله او اللي بدوله اوربيه ..

احنا وش يدخل اقدورنا اللي اكس لارج بالغساله

مشكوره اختي

هلا وغلا
تسلمين حبيبتي على هذا الموضوع
الرائع والمميز

ياهلا وغلا فيكم ... الشكر لكم على مروركم وردودكم ودعاويكم الحلوه ياالغاليات ..


بابدأ بالاجابات :

أختي الحلوه : هلا فيك ، طبعا تقدرين تختاري الغسيل 2 أو 3 أو 4 عادي بس لفي المؤقت على رقم2وشغلي زر التشغيل وخلالالاص ،، رقم1 يطووول بس غسيل لايعلى عليه ، انا دايما اختار الغسيل رقم5 نظافه جداا رائعه .
بالنسبه لزر pulse ايه يشتغل بس مو لحاله ..يعني اختاري الغسيل 1 واضغطي زر pulse ..
بس انتبهي لاتستخدمي هذا الزر دايما هذي نصيحة البائع قال لاتستخدميه إلا للضروره ، وبيني وبينك ماعمري استخدمته لأن غسيلها ماشاااء الله مايحتاج زياده غسيل .
ـــــــــــــــــــــــــــــــــــ

أختي ام عبده:هلافيك .. غسالة اريستون اشتريتها من المنيع بـ1800من سنه ونص وموديلها
LS 630 وماشفت غيره من ماركة اريستون ..
ـــــــــــــــــــــــــــــــــــ

اختي بريداويه : آآمين ، الله يسلمك من كل شر ويجزاك الف خير على الدعوه الحلوه :)
الرف الأخضر هو اللي قلتيه الشبك اللي على يمين السله العليا ..

وبالنسبه للمنظفات :
استخدمت فنيش المكعبات "ومثل ماهو مكتوب على الكرتون 3في 1 يعني مايحتاج ملمع وملح" جربتها وماعجبتني ابد .. احيانا يبقى صابون ماتذوب كلها او تبقى قطع الصابون على الأكواب ..
تركتها وجربت فنيش الصابون وفنيش الملمع وفنيش الملح ومافيه احسن من تنظيفهم

وهذي صورهم :
هذا الملح :

ويوضع كل مانورت لمبة الملح ..

وهذا الصابون والملمع :

ويوضع الصابون مع كل غسله والملمع كل غسلتين او ثلاث ..
ــــــــــــــــــــــــــــــــــــــــــــ

أختي dream ledy الله يهنيك في حياتك ويوفقك :)
ـــــــــــــــــــــــــــــــــــــــــــ

أختي ^الفراشه^: هلا فيك ..صناعتها ايطاليه على مااظن بس بتأكد اليوم وارسل لك على الخاص واكتبها هنا ..
بالنسبه لغسالة ال جي مااعرفها بصراحه انا لفيت وقارنت بين كثير من الغسالات بس مااذكر ال جي
ممكن تروحي وتسالي وقارني بين ال جي واريستون حرارة موية الغسيل مهم وبعد قوة الغساله (بالوات) وسرعة الغسيل ، وتعدد خيارات الغسيل .. والله يوفقك بالزين ان شاااء الله ..

ـــــــــــــــــــــــــــــــــــــــــــ

أختي للا غادة : هلا فيك .. بصراحه اللي عندها شغاله حرام تجيب غسالة صحون ،هي مفيده للي ماعندها شغاله ،او بتروح شغالتها وبتطول الثانيه واذا جابت شغاله تفصل السلك عن الكهرب وتنساها لحد ماتروح الشغاله :30: انواع الخبث !!! :42:
بس القدور انا عندي اكبر قدر في الطقم تدخل فيها ، وتدرين والله قبل اجيبها قالوا لي ماتغسل القدور قلت معليش انا اغسلها بس افتك من الباقي كله ، غسيل الصحون هم وغثاااء وخاصة بهالبرد :09:
ـــــــــــــــــــــــــــــــــــــــ
أختي سمن وعسل نورتي موضوعي وشكرا لك :)

ــــــــــــــــــــــــــــــــــــــ

لكم جميعا كل الشكر والمحبه :26:

تحياتي :)