كل ما أبتديت برجيم أخربه بعد كم يوم ..قلبي صار يوجعني

السلام عليكم

يابنات أتمنى منكم نصحي والوقوف بجنبي

انا يابنات كل ماأبتديت برجيم اجلس كم يوم وأخربه

وخاصة يوم الأربعاء والخميس والجمعه هذا يوم

التخريت العالمي عندي تشوفوني اخرب جهد أسبوع بثلاث أيام

ماتبقى شكولاته ولا شبسات ولا وجبات ولا طبيخ بالبيت الا وآكل منه

والمشكله الكبيره أني اذا جا يوم الجمعه جلست متنكده وضاق صدري وأندم

لأني ضيعت مجهود هالأيام كلها يابنات احس مو بيدي انا وحده ماأطلع ولا

أروح ولا أجي وبس تجي هالثلاث أيام تنفتح نفسي لأن يجي عندنا اولاد وبنات اخواني

وزوجات اخواني فخلاص أحس اني لما أقدم لهم أنسى نفسي وآكل هذا غير اني

بعد ماقرأت هنا بالمنتدى أن البنات يمدحون جهاز السير الكهربائي رحت

وأشتريته وبالأخير تعالو شوفوه يسمع صوتكم لاأمشي عليه ولا شي يعني

أستغفر الله العظيم كل شي متوفر والنحف بيدنا من بعد توفيق رب العالمين

وبالأخير جالسه اقول ليه ما أنحف تعبت نفسيتي قسم بالله تصدقون الان

وقبل ما أكتب لكم هالموضوع أكلت شكولاته جلكسي وشبس وقبله كنت ماكله

كيك وبيتزا وش كبرها وانواع الحلا يعني بطني أنشق نصين من الأكل

غير كذا جسمي رايح بالعرض من زود الأكل وبطني بدى يكبر زياده على

الكبر اللي هو فيه هذا غير الثنيات اللي بظهري واللي مضيقه خلقي

من كم يوم كنت رايحه حفله ونا لابسه اللبس واضحه الثنيات اللي بالظهر

تعبت ونا أسوي رياضه ومع كذا مو راضين يروحون واللي ضيق خلقي أكثر

لما قرأت هنا موضوع للبنات تقول فيه انه الثنيات اللي طالعه بسبب النحف

من دون رياضه هذي مستحيل تروح الا بعمليه وياعيييييييييييني والله

وش عمليته أنا اخاف من ظلي أروح أسويلي عمليه الله يكفينا وياكم

شر العمليات وخطرها وضررها يعني بجد لما أشد الجلد بيدي يا الله ظهري

وش يطلع يجنن وبس أتركه أحس ودي أقطع عمري ولا أشوفهم يعني عندي

همين هم الألتزام بالرجيم وهم الجلد المترهل في الظهر والبطن والأفخاذ

بس اللي بالظهر عندي أهم وقبل أي شئ ثاني سبحان الله منظر الظهر وهو

متقسم جداااااااااً مقرف أستغفر الله ياربي والحمدلله على كل حال بس من

جد عجزت من نفسي ساعدوني الله يجزاكم الجنه ... الله يوفقكم انتو خواتي

هنا وأنا أستفدت من بعد توفيق الله لي وفضله علي أستفدت من هالمنتدى كثير

ببدياتي فأتمنى وقفتكم معي وشوفولي حل عشان ألتزم مع الرجيم وكيف

أقضي على هالثنيات للأبد تعبت مره سااااااااااااااااااااعدووووووووووني :eek: