كل ما أتهاوش مع زوجي يطردني من البيت/ قديم + لا يخص القسم

السلام عليكم خواتي
اشلونكم
ما أبي أطول عليكم
أنا متزوجة من 14 سنة وعندي الله يسلمهم سته وحامل وزوجي متعلم وفاهم
لكن ؟؟؟؟؟؟؟؟؟
ما تخلوا الحياة الزوجية من المشاكل مستحيل ما فيه اثنين ما يتهاوشون مستحيل وزوجي من النوع اللي محملني مسؤولية البيت والأبناء ونفسي ومعتمد علي دراسة الأبناء ما له شغل فيهم ومتطلباتهم ومشاكلهم ما له شغل مع إنه مدرس عمره ما فتح معاهم كتاب والله ما كذبت عليكم أهم شئ عنده شغله يبي يوصل بسرعة على حساب بيته وأنا أعين وأعاون لكن إذا إختلفنا أو تهاوشنا ؟؟؟؟؟؟؟؟؟؟؟
طردني من البيت؟؟؟؟؟؟؟؟؟؟؟؟
يقولي أطلع أجي ما ألقاك في البيت ؟؟؟؟؟؟؟؟؟؟؟؟؟؟ وورقتك راح تجيك
إخذي عيالك وروحي لأهلك ؟؟؟؟؟؟؟؟؟ هم عيالي بروحي
في مرة رحت لأهلي وخذيت عيالي وكان حزت مدارس وكنت حامل وقعدت عند أمي وأمي تصرف علي وعلى عيالي ومر العيد ما قال أبي أروح لعيالي وقالت له أمي ليش مخليها قال :
هي خليها تجي بنفسها أنا ما أجيها أمي قالت ما يصير أنت اللي طردتها هي ما راحت بكيفها
إلى أن قالت له أمي أنا بشتكي عليك فجاء
بعد السنين هذه صرت لو يقولي روحي لأهلك ما أروح لأن عيالي كبروا ومدارس كلهم ومصرف وأمي ما لها ذنب تتحمل مسؤوليتهم أقعد واسكت ألحين هو قالي روحي أنا ما أبيك أبي أطلقك وأمي قالت لي تعالي معاي بس عيالك لا وعيالي صاروا يبكون كسروا خاطري وقعدت أبكي معاهم وما رحت مع أمي صار لي اسبوع معاه بالبيت لا يصرف ولا له شغل بأحد يدخل ويطلع ما كأنه يشوف العيال قدامه وينام تحت وما يتغدا ولا يتعشى وعل طول برا هو ساكت وأنا ساكته محد تدخل بينا ولا أصلح بينا
يعني ألحين كل زوج يسوي بأم عياله جذي لما يتهاوشون كل الناس تتهاوش بس مو جذي ما توصل للطرد وطحت مريضة حيل حيل مريضة ولا سأل عني ولا قال فرصة نتراضى وفوق هذا يبي يسافر سوريا يوم الجمعة
شسوي
والله الطلاق مو سهل وإلا ودي فيه بس هالعيال كاسرين ظهري
شاركوني التفكير أفيدوني