هلااابك اختي

عادي تاخذين بياض البيض وتخلينه على وجهك لين يجف بحدودساعه الاربع

وتغسلينه بماء بارد قليلا.......الماء الحار او الدافيء انسيه هو اللي يرهل

أختي شيرين .. هوني على نفسك !! أنا حاسه إن ثلاثة أرباع اللي فيك شيء نفسي !!
وتذكري إن مهما كان شكلك فجمال الروح هو اللي يبقى .. والشكل الخارجي مصيره
للفناء عاجلا أو آجلا !!

عموما مساهمة مني لحل مشكلتك عندي حل متوفر في عيادات التجميل المتخصصة وهو حقن البوتوكس ( وهي حقن تستخدم لشد البشرة وإزالة التجاعيد الخفيفة )
أنا أسمع وأقرأ عن هالحقن وشفت مرة حلقة خاصة عنها في برنامج في إحدى القنوات اللبنانية
وهالحقن بالذات يحبذ إستخدامها للشابات قبل المسنات .. لأنه مفعولها ينفع للبشرة الشابة زي اللي في عمرك
بس قبل ماتعملينها لازم تسألين زين عنها .. لأني برضه سمعت إنها ممكن تعجل بالتجاعيد .. بس بصراحة الدكتورة اللي ألتقوا معاها في هالبرنامج كانت عاملتها بنفسها .. ووجهها كان يلمع ومشدود .. يعني ماشاء الله مراية

أتمنى تلقين حل سريع .. وأهم شيء تكون ثقتك وإيمانك بالله قوي لأنه هو بيده سبحانه يخلصك من همومك

وزواج سعيد و موفقة إن شاء الله :27:

انا عندي الحل بأذن الله
تراني خبره في امور التجميل ومطلعه على كل شي
اول شي نجي للترهل
تروحين لعياده تجميل ممتازه وتسوين عندهم تقشير بليزر ثاني اكسيد الكربون ولاتخافين هو بيحط لج مخدر وماراح تحسين الا بألم بسيط ومده التقشير تقريبا حق كامل الوجه ساعه وبعدها بيحط لج كمادات ثلج وبيكون وجهك منتفخ واحمر ولكن ممنوع تطلعين في الشمس مده شهر
وبيتم الوجه احمر اسبوعين ويبقى وردي لين ماتكملين شهر....لكن للعلم ممكن تستخدمين مكياج تغطين الاحمرار بعد اسبوع من الليزر......بس اذا جينا حق النتايج فهي بصراحه خياليه والله بتردين كأنج وحده عمرها 18 سنه
وللعلم هالكلام مش انا سامعته لا ....انا شفته والله بعيني.........بس قوليله تقشير عميق
هذا بيحل انشالله مشكلة الترهل وللعلم الليزر هذا يستدخل بديل عن عمليات شد الوجه
بعدين نجي حق الخطوط الي بين الانف والفم ....باختصار بعد العمليه بشهر سوي حق الكولاجين ...لان البوتكس مايتفع حق هالمنطقه
وصدقيني بتردين وحده غير بأذن الله بس لاتنسين تدعين لي
بس امانه لاتخافين ترى والله مجربه

بس نسيت اقولج بعد الليزر بشهر اذا جيتي تطلعين في الشمس استخدمي حمايه ممتازه بس هذا ضروري في بدايه الامر
ونسيت اقولج ان الليزر هذا يشيل التجاعيد والترهل كأنه ماكان موجود من قبل يعني بتردين بأذن الله صغيره

الغاليه ROMA... والله معاك حق بس ايش أسوي؟؟ حظي السئ ان أكون أكبر من الخطيب وأعاني من
هالمشكله الي تزود الهم :44: قالت أختي الحل أن أترك حبيبي و أرتاح وأتزوج واحد أكبر مني :06:
المهم... سمعت كثير عن البوتكس وفعلا فكرت فيه لكن خفت لما قرأت مره أنه ممكن يضعف العضلات
:confused: والله احترت!!!!! أشكرك وايد على اهتمامك بمشكلتي عسى الله يسعدك طووول العمر :26:

الحبيبه رمايه... دعيتلك من الان بالسعاده ويجعلها في ميزان حسناتك يا رب... أعجبني لما قلتي بأني حرد كعمر ال18 سنه...واااو يا ريييييييييييييت

سمعت عن مستشفيات سعد التخصصي في الخبر فهل أجرب عندهم؟.. يا ريت من تعرف تكسب فيا أجر وتقول لي
أظن أنه أحسن حل الي قلتيه, ففعلا بشرتي يبغالها ليزر بس شوي خايفه فمن وصفك بأني حصير حمراااا :01:
فكيف حشوف الناس!!! لكن المهم النتيجه... ما تحسون انا مساكين :( مستعدين نسوي اي شي لأرضاء
الرجل وااااااااه...

البارحه سويت قناع بياض البيض وبعد ربع ساعه حسيت انه شد وايد على بشرتي فنظرت بالمرايه
وقلت: الله بشرتي مشدوده :32: فغسلته بالمويه فرجع كل شي مثل الأول :08: ففكرت أخليه طول اليووووووووم
وخاصه لما أحد يشوفني :10: هههههههه

هل ربع ساعه كافيه... وكم مره اسويه هل اربع مرات في الاسبوع وفي كل مره ساعه الاربع؟؟ فأعجبني وايد..
ألف ألف شكر لكم جميعا ما تدرون وش كثر أنا سعيده بأحساسكم فيني :24: :26: :24: الله يسعدكم.