كل ما تحركت في مكان خشن طلع صوت ....ولزقت رجولي

الرجول الناعمة كأنك بيبي .....

والله فشلة.....
:23::11:


كل ما تحركت في مكان خشن طلع صوت ....ولزقت رجولي ...شسوي؟؟؟؟؟؟
؟
؟
؟ مصطلحات: دلاقات يعني جواربأو شرابات...


عندي الحل وهذا من وحدة فلبينية علمتني اياها...مو احنا خرابيط برابيط:
طبعا الرجول هي اللي في قاعة الرجل مو الجلد .....كعب الرجل والأصابع من تحت وعلى جنب
لك الخطوات:
1. نقعي قبل ما تنامين رجولك بمية دافية لمدة نصف ساعة .
2. استخدمي قطعة مربعة لسنفرة الرجول من الصيدلية ب 600 فلس (مو حديد احذري من الحديد والموس لأنه يخشن كل الرجل عن تجربة ويجرحها ويزيد التشققات بعد فترة) وصبي عليها ماي وفركيها بالصابونة ومن ثم ابدئي العمل ...وفركي رجلك راح لاحظين ان الجلد الميت طلع.وبتصير ناعمة فركي بقوة مو برقه ...بدون عنف رجاءا.
3. وبعد ما تخلصين غسليهم بالماي الدفي ونشفيهم.
4. وجيبي فازلين أو أي مرطب ثقيل دهنيه ولبسي دلاق ونامي فيه بس راح تلاحظين انه وانت نايمة بتقوين غصبن عليج وتفصخين الدلاقات ..لأنك إختنقت ...والصبح غسلسهم بماي وصابون وردي لبسي الدلاقات والله ثم والله كل يوم سوي كذا راح تشوفين رجلك ..
تصير ناعمة ...بس لا تتعرضين للشمس ورجلك فيها فازلين راح تسود..
وبعد ثلاث أيام راح تلاحظين الفرق ...وعلى طول خلي الترطيب لرجلك والدلاقات أنا الصراحة ما تفارقني إلا للصلاة علشان أتوضأ وبعدين أرد ألبسم (دلاقات النص للقدم فقط)