SARAB911 @sarab911

محررة فضية

كل ما تودين معرفته عن مستشفى السعودى البريطانى وبالصور =تجارب وقصص ولادة

السعودى البريطانى تقرير مصور+تجارب
السلام عليكم حبيت يا بنات اخدمكم بالتعرف على هذا المستشفى وقد جمعت لكم وتعبت وانا اجمع واحمل الصور وابحث عن تجارب شخصيه للبنات اللى ولدوا في ها المستشفى وراح يكون سير الموضوع
1-نبذة عن المستشفى
2- تجربتى الشخصيه
3- تجارب بعض الاخوات فى عالم حواء
4- تجارب الاخوات من منتديات ثانيه

نبذة تعريفيه عن المستشفى
الرياض .. طريق الملك فهد مقابل برج الاميرة العنود
وهذا رابط موقعهم فيه نبذة تعريفيه عنهم انت اظغطى على اليمين
http://www.sb-hos.com/2/index.php

وهذى الحضانه طبعا كل طفل له كاميرا خاصه عليه هو فقط وتكون عند امه
(طبعا الحبيب عندهم نفس الفكرة بس الكاميرا على
الحضانه بشكل عام ومن ضمنهم طفلك)

هذى صور لممرات المستشفى

وهذى صور من الغرفه الخاصه

303

127K

يلزم عليك تسجيل الدخول أولًا لكتابة تعليق.

تسجيل دخول

SARAB911 • 14 سنة

الان جناح (الاميره و الملكه و الامبراطوراه )
وصور لبعض اثاث المستشفى

SARAB911 • 14 سنة

SARAB911 :

الان جناح (الاميره و الملكه و الامبراطوراه ) وصور لبعض اثاث المستشفى

الان جناح (الاميره و الملكه و الامبراطوراه ) وصور لبعض اثاث المستشفى

الحين نبدا يتجارب وقصص الولادة فيه
تجربتى على ها الرابط

http://forum.hawaaworld.com/showthread.php?t=1838685
هنا تجارب بعض بنات منتدانا
تجربه الاخت ريانهhttp://forum.hawaaworld.com/showthread.php?t=1574650

الاخت DaNa

http://forum.hawaaworld.com/showthread.php?t=1943517

تجربه انوار الخرج

http://forum.hawaaworld.com/showthread.php?t=1700616

تجربه الاخت لااعلم

http://forum.hawaaworld.com/showthread.php?t=1934221

وهنااا
حكايتي ولادتي مع البريطاني من طأطأ ل سلامو عليكو ‏

تجربه الاخت حبيبه2 فى ا رد لها على موضوع

الحمد لله ولدت وجبت أحلى بنوته في المستشفى السعودي البريطاني ..
( ولادهطبيعيه (

تجربتي معه كانت رائعه جدا وومتازه.. في البدايه دخلت قسم الطوارئوطلبت الدكتوره (فايزه مطري) وكان وقت دوامها بعدين طلعوني لغرفة الولاده وكانت معيممرضه لبنانيه او اردنيه مره حنونه ولا فارقتني ولا دقيقه والدكتوره كانت تجينياحيانا واحيانا الدكتوره المناوبه وكان عندي نبض الجنين يطلع وينزل يعني غير منتظمورغم خوف الدكتوره ألا انها ما أوحت لي ولا خوفتني إلى ان حانت ساعة الصفر وجتنيالولاده الحقيقيه وكانت بحضرت الدكتوره وكان نبض الجينين ينزل والدكتوره طلبت أنيأساعدها بالدفع بدون ما تقول لي أن الجنين منخفض نبضه والرحم عندي بس مفتوح 8 سموطلبت مني أدفع ولا حتى سوت لي توسيع لأن حالتي احتمال تستدعي عمليه والحمد للهحاولت أدفع الجنين والحمد لله ولدت طبيعي ..
وبعدها أخبرتني الدكتوره ان عنديمشكله وبررت انها ما خبرتني عشان ما أخاف وأرتبك ولا أقدر أساعدها بالدفع وهذا يثبتأنهمما يستعجلون على العمليه .
وبعدين طلعوني للجناح أنا طبعا حاجزه جناح أميريوالحين أوصف لكم الاهتمام والعنايه .

1\ الجناح كان مره خيالي ونظافه مستمرهوالعامله كل شوي تدخل تنظف

2\ ألوان ديكور الغرفه كانت مره رائعه وألوانهاناريه درجات الاحمر والأورنج ..

3\ الممرضات في الخدمه أربعه وعشرين ساعهولما تضغطين جرس النداء مايطفى عندهم ألين تجي عندي وتحط على الزر اللي عنديمغناطيس تأكد للمرضات أنها وصلتني ..

4\خلال يومين جاني خمس دكتورات يتأكدونإني ما أحتاج شي ومع قياس الضغط والسكر

5\الضيافه .. كانت عندي وصيفتين ( صباباتين ) جنسيتهم كينيه ووحده منهم اسمها مريم لا تفوتونها اذا رحتو أطلبوها .. بالاضافه انهم موفرين القهوه والشاي والفناجيل والتمر .. يعني شي رائع وفندق خمسنجوم .

6\ المسؤلات عن الجوده والنظافه والخدمات عربيات يجون كل شوي يسألونإذا عندي ملاحظه او انتقاد .

7\فيه وجبات لك وللمرافق طبعا بإختيارك منالقائمه .

نجي عاد للحضانه ..

الطفل أول ما اطلبه يجي عندي وطبعاوالأهم عندي بالغرفه شاشه أراقب طفلي فيها طول ماهو في الحضانه يعني إذا صاحت بنتيأقعد أتفرج عليها وإذ اجاعت بنتي يتصلون علي يسألوني إذا أبغى أرضعها طبيعي أوأقولهم يعطونها صناعي..

وأخيـــــــــــــــــرا .. تجربتي معه كانت رائعهمع أني كنت متخوفه منه من كلام البنات

وكلفتني الولاده مع الاقامه يومين فيجناح أميري 7500 ريال .

دعواتكم لي ولبنتي .. وهذي تجربتي الشخصيه وحبيتاكتبها عشان أفيدكم مثل ما استفدت منكم كثير.
طبعا اكيد فيه تجارب لبنات منتدانا اذكر بعضها رد على موضوع بس ما ادرى وينها فا ياليت اللى لها تجربه تذكرها هنا لانى تعبت ادور فى المواضيع اللى تخص ها المستشفى ما لقيت

انا والده عندهم من 6 شهور تقريبا طبيعي عند الدكتوره فايزه

أنسانه قمه في الاخلاق والذوق ماقصرت معاي الله الشاهد بس والله تعبت فيولاادتي كثيرر وكانت راح تولدني

قيصريه بس ربي ستر اللحمدلله

بالنسبه انا كنت ماخذه سويت الملكه لمده 3 اياام يجيبون لك صبابات حبشياتوكل شي مجهزينه لك في الغرفه

من الكاسات والفناجل حتى مفرش السرير بس اناافضل انك تجيبين اغراضك الخاصه

يوم الولاده تروحين عند الطوارئ حقهمويفحصونك وبعدين بأصنصير يودونك لدور الولاده تدخلين لغرفه كبيره فيها

حماام يطلبون منك تغيرين ملابسك الخ

وبعد مـاتخلص الولاده يودوونكللجنااح حقك

قدام سريرك تصير فيه شاشه بلازما فيها قنواات منوعه منها قناهلمراقبة طفلك في الحضانه

وكل مابغيتي طفلك عشان ترضعينه او تجلسين معاهتطلبينه منهم ويجيبونه لك

اذا بغيتي تطلعين من المستشفى يعطونك زي درع منالكريستال فيه صورة مولودك ويوم ولادته واسمه

وبس اتمنى اكوون افدتكياقلبووو

كيفم يا بنات
على فكره ترى المستشفى مررررررررهيهبل انا و لدت فيه و كانت الخدمه ممتازه
و غير كل هذا انو في عندي وحده ايش ماابغى منها تكون على طول عندي
و طول الوقت الكاميره على بنتي اشوفها و انابالجناح حقي
و عادي لو تكون الاسعار مرتفعه شوي
بس انا اكون متطمنه علىنفسي من الدكتوره و على بنتي
و الاسعار اصلا رخييييصه و مو غاليه

زهره جوري • 14 سنة

مبروك والحمد لله على السلامه

SARAB911 • 14 سنة

زهره جوري :

مبروك والحمد لله على السلامه

مبروك والحمد لله على السلامه

وهذى اخت من حواء

السلام عليكم

أختي أنا لي 22 يوم والده الحمد لله وولدت في المستشفى السعودي االبريطانيعند الدكتوره فايزه مره عسل وعنايتهم مره حلوه بس انا ولدت قيصري بس الحمد لله علىكل حال

انا ولدت في المشتفى السعودي البريطاني
واخذت جناح اميري بصراحه كنت متخوفه منكلام الناس عنهم انهم ماديين لكن والله شفت شي ثاني
الدكتوره ماكانت مناوبهوكان فيه اخصائيه اسمها د\ايمان مصريه وعشان الرحم كان مفتوح 6سم قال زوجي خلاصانتي ولديها
وصراحه كانت معاملتهم مره حلوه الممرضات والقابله اسمها ختام مرهعسل الحمد لله ربي هون علي ولادتي

وحابة اكتب تجربتيبالتفصيل.....مع المستشفى البريطاني.....
كنت بالتاسع امشي كثير واستغفر اكثر من الف مرة وادعي وكنتمتعلقة بربي الحمد الله كثيير
وحسيت بالالم من يوم الاربعاء وقلت منيب رايحة علشانمايحوسوني...وجاني الخميس بوادر الولادة يوم قمت الظهر واحصل السدادة وبعض الخيوط .
واروح اصلح لي <عصفر>تحصلونه عند العطارحلو للروعة والحزن طبعا ذكرة الرسول صلى الله عليهوسلم للحزن
انصحكم فيه من جديريح الاعصاب....وكنت امشي واستغفر ويوم جاء الجمعه ويزود الطلق واجلس استعد واتسبحواتعطر واجلس ادعي واذكر الله ....الين غلاص حسيت ان الالم زاااااااد.ورحت للمستشفىوكانت الدكتورة المناوبة فرح هندية مرة كويسة اخلاق وشغل حلو.....وتكشف قالت 6سانتيونصف.فوق ع طول ولادة وتستقبلني قابلة مغربية مرة اخلاق ..وكنت حاطة عيني ع ابرةالظهر وطلبتها قالت لي فيه اخصائي وفنية قلت ابي الفنيه عشانها حرمة قالت لازمالاخصائي موجود قلت اجل خلاص بلاشي ماهو ضرورة ومن ترك شياء لله عوضه الله خيرمنه.........وسبحان الله واجلس اذكر الله وادعي للي موصيني وتبدى اللحظة العصيبةالي هي طلعت الراس والحمدلله واشوف بنوتي وانسى الالم
معليش اعذروني على الكلامالركيك.تعبانه بس حبيتاطمنكمواكتب قصتي بالتفصيل وتجربتي بالمستشفىالبريطاني

استقبالهم رووووووعة وعنايتهم كويسة من جد كانك ملكة عندهموالاجنحة مررة روعة واهم شئ الدكتورة مرة نفسيتها حلوة وشغلها مريح

اولا الحمدلله والشكر اني ولدت بالسلامه يوم 7\1\1429 وجبت مجودي ياربي تحفظه من كلشر واحمد ربي انه جابه لي

سليم معافى من كل مكرووووه

طبعا انا منبداية التاسع وانا مررره مهمومه مادري وين اولد وباي مستشفى من كثر ماقريت بالنت عنالمستشفيات والي

تذم والي تمدح وصرت في حيره ماني قادره اقرر وفي يوم صليتودعيت ربي انه يرشدني للمستشفى الزين والدكتوره الطيبه

وانا ابكي بحرقهوتضرع والله يابنات اني اول ماخلصت صلاة جات قدام عيني كلمة السعودي البريطانيوماكذبت خبر ودقيت

عليهم مع العلم اني كنت شايلته من توقعاتي بتاتا وما كنتافكر فيه ابد اولا لانه جديد وماعندي سابق معرفه عنه ثانيا لانه

غاااااااليبقووووه المهم لما دقيت عليهم قالتلي الموظفه انهم عندهم عروض الفخامه وانها لسىباديه وسالتها عن

الدكتورات الي عندهم فذكرت لي دكتورتين منهم وحده هنديهوالثانيه عراقيه طبعا اخترت العراقيه واسمها فايزه المطري

وحجزت عندهاورحتلها والله من دخلت عليها حسيت براحه نفسيه عجيبه الدكتوره فايزه كانت قمهبالذوق والتعامل الراقي

وقمه في الحنان والعطف حتى لما طلبت تكشف علي كشفتعلي بكل ذووووق وماحسيت ابد بكشفها عكس باقي

الدكتورات الي تطلع روح الوحدهبالكشف من دفاشتها لما كشفت قالتلي ان الرحم فاتح عندي واحد ونص وعطتنيموعد

بعدها باسبوع ورحت لها وكشفت علي لقته فاتح 2س ونص فقالتلي خليني احطلكطلق صناعي واريحك وصدقيني ماراح

تتعبين لان الرحم فاتح عندك اوردي قلتلها لاخليني اروح افكر <<<< طاقتها الخرشه المهم طلعت من عندها وغبت عنهااربع

ايام ورجعت لها وكشفت علي ولقت الرحم فاتح 4س وطبعا مافي اي بوادر طلقمع العلم اني خلصت شهري لي اربع ايام

فنصحتني بالطلق الصناعي وقالتلي خلاصمابقى شي اربع سم والله بيسهل عليك خاصة اني شرحتلها ظروفي واني مره

تعبانهنفسيتي بسبب انه عيالي بعيدين عني هم في الشرقيه عشان المدارس وانا في الرياض عنداهلي وكل يوم اكلمهم

وابكي من فراقهم سمعت نصيحتها وقررت اجيها من بكرهتسويلي الطلق وفعلا رحت لبيت اهلي وجهزت اغراضي وطلعت انا

وامي واختيللمستشفى ودخلوني غرفة الولاده على طول وكانت الساعه 10 الصباح وعلى ماخلصو اجرائاتالدخول وفحص

الدم كانت الساعه 11 حطولي بعدها الطلق في الوريد جلست لينالساعه 12 احس مغص زي مغص الدوره الساعه 12ونص

زاد شوي الالم وطلبت الكماموالله ان هالكمام عزززززززززز خلاني بعالم ثاني بس طبعا لما تجي الطلقه القويه كنتاشفط

بقووووه وكانت تخف على شووووي وكانت الدكتوره تقول لامي شيلو عنهاالكمام الحين البيبي ينام في بطنها ومايطلع وانا

مسويه صمخه ومكلبشه فيالكمام وياويل الي يقرب منه حسيته صديقي الصدوق هههههههه طبعا اشتد علي الالم

الساعه وحده ونص وجلست ارفس وطلبت ابرة الظهر وانا كنت من اشد المعارضينللابره بس مادري وش جاني وخلاني

اطلبها طبعا امي عيت وجلست تقولي خلاصمابقالك شي انا ادري وعندي خبره انك قربتي وانا اهاوش عليها وعلى

الدكتورهومسكينه الدكتوره من خرشتها مني طلبت دكتور التخدير وفحصت على وقالت باقيلها لسىامي بعدها حطت يدها

على بطني وقرت سورة الزلزله واختي كانت تقرا على راسيوالله يبنات والله اني حسيت شي زلزل في جسمي كله

وجلست اصارخ واطلبالدكتوره ولما جت وكشفت على لقت خلاص مجودي شرف وعلى البوابه واستغربت توها طالعهمن

عندي والرحم فاتح 7سم بس وش الي سويتها خلال خمس دقايق والدكتور حقالتخدير جالس يستنى عند الباب وقامت

امي وقفلت الباب في وجهه وجلست طبعا فياللحظات الاخيره والدكتوره تطلب مني اني ادفع والسسترات ماسكات

بايدينيويشجعوني كني داخله مباره على العموم طلع مجودي وخلصت بالسلامه الساعه 2وربع وجلستبعدها الدكتوره

تخيطني وامي توصيها بالخياطه الزينه كنها جالسه تخيطلهافستان هههههههه وطلعت بعدها للجناح فووووق وجلست في

المستشفى ثلاث ايامفساقه بس وبعدها على طول من المستشفى سافرت لعيالي بالشرقيه وانا احمد ربي انهرجعني

لهم بالسلامه وسلاااااااااااااااااامتكم

بس نصيحه لكم لاتروحوحده للمستشفى الا يكون معاها احد كبير وفاهم لانك اثناء الولاده من الالم ماتدرينعن شي تخيلووو

انا طلبت ابرة الظهر وكانو بيحطونها لي وانا اصلا مانيمحتاجتها لاني قربت خلاص بس الله يجزى امي الجنه يارب امنعتهم

وشدت عليهموكرشت دكتور التخدير شر كرشه ماحصل الا الفشيله ههههههههه

بنات انا تعبت فى تجميع وتنسيق الموضوع وتبهذلت الين كملته لكم
فاللى تبي تنقله لمنتدى اخر مو مشكله بس بشرط كتابه اسمى واسم المنتدى عالم حواء
ونبي ردود تنسين ها التعب اكثر من 9 ساعات

إيمان82 • 14 سنة

يعطيك العافيه ماقصرتي

انا متخوفه منه من جد:)

والا اسعاره كويسه خصوصا مقارنه بالحبيب اللي اتابع عندهم
الولادة طبيعي مع غرفه خاصه يوم وليله 7900 وغرفه عاديه

ربي يسهل المشكله عندي تامين في كل المستشفيات ماعدا البريطاني عشان كذا متحسفه برضو:)