كل ما حاولت اتقرب منهم يبعدوني عنهم اكثر واكثر

السلام عليكم ورحمة الله وبركانه
كيفكم اخواتي ...بصراحه يابنات عندي سالفه من زمان ودي استشيركم فيها وهي اني ما ارتحت مع اهل زوجي
وكل ما حاولت اتقرب لهم ابعدوني عنهم اكثرواكثر والله والله يا اخواتي اني ما امدح نفسي والله على ما اقول شهيد
اني دخلت عليهم بنت ناس طيبه واحبهم وما اقصرمعهم وبنفس الوقت هم كان معي طيبين لكنهم تغيروا بعد فتره واحس السبب انه زواج اخوهم الثاني من اختي الاصغر مني
وظلموني ببعض سوالف وانا والله مظلومه وكنت حامل وسببوا لي ضغط وقهر ماعرفت ابري نفسي
المهم صار زواج اختي وكان فيه تصوير فيديو بعد الزواج وبعد ما افترقنا دقت حماتي على زوجي وقالوا له اني صورتهم بالكاميرا وهم كدابين ووريت اخوهم المعرس الشريط عشان يشوف لو فيهم احد ظهر
ووصارت بيني وبين زوجي مشاكل بسبتهم بس هم مايدرون لاني ماابين لهم ومحب يعرفوا عن حياتي شئ
وولدت بعد الزواج باسبوع ورجعت لبيتي في نفس المدينه اللي اهل زوجي ساكنينها
واول ما وصلت قلت لزوجي مالي نفس اوصل عندهم قال عادي انزلي بيتك وانا اخلي امي تجيك قلت له مهما كان عمتي هي الكبيره وماني راضيه هالشئ انها اهي تجي لي انا اروح لها
مع ان عمتي قبل زواج اختي اتصلت على اهلي وتقول لهم فلانه اللي هو انا سبب هده المشاكل وقالت كلام كثير ماابغى ادكره وانا والله يابنات حاطتها فوق راسي واللي اجيبه لامي اجيبه لها يعني مساويتها بامي حتى اعطيها اكثر من امي اهديها دهب اعطيها فلوس واشتري لها اقمشه واطياب وبخور والله يابنات مو رياء اقولكم لكن عشان توضح لكم الصوره حتى يابنات اطقم القهوه ادا شريت لامي اقسم لام زوجي منها
المهم اسفه لوطولت عليكم قاطعوني بعد هالسالفه وجلسنا شهرين متقاطعين وقمت رحت لهم واحتسبت روحتي لوجه الله وكان زوجي يقول لي والله لو مايستقبلونك معد تدخلين بيتهم
المهم رحت لهم ورجعنا زي اول بس القلوب لا وبعدها تغيرنا على بعض لاكن المشكله اني اقول هم اهل زوجي ومالي غنى عنهم واحتسب كل شئ لله لاكني لاحظت انهم مايبين بعيونهم شئ واكثر شئ قهرني بعد وفاة ابو زوجي كنت قاعده عندهم وقلبي عليهم وما اروح بيتي الين الناس يطلعوا منعندهم بوقت متاخر وانا كنت حامل في شهري الاخير وكنت اصلي الفجر وبسرعه قبل لاتطلع الشمس لعندهم عشان عمتي ارحمها تقوم تصلي وتقعد تبكي فانا احاول اروح لها عشان اسليها والله والله والله يابنات اني كنت اجي وبناتها نايمات وحماتي الكبيره حرمة حميي نايمه ببيتها واخت عمتي نايمه ولا احد درى عنها
وكل يوم كدا اصلي واخد فطوري واروح حتى زوجي مستغرب مني لاكني ماقلت له الا بعد ماتضايقت منهم ويعاملوا زوجة اخوهم الكبير بكل احترام ويحبونها مع اني اطيب منها معهم بس يمكن لانها زوجة الكبير ومن جماعتهم يحبونها وياويلك ويا سواد ليلك لو تنتقدينها عندهم يشنوا عليك حرب واشياء كثيره يطول الكلام لو ادكرها وانا اختي ياحسره مايعبرونا ويدقون احيانا" بالكلام والا ادا سافرنا مايسالون ورانا مع اني انا اللي ادق واقول لزوجي دق على امك وانا اللي اقوله خد لامك هديه عطها فلوس قسما" بالله يابنات وانا اللي دايما" اهدي لها وزوجي ما درى عنده ام والا لا انا الان بعد وفاة امي الله يرحمها كرهت العالم وحلفت معد تلقى من عندي هديه لانها زعلتني امي اهدت لها ملابس فصلتها على مقاسها وفي النهايه مالبستها وكنت دايم اسأل ليه عمتي مالبست هدية امي يقولوا والله كلنا عيت ما تاخد منا شي وانا شايفه بعيني ملابس حماتي عليها لابستها وانا طنشتني انا وامي عشان كدا انقهرت والا انا مو من عوايدي
فانصحوني يا بنات احترت ان رحت لهم احيانا" يجرحوني بكلمه وارجع انطوي ببيتي فتره واروح لهم مره نفس الشئ ما ارتحت مدري وش اسوي
هل انا حساسه بزياده والا هم الغلطانين
آسفه على الاطاله لكني والله تعبانه ودي بنصيحه انا طيبه زياده عا للزوم وماودي اقطعهم لانهم اهل زوجي مستحيل بس ما ارتاح معهم لانهم دايما" ينكدون عليه