الله يجزاك بالجنه على حنانك واهتمامك بعيال زوجك
بس ياختي مانتي ملزومه تاخذينهم بيت اهلك
واذا الاب ماتحمل عياله اهلك ماهم ملزومين فيهم
خلي ابوه ياخذه
كثر خيرك وخير اهلك على طيبتهم
وشكل زوجك اتكالي

ياختي امك مليون حق معها وابوه مو معذور ابدا ولده مشغول هنة اجل انتي وش ذنبك تنحرجين مع اهلك بالعكس في زيارتك لاهلك لاتاخذي ولاواحد منهم وابوهم يجلس معهم اذا هو موفاضي لهم من الفاضي بنت الناس ويحرجك معهم مايحس هو حنا عيالنا من كبروا شوي الاولاد يعني خلاص يامع ابوهم يابالبيت هذا وهم عيالنا الامهات مساكيين معاد يتحملون الازعاج تريحيين زوجك وتاكلها امك

استغفر الله العظيم واتوب اليه

زي ولدي و نفس العمر
مره يحب اللعب و الجري المشكله الصغار عاقلين و هو شقي
مطلع عيوني ... و مااتهنى بزيارة اهلي من ازعاجه
و جبت له كل شي و سويت له كل شي و لا تغير الا يزيد
قالوا لي يكبر و يعقل و لا شفت عقل
كل مااقول لاابوه خذه معك يقول توه صغير اخذه معي
و امي انزعجت منه و ماالومها والله
بس اتخذت قرار صارم ....
شلت اغراضي بسيطه و رحت لبيت اهلي و تركتهم عند ابوهم
و طلعت عيونه قلت و تلومني ماراح ارجع لين تتعهد انه ولدك الكبير معك وين ماتروح
و الحمد لله ارتحت صار ودي كل يوم عند اهلي
و صاوا اهلي يشتاقون له هههههه
و الحمد لله عقل شويتين بعد ماخالط ابوه و الرجال

الله يجزاك خير يارب باين عليك حبوبه ،،،
اللي تزرعينه اليوم بتحصدينه بكره حتى وان طال انتظارالحصاد ،،
بتروح الايام وان شاء الله راح يذكرونك بالخير في حسن معاملتك لهم ،،
اما عن ولد زوجك انا من رايي انه يدخل دورات فترة المساء بحبث يستنزف نشاطه هناك بشكل مفيد وانتي ترتاحين يعني لو تزورين اهللك واذا جا وقت الطلعه ياخذه ابوه ويروح له كم ساعه لحد ماتخلصين


الدورات افضل حل ،،