يازمان العجايب وش بعد ماظهر = كل ماقلت هانت جد علم جديد
إن حكيــنا ندمــــنا وأنسكتنا قهر = بين قـلـــب عنيد وبين راس عنيد
بيتين رائعين بمعنى الكلمه ..
ما اقصد في الحبكه ولا في القافيه ولا في المناسبه التي قيلت فيها ولا في شي من هالقبيل لالالا انا اقصد عن محتوى الموضوع نفسه ...
صحيح وش اللي بقي ما ظهر ؟؟
وش الشيء اللي كان بالنسبه لنا من المستحيل يمر بالخاطر ؟؟ والآن هو موجود بل وبطل الساحه بعد ؟؟
انا ما اتكلم عن العموم انا اتكلم عن الأمور اللي كانت مستحيله تظهروالآن ظهرت ولكل قاعده شواذ ..
اشياء كثيييييييييييير في عصرنا الحالي كانت من المستحيلات واصبحت الآن امور واقعيه .
من يصدق ان اليوم الجار يأذي جاره بعد وصيه النبي صلى الله عليه وسلم على الجار قال صلى الله عليه وسلم (مازال جبريل يوصيني بالجار حتى ظننت انه سيورثه )
المفروض نعمل مثل زمان يوم كانت امهاتنا الله يحفظهم يرسلونا بالأكل لجيراننا الجدد مساكين ما مداهم يرتبون المطبخ اجر في هالجوعانين ان كان من اولاد صغار او الأب اللي تعب من الروحه والجيه على ترتيب البيت والا الأم اللي قضت يومها كامل على تنظيف الشقه من اكوام وساخه المالك السابق أحيانا .. والا الخير في الناس موجود ..
من كان يصدق ان الرجل الآن يفضل زوجته على امه وابوه ؟؟
لا ومن الممكن يتطاول على امه وابوه لأجل عيونها السود ...
ولا بأس بجرعه من الضرب في حاله احد مس كرامتها بشيء ....
وفي الخطوه التي قد تكون الأخيره يكون ترحيلهما الى دار رعايه المسنين ..
والله يرحمهم برحمته والحياه حلوه وكل شيء ماشي زي الفل ؟؟
الحين ودي أسأل لو كان امها وابوها اللي ساكنين معهم كان طردهم ؟؟؟ لا والله الا بيحطهم على راسه ومو بعيد ينومهم في غرفه نومه وينام هو في الممر ؟؟
من يصدق ان البنت صارت تحب بنت مثلها كأنها زوجها ..
او ان ولد يحب ولد مثله كأنه زوجه ؟؟؟
في الوقت اللي غابت فيه التربيه والمراقبه الأسريه الأم عباتها على راسها تدور من بيت لبيت على سيره فلانه تزوجت والثانيه تطلقت وفلان خان فلانه .. وتاركه بيتها ملاذ للذئاب اللي تنهش اولادها وبناتها ..
اما الأب فما راح ابالغ واقول انه مسافر وعنده صفقات واموال الدنيا لاااااااااااا
ابشركم الأب موجود لكنه اما مع الشباب في الإستراحه او انه مرابط في ثغر مهم من ثغور الدخل في سوق الأسهم او مع شديد الأسف متزوج وحده ثانيه من عمر عياله وناااااااسي دنيته باللي فيها ...
( كلكم راع وكلكم مسؤل عن رعيته ) ..
وايضا هذا مجرد مثال والا البيوت العامره بطاعه الله كثيره والحمدلله
انتي ام المفروض بنتك ماتطلع من البنت ولا تدخل الا وهي كتاب مفتوووووووح لك من شافت ومن كلمت وايش صار لها ؟؟ لاتقولون حريه اليومين هذه صارت تخوف جد ومافيه احد ممكن يحبك اكثر من امك ؟؟ والأب أيضا يكون الأخ الأكبر لولده يحاكيه همومه ويشاركه افراحه واحزانه ولا يستصغره بل ياخذه رفيق له في امور الحياه ويعلمه الرجوله من صغره ولا يستهتر فيه ولا برأيه اتوقع لو كل ام واب كانوا كذا ما شفنا الجنس الثالث في مجتمعاتنا ..
من يصدق انه ممكن يوصل فينا الخيانه انه الوحده تسرق زوج زميلتها او بنت عمها او خالتها وللأسف الشديد ممكن يكون زوج اختها ؟؟ لمجرد ان الأولى كانت مسكينه وعلى نياتها والثانيه مثل الثعبان تلف وتدور وفي النهايه تلدغ والأمور ماشيه زي الفل وكل حاجه تمام يافندم ؟؟
من تقول لي كيف نعالج هالنقطه بالذات عند الحريم ؟؟
من كان يصدق ان المعلم اللي كان مصدر للحكمه والتربيه في العصور الغابره الآن صار مصدر رعب او مصدر مسخره للطلاب وما اعمم هذا الكلام هناك معلمين ومعلمات ينحطون على الجرح يبرى والله يكثر من امثالهم ..
من فتره قريبه سمعنا عن معلمه في بلد لا اذكره عاقبت بنت بالمشي حول المدرسه بدون حذاء اكرمكم الله في البرد وكانت النتيجه بعد العقاب الراحه .. ارتاحت البنت مو من المشي بل من حياتها كامله توفت .. ليش ؟؟ عشان الواجب الغير محلول …
غريبه ؟؟ عجيبه ؟؟؟
لا هذا زمان الآن هذا شيء موجود وان شاء الله ما يكون كثير ..
ودي كل وحد تمر تقول وش الشيء اللي كان مستحيل يمر على بالها انه موجود والآن هو موجود وحاضر في هذا الزمن .. وكيف ممكن نعالجه اذا كنا نقدر على علاجه ؟؟
هذا وصلى الله وسلم على نبينا محمد وعلى آله وصحبه وسلم ..
فور روز @for_roz
عضوة جديدة
يلزم عليك تسجيل الدخول أولًا لكتابة تعليق.
فور روز
•
الله يسعدك ياشجن انتي الوحيده من 62 جبرتي بخاطري ...
تسلمين ياعسل على مرورك الرائع ...
على فكره حبيت توقيعك كثيييييير
تسلمين ياعسل على مرورك الرائع ...
على فكره حبيت توقيعك كثيييييير
الصفحة الأخيرة
وربي أشياء كثيرة ماكنا نتوقعها تصير في يوم من الأيام وصارت للأسف والأدهى والأمر لاصارت من ناس كانت تنهى عن هالأشياء وتشوفها غلط
وش أقول وش أخلي
بصراحة شي يعور القلب
حسبي الله ونعم الوكيل