سلام

فيه قرية اسمها Bicester Village قريبة من لندن وفيها العديد من الماركات..الحلو في القرية ان الملابس أرخص من سعر الماركة بمقدار النصف أو أكثر..لأنها تكون موديلات السنة اللي فاتت..فيه عندهم كل شي..ملابس شنط جزم..محلات للمطبخ وملابس أطفال ورجال..وفيها مطاعم..

هذا مكان القرية:



وهذا الموقع:

http://www.bicestervillage.com/Bicester/home.asp

ان شاء الله تعجبكم

صباح الخييير بنااااااااااات طق طق طق قوموااااااااااااااا :40: وينكم؟؟؟ما في أحد؟؟ طيب سولفوا مو شرط تحطوا أي شي....بننننااااااااااااااااات


:44:

اوكي انا بسولف وياحبي للسواليف..:23:

طبعا انا كان كل امنيتي اني الاقي احد في نفس مدينتي او قريب منها..

انا برجعلكم بعد شهرين تقريبا او اكثر شوية.. وانا في مدينة باث Bath .. طالعه في الخريطه حقت Bicester Village اللي حطيتيها بشاير ..


والحين اسال مره ثانيه.. مافي احد حولي.. حتى لو قلتولي اسامي المدن ما ادري ايش القريب مني وايش البعيد.. بليز شوفوا مدينتي في الخريطه وعلموني مين القريب..



لازم يطلع احد قريب مني ولا ترى بترك زوجي هناك وماراح اجي:06:

يرضيكم:44:

some_wa7da
كيف تتركي زوجك وتروحي؟؟؟
ويهون عليكي تتركيه هنا لوحده؟؟
مو بكفايه انك بتاخذي الاجر في مرافقتك لزوجك ومشاركته هم الغربه؟؟وبعدين انا الاسبوع هذا رحت باث جدا رائعه واستمتعت في المدينه واهلها طيبين وبسيطين مو زي لندن ..احس نفوسهم شينه في باث كل الناس يبتسمولي..مع انو المسلمين قليل ..اقل من لندن بس نفس المدينه حلوه..
انا عاهدتك عاقله ماتسويها ..وبعدين تتركي زوجك لمين لوحده هنا.. للشيطان؟؟
اذكري الله وشيلي من مخك هذي الوساوس..ولا عاد اسمعك تعيدها ثاني فاهمه!----<:mad: مسويه شديده هههه

السلام عليكم ورحمة الله وبركاته
كيفكم بنوتات؟؟
هذا الويك اند رحنا باث baths
المدينه مره حلوه وجوها رائع وتبعد عن لندن مسافه 3 الى 4 ساعات بالسياره..المدينه تعتمد على الحمامات الرومانيه الاثريه الموجوده فيها..
واهلها ناس طيبين جدا وودودين..اهم ما في المدينه..الحمامات الرومانيه,والمتحف الروماني ,ومنطقة المعبد..

((زياره المتحف والحمامات ..))يقع المعبد والحمامات الرومانيه حوالي 6 متر دون مستوى الشارع وسعر التذاكر 10 باوند بس طبعا لا تنسو تستخدموا بطاقة تخفيض الطالب في كل الاماكن السياحيه..
اذا دخلتوا الحمامات سيعطونكم دليل خاص وهو عباره عن لاسلكي يتحدث بعدة لغات منها الانجليزيه ويشرح كل اثر ..مره حلو ولغته سهله..
بعد الحمامات تدخل المتحف حيث ترى موقع المعبد والحجاره الاساسيه الموجوده من سنه 43 ميلاديه!!

((ينبوع المياه المعدنيه..))توجد في باث ثلالثه ينابيع حاره اكبرها الموجود في المتحف وهو عباره عن المنبع الروماني المقدس ويرتفع حوالي 3000 متر ويحتوي على نسبه 43 من المعادن ودرجة حرارته 5046سنتجريد..
بس طبعا انتو لمن تمسكوا المويه ما تلقوها بهذي الحراره لأنه كلما ابتعدت عن الينبوع قلت درجة حرارتها..
الشرب من المياه ممنوع..
ولكن هناك غرفه للمضخه يمكنكم شرب كاس من الماء بسعر نصف باوند واحيانا واحد باوند..
حسب حجم الكأس..
..
ويوجد متجر لبيع الهدايا التذكاريه..

((متحف الملابس ..))يبعد متحف الملابس عن المعبد حوالي عشره دقائق مشي بالاقدام طبعا يسلموكم خريطه وانتو تسألوا بس هيا واضحه..
ويقع على تله مرتفعه عن المعبد..
بداخل المتحف يسلموكم مثل السماعات التي اعطوكم هيا في المعبد والملابس المعروضع عباره عن ملابس حقيقيه قديمه منذ تلك العصور ..والاضاءه في المتحف خافته لان الضوء العالي يؤثر في الملابس ..
المتحف عبارع عن متحف للملابس فقط منذ القدم والى العصر الحديث..
وفي الاخير يوجد متجر لبيع الهدايا التذكاريه..
..

وبس هذا اللي شفته في باث لاننا ما طولنا فيها..وامكن some_wa7daاذا عندها معلومات زياده عن المدينه تفيدنا..
وهذي المواقع..
www.romanbaths.co.uk
هذا موقع الحمامات والمعبد..


xxxxxxxxx
ممنوع وضع روابط مخله ,,
وهذا موقع متحف الملابس..والازياء ..

شوفوا المواقع واذا عجبتكم روحوها..احنا رحناها مع بيت صاحب زوجي ومره انبسطنا ووناسه..
اتمنى اني اكون افدتكم والى اللقاء في حلقه قادمه..
والسلام عليكم ورحمة الله وبركاته..