يعطيك الف عافيه اختي cute 81

طيب ممكن تعلموني عن اغراض المطبخ لان في ناس يقولوا انه تلاقي اغراض هناك في نفس السكن طيب اذا مالقينا او بعض الاغراض الناقصه اجيبها من هنا افضل
او بلاقي فيه موجود باسعار حلوه يعني مناسبه؟
ونفس الشي مفارش السرير اجيب من هنا والا بلاقي اشيا حلوه واسعارها مناسبه؟؟؟؟؟؟
وارتاح من الشحن
يعني ممكن تقولوا لي اش اللي المفروض اجيبه من عنا واش اللي اخليه واشتريه من عندكم

وبالنسبه للاسواق كيييييييييييييييف؟
بصراحه ملابسهم في الافلام ماتعجبني
وسمعت من وحده راحت قبل كذا لندن من زمان وتقول اسواقنا بالسعوديه احلى بكثيييييييير
طيب وش اسوي اذا كنت طالعه السعوديه من وين اشتري ؟؟؟؟

اهلا مملكة الزهور
بالنسبة للاغراض المطبخ و المفارش..اقول احسن تشترين من هنا و لا تعب الشحن و بما انك بتكونين في برمنجهام مدينه كبيره و بتلقين كل شئ فيها. عندك محل Argos
رخيص و تلقين اشياء للبيت و المطبخ مناسبة
جيبي معاكي اغراض القهوة و التمر لان هذول صعب تلقينهم اما البهرات و غيرها فمحلات الهنود و البقالات العربية كثيرة

الاسواق مثل ما قالت الاخت Cute
اصلا الحين معظم محلاتهم عندنا topshop,dorthy perkins, oasis, monsoon, Zara, mango...الخ
انا بالعكس احس سوق لندن حلو..بس يعتمد على ذوقك. و كل الماركات موجودة
لا تشلين هم ولا تشترين اشياء كثيرة قبل ماتجين..كل شئ بتلقينه هنا..حتى العود..في فرع محل العربية للعود في لندن

مشكووووووووره حبيبتي Dowinعلى ردك
الله يسعدك يارب
لاني قلت راح اشتري( طقم ميلاميم ) عرفتيه من هنا اش رايك اهون ؟ الاقي زيه عندكم؟
واجيب صحون التقديم واباريق للشاهي وخلاطات الكيك ولاشياء الثانيه
لانها متوفره عندي وقلت بعد ماراجع بعدين ان شالله اتوقع تكون من العصر الحجري عشان كذا كنت متعلقه اجيبها وفي نفس الوقت اخاف اندم والاقي عندكم شي حلو ونفس الشي المفارش لسه عندي بالهبل وكلها جديده (اغراض عرسي من سنه) مامداني استخدمها؟؟؟؟؟؟


وبالنسبه للاسواق اللي ذكرتوها , , monsoon, Zara, mango
هذي اوكي اعرفها بس الباقي لا
طيب كيف اسعارهم نفس اللي هنا او اغلى ؟؟؟؟؟؟؟؟؟؟؟؟؟
ومعليش على اسئلتي الكثيره
بس ابغى اعرف اي شي ممكن يطمني
وبالنسبه للجو زوجي يقول انهم يقولوا ان الاسبوع ذا اخر اسبوع للشتا بعد كذا الربيع فلاتكثري شتوي وانتي جايه
اش رايكم .؟؟؟؟؟؟؟؟؟
ومشكورين

أول شي أهلا وسهلا فيك ببريطانيا ترى أسعارهم نفس أسعارنا بس تفرق العملة أنصحك لا أشتريتي شي لاتضربي في 7 عشان لا تتعذبي زيي وتنقهري وعن الملابس الشتوي ترى جوهم ماينعرفلو تشوفي الشمس وانت في بيتك تقولي الله دفا تطلعي بره تموتي برد فخلي دايم ملابس برد معاك نصيحة اخت مجربة ومتلسوعه وجيبي معاكي كل شي تبغي لانو أحيانا بسبب العمله والفرق تترددي تشتري تحسي مررره غالي والله يجيبك بالسلامه ...