غبت غياب طويل وجبت معي الغنايم ههههههههه
سامحوني ع القطاعه عنكم .. :2thmup:
.......
بتسافرين مو عارفه من وين تبدين بالترتيبات حياك الله بموضوعي وباذن الله باساعدك
كتبت هذا الموضوع لقلة المواضيع اللي تخص هالشي ورغم اننا نفتقدها
بالاول حددي مكان سفرتك (الدوله)
ابدي ابحثي واقرأي لان البحث راح يفيدك كثييييييير ويساعدك في امور كثيره ويجعلك تتجنبين اخطاء كثير
وهذا دفتري المصون اللي بعد ما بحث وقرأت وكتبت ووووو جمعت كل شي فيه وراح يكون صديقنا في السفر :2thmup:
بعد ما تعرفين كل شي عن البلد وتحددين الميزانيه المتوقعه ابدأي في حجز الفنادق وانا احجز من بوكينق دائما يمكن فيه افضل منه بس ما جربت
اختاري فندق يناسب ميزانيتك واهم شي انتبهي للنظافه والموقع شاوري اصحاب الخبره
حجزتي وانتهيتي ارجعي لخرائط البلد واي شي مهم واطبعيه واجمعيه في ملف
اطبعي حجوزاتك كلها وحطيها بملف
ابحثي وشوفي المدن اللي بتتنقلين لها هل تحتاج حجز طيران داخلي او لا ..؟ اذا تحتاج احجزي واطبعي الاوراق
وابحثي وقارني بين اسعار التذاكر في الاماكن الترفيهيه والابراج وما الى ذلك قارنيهم في الموقع وفي مكان البيع او بالاصح كشك البيع الموجود هناك
واي شي يحتاج طباعه لحجوزاتك اطبعيه
وهنا ملفاتنا ملف الحجوزات كل حجز في ظرف وملف احتياطفيه نسخ احتياطيه وفيه الخرائط والاشياء المتعلقه بالسياحه هناك
..
والان نجي للشنطه الهم الاكبر
بالاول باتكلم عن شنطه الملابس ... شوفي احتاجك وما يناسبك ويناسب جو الدوله هناك وعلى هالاساس حطي ملابسك واهم نقطه لا تكثيرين عفش ابدا لانك مو رايحه تكشخين رايحه تتمشين واهم شي كمان خذي معك عبايه ونقاب وطرحه ثانيه .. وبالبنسه لي لازم النقاب الثاني بشنطتي لاني عارفه نفسي احوس وقت الاكل :icon8: والاحذيه خذي شبشب وسبورت تكون بالشنطه والبسي جزمه مناسبه للمطار وتقدرين تستفيدين منها هناك ..
..
الان ع حسب البلد هل تحتاجين شنطه (عزبه ) او لا. واذا تحتاجين شنطه وش تحطين فيها ...؟
بالنسبه شنطتي حطيت فيها عزيه قهوه وشاي ورز وبهارات وملح ونواشف وكاكاوات وكيكات لزوم التصبيرات
بالاول اشتريت من السنيدي شنط رهيبه جدا وهذي صور المشتريات قيمتها كلها حول 90 ريال
ثم بديت ارتب الاغراض بالشنطه وهذي الصور
http://i.*****.com/EAN31Kq.jpghttp://
....
والان نجي للكريمات والادويه واغراض الشاور
وزعت الاغراض الكبيره قسمتها بعلب صغار والشامبوهات وهالشغلات حطيتهم في شنطه والادويه بشنطه والكريمات بشنطه ... وما اكتفيت بكذا ربطت بعدين كل شنطه بكيس عشان لاسمح الله انكب شي ما يحوس الشنطه علي
ثم بعد كذا اشتريت بعض الاغراض المهمه مناديل معطره وغطا للتواليت تحسبا لاي عدوى وحطيت لكم بااصوره اكياس (ابين لكم انها مهمه لو توسخ لبس وما امداني اغسله اربطها فيه عشان ما توسخ الملابس الثانيه ولا تطلع ريحه بالشنطه ومو بس كذا الاكياس مهمه في اشياء كثيره ) كمان اشتريت بخاخ للبعوض وادويه ممكن احتاجها
والان نجي لشنطه الطفل اذا بتاخذين معك طفل اهم شي يكون بشنطته بالمطار
لحاف للطفل ودفاتر للتلوين والوان وسناك وعلى حسب عمر الطفل لو اكبر خذو لهم قصص والعاب تهمهم ورجاء رجاء رجاء ابعدو عنهم الاجهزه في هذا الوقت واتركوهم يسافرون وينبسطون بدون ايباد وغيره ... واهم شي بطاقه تعريفيه يلبسها الطفل من اول دخوله للمطار الى عودته للبيت .. فيها اسمه ورقم جوال الاب الداخلي والخارجي ان وجد وجنسية الطفل
....
الان بعد ما انتهيتي من التجهيزات جينا للاشياء المهمه
1/تاكدي من كل الحجوزات وتاكدي من كل المواعيد
2/روحي للبنك اللي تتعاملي معه وحولي بطاقه الصرافه عشان تكون صالحه للاستعمال بالبلد الثاني
3/ صرف المبالغ المناسبه لسفر حسب احتياجكم
4/ وضع مبالغ الفنادق في بطاقه فيزا حتى تسهل عليكم وما تشيلون هم من حمل فلوس زياده ..
5/ الذهاب للمطار مبكرا ..
وهذي اظرف المبالغ اللي حولناها
.......
هذا الموضوع تم والحمدلله ... اي استفسار انا بالخدمه ان شاء الله .. استودعو الله انفسكم ولا تنسو الاذكار والقران واهم نصيحه قبل السفر .. اقضو دينكم وصومو القضاء وسامحو من تعرفون والسلام عليكم ورحمه الله وبركاته:king: