ام روزا حياك تفضلي

البس القصير واكيد في فتحات ومن تحت الكولون يكون لون الجسم وفيه من ابولمعه بتلقون بلمحلات الكبيره القمصان الضيقه تعطي نوع من الاغراء اكثر مب مهم التقييد التغيير اهم شي

المكياج الوان وانواع تقدرين تبدعين فيها طبعا مع التاتو الي يكون جاهز وتحطينه فأماكن متنوعه او الفصوص واللماع الي علجسم
لولابسه فتحات هات سمر كيك واصبغي فيه الجسم يعطي بياض وصفا عجيب وبعدين حطي اللماع او التاتو
الشعر التسريحات اشكال وألوان واكسسوارات الشعر مليانه الدنيا واسعارها رخيصه بس مايخالف لو تروحين مره فلشهر الصالون تحطين مكياج وتسوين تسريحه وتلبسين سهره وكأنج رايحه عرس وليش المعازيم الي بالعرس اهم من ريلج !!!!!!!
الحناء لليدين طبعا وقت ماتكونين رايقه وحابه تفاجئنه واكثر الرياييل يحبون الحناء وياكثر النقشات انا مره حطيت نقشه سوداء من نص رقبتي ونازله على الصدر كامل وحطيت فصوص عليها طلعت وايد روووووووووووعه
وطبعا اكسسورات اليدين او الذهب يحلي ترى
تقدرين مره تحطين خلخال فريولج وانتي لابسه قصير وتحطين على ساقج نقشه او تاتو عشان يبين واضح وتتمخطرررررررررررين قدامه
في ملابس داخليه روعه لو لبستي تنوره ضيقه يبان تحديدها الرياييل اكثرهم يتخبلون على هلحررررررررركه
والكولونات اللي تكون كامله بتلقينها ب15 درهم فلمحلات عندنا فكارفور وتلبسين فوقها فستان بدون كم ويكون ضيق وقصيرررررررررررررررر روعه شكله
المهم بنات لاتتهاونون بهلشي ترى الحين الرياييل يشوفون كل شي بالفضائيات !! والعياذ بالله
مشكوره صاحبة الموضوع والسموحه طولنا

:11:نسيت اقول في الصبح اللبس الخفيف المريح الكاجوال او ملابس رياضيه يكون فيها شكل من اشكال الأغراء والمكياج خفيف مع عدسات ملونه فاتحه او جلابيه من الأنواع الزينه مب جلابيه عاف عليها الززززززمن وتقدرين تلبسين عليها فضيات من النوع الثقيل واكيد كلنا عندنا منها بتعطيج اللوووووك البدوي ويا كحل اسود وتكثرين ماسكار والروج خفيف ولو حاب تزيدين العيار وتثقلينه ارسمي بالكحل عند الذقن الخط حق البدو ونقطي :11::11:
يطلع رهيب وخصوصا لو حطيتي فضيات من النوع الناعم الي علراس

واااو بسمة ملاك عندك افكار وايد حلوة:26:

بس اسمحيلي شنو تقصدين بالتاتو؟؟؟

اللي اعرفه ان الناتو مثل الوشم يرسم مكان الحواجب!!!

ياليت توضحين ياعمري واكون ممنونة لك:26:

لا ياعيوني هياتم استغفر الله مااقصد الوشم حق احواجب والي تحطه ملعونه لالالا
الي اقصده فديتج التاتو اللي يكون جاهز وبتلقينه فكل المحلات الاكسسوارات والمكياج وينشال بالماي يكون على اشكال والوان وبعضها بلمعه انا مره شريت على شكل وردة جوري حمر وطالعه منها اوراق خضرا شكلها ناعم وحطيتها على جنب خدي وانا حاطه مكياج احمر ووردة حطيتها على ظهري من فوق وفي بعضها يكون شكله بالطول عشان ينحط مثلا على ايد كامله من فوق لتحت او علساق
وفي تاتو يكون على شكل فصوص ينشال وينحط كذا مره بتلقينه فمحلات شوارفسكي بس عاد هذا روعه روعه
ان شالله اكون افدتج لوتبين افكار بعد انا حاظره بكل الي عندي فمان الكريم