كل متاخره وكل محرومه .. تعالي نشجع بعض و نتعاون .. (قصتي )..

بنات آنآ آنسآنه متاخره عن الزواج ..
وضعي كله مو عاجبني ذنووب تاعبتني حييل وكل مالي اتمادى واتهاون وابعد زياده وكل مره ابعد زيااده عن ربي ..
لين خلاص قررت احط حد وبما اننا على مشارف رمضان قررت اترك كل شي يغضبه تماما يعني اخليه لربي صااافي .. ان شاء الله اقدر
فيه ذنب واحد .. لو امووت ماقدر اتركه لو آموت يعني متعوده عليه حيييل .. ومتاكده انه هو سبب كل مصايبي .. بقاوم وبحاول لين انعود واتركه .. عارفه اني ببكي وبموت ملوين مره بس لعيون رضا ربي .. بصمل وبكمل .. وحاطه ببالي ان رمضان راح يكون بدايه خير لي ولكل عمري ..يكفي نيتي الصافيه ان ربي بيساعدني وبيلطف بي ويرحمني ..



سويت لي جدول ان شاء الله راح ابدى فيه ..

1- اكون على وضوء دايم قد مااقدر ولو احدثت اجدد على طول .. ؛< نصيحه الشيخ المشيقح
2- صلاه التراويح والقيام < سهله ومقدور عليها ان شاء الله
3- بر امي < دااايم نغفل عنها وهي سبب التفريج والتوفيق بعد الله سبحانه
4- ترديت سبحان الله والحمدلله ولا اله الا الله والله اكبر
لا اله الا الله وحده لاشريك له الحمد وله الشكر وهو على كل شي قدير < ايضا نصيحه المشيقخ
5- الصدقه ولو بريال .. < نصيحه المشيقح
6- احاول افطر صايم لو واحد باليوم او اساعد الطباخه بالاكل .. اجهز السفره .. المهم يكون لي يد في التفطير



بس كله كوم وهالذنب كوم خآيفه ماقدر اتحمل .. خايفه انتكس وارجع له بقوه ..
خايفه ان ربي مايقبل لآن تركت الي عشان يوفقني ..
اعطوني كلام يجعني .. يقوي عزيمتي .. من الحين خىيفه وعارفه اني بذوق المر والامرار ... خاصه رمضان له جو خاص يخليك تشتاااق حيييييييل .. محتاجتكم بهالنقطه حيييل .. ابي كلام يقويني <
والي تبي تبدى تقول لي نبدى سوى ونشجع بعض كل يوم ندخل هتا ونساعد بعض .. ربي يوفقني ويسعدني وكل محرومه يارب ..ويقبل توبتنا ويحمينا وكل مسلمه