اناا كان شعري يضرب فيه المثل يوم كانت امي تعتني فيه يعنيي يوم كنت صغيرة وبدات مشكلتي يوم خلتني اعتمد على نفس (لها حق كانت والدة اختي الي اصغر مني) وبعدين لمن كبرت صادتني حالة نفسية على قولتكم وقعدت كل شعرة ما تعجبني اقطعها وتطلع شعرة اخس واتعس منها وهكذا ولحين عندي هالحالة شوي بس خفييييت الحمدلله لدرجة كبيرة كل ما اقول خلاص ما بلعب فيه ترد ترجع يدي وتقطع ... ادعولي الله يهون علي هالمصيبة والحين اخترب شعري من الامام يعني الشعر مقصف وخشن وما اعرف شلون ارده مثل قبل مثل الشعر الي ورا يا ريت لو عندكم حل تساعدوني ...

هلا حبيباتي ...

إسم الله على قلبج يا ملاك الخير, والحمد لله رب العالمين , وأنا توكلت على الله و الحمد لله , ربي ما قصر.... وهذا كله درس لي علشان أحط بالي و أشكر الله على النعمه ولا أفرط فيهه, والحمد لله , والله إن ربي صاد قلبي عن الأصباغ والقصات والبلاوي الثانيه , ولا يكون خاطري فيهه, والله إن شعري ولله الحمد, وباقول ما شاء الله تبارك الرحمن علشان ما أنضل روحي , إن صار أحلى,...صج إن الطول للحين ما تساوى , بس والحمد لله إن يات على الشعر, ولا يات على جلدة الراس .....

الموهيييييييم... بكمل القصة...

ثاني يوم إتصلت على راعية الصالون و خبرتهه, وقالت لازم تيين أبي أشوف, رحت لهه وهي شوي بتصيح, يا إنهه خايفه أشتكي عليهه أو إن إنكسر خاطرهه علي... أول شي قالت لي , والله هذا أكيد من عيني, وكانت كلش متأثره, وبعدين حطت لي حمام زيت وهي تمسح على شعري و تتمتم, غسلته وفهمتني إن ما في يدهه شي....

أنا اخذت قرار و أنا عندهه إنهه ما راح تشوف رقعة ويهي مره ثانيه...

رحت عند صالون, معروف عندنه إن هو مركز علاجي أكثر من تجميلي...

أول شي ,غسلو شعري بشامبوهات معينه, وهذي المسأله خذت في يدهم تقريباً ساعه, لأنهم يستخدمون على ما أعتقد 6 أنواع غسول للشعر, كل واحد يقعد في الشعر فتره و بعدين يغسلونه , ويحطون الغسول الثاني و هكذا, إلى إن يخلصون....

هذا الغسول, علشان يشيلون كل آثار المواد الكيماويه من على الشعر و الفروه, حتى حسيت إن شعري صاير نظيييييييف....

هذي أول خطوه سويتهه, وبعدين عملت هذا البرنامج, وماشيه عليه إلى اليوم...

1- مره بالإسبوع: حنه يمنيه, معجونه بماي الحلبه...ساعه إلى 3 ساعات بالشعر
2- مرتين بالإسبوع:خلطات زيوت بكميات متساويه ( سمسم,زيتون,برشوت,ترشوب,خروع هندي لونه أحمروريحته كأنهه فليت وخالطه مع هذا الخروع محلب, نوعين من الزيت جايبينهم لي من الهند, واحد منهم يعمل عمل الفكس,والثاني على أعشاب) ,إذا خلص زيت ما أشتري مثله, أتم على الزيوت المتوفره عندي مثل , أملا, لوز, أنوب.. اللي موجود, المهم إني حاطه في بالي إنهم كلهم زينين...أحطهم بالليل مع التدليك و أنا أطالع التلفزيون, لين فروة راسي تولع, ألبس إشارب وأنام فيه للصبح. ومن أوتعي الصبح أغسله..

3- وهذي الخطوه الأهم .....(الشامبو و البلسم) والله يا بنات....إن التساقط قل ولله الحمد, و بعد إن الشعر غلظ......أنا أستغرب من بعض البنات اللي يقول إن الشعر بعد كل خلطة زيوت يغسلونه مره وحده علشان يتم الزيت شوي في الشعر و الشعر يستفيد!!! بالعكس, الشعر لازم يتنظف عدل علشان يتنفس زين , ويستقبل الخلطات الثانيه...

الشامبو اللي إستخدمته , واللي بالفعل يشيل كل ما تبقى من خلطة الزيت اللي بشعري هو شامبو: Mane n' tail , والله إن الفروه تصير نظييييفه من بعده, أغسله مرتين بالشامبو و أطلع...

أنشفه شوي شوي بالفوطه, وبعدين آخذ بلسم Mane n' tail وأفركه في أطراف أصابعي, وأفرك فروة الراس,وعلى باقي الشعر, ومااااااااا أغسله...

4- ثاني يوم الصبح , أنسل شعري بجميع الإتجاهات , وأرد أحط بلسم في شعري من الجذور للأطراف....على فكره بنات, هذا البلسم له ميزة البلسم القايض و هو مو دسم و يلبد الشعر, بالعكس...صار شعري ما يدهن بسرعه...

وتامه على هالخطوات إلى اليوم.... بالنسبه للشامبو , إستخدمنه من 3 شهور, بالنسبه لي, it's the best

5- أحدد يوم بالشهر: كوب زيت الخردل على النار, لين يغلي أصبه على 3 ملاعق حنه, بتصير ريحته جداً قويه و تحر العين , أحركه و أغطيه , وهو للحين دافي مايل للحراره أصبه على شعري وأمرخه شوي و أغطيه, و أخليه بالكثير ساعتين, والله يساعدكن على غساله, بس بالفعل, له فايده كبييييييييييره بالطول والغلظ و اللمعه وعدم التساقط..

6- أحدد يوم بالشهر و أحط خلطة (مايونيز+روب+زيت سمسم+ورق آس مطحون) ساعه فقط..

5-نجي للتغذيه, كل يوم كوب إلى كوبين من (ماء ناقعه فيه حلبه) مخليته بالثلاجه , وأشربه بااااااارد علشان ما أحس بالطعم...في الإسبوع إذا تذكرت شربت عصير جزر, بس مو مواظبه عليه...

6- آخذ حبوب فيتامينات, الصبح وحده بعد الفطور, وبالليل قبل النوم آخذ حبة حديد, طبعاً سألت الدكتوره الأول وقالت لي, لا تخافين, ما يضرج إن خذتيهم, بتنفعج كثير...

7- مقلله بهارات بالأكل, ومعتمده على زيت الزيتون بالطبخ..

8- نادراًما أشرب الشاي و القهوه, معتمده على الماء ....ومكثره منه...

9- يومياً آكل روب, والخضره البارده مثل الخس...

10-إستشوار, ما أستخدم بالمره, وخاصه إن البلسم أحطه يومياً, فما ينفع الإستشوار, بس إذا حسيت إن شعري نشف شوي مسحه بمسحه بسيطه من زيت إيفا بالصبار...

والنتيجه: شعري طول ما شاء الله, واللي طاح نبت , يعني قذلتي ألحين صارت تغطي الجبهه ما شاء الله..

أي سؤال ؟؟؟

حبيبتي نسيم الأمل...هاذي عاده بايخه في إختي بعد....من تسرح أو إتفكر و مندمجه بشغله, تسحب في شعرهه من جدام وتنتف أطرافه, يعني تشوفين شعرهه من وره إشحلوه, ومن جدام متقصف , الحل في يدج, حاولي إنك توقفين هالعاده, أختي لما أكون يمهه ونطالع التلفزيون , من تسرح و تبتدي تنتف أضربهه على يدهه وهي سرحانه ما تدري, وإذا أنا بعيد و أشوفهه بدت تنتف, أفلت عليهه مخده , كلينكس, أي شي تطوله يدي ( بس مو كوب أو دلة شاي) للحين ما جربتهم...هيهيهيييي...

إنتي خلي أحد يراقبج وبتخفين, وإن شاء الله توقفين عن التنتيف...

ويعطيج العافيه...

مشكووووورة حبيبتي عالموضوع فعلا المفروض نعرف شنو اللي ممكن يتلف الشعر عشان نتجنبه

خوخه7 مشكوورة اختي على النصيحة الحلوة بس اصدقين الكل راقبني وحذرني و يسوون لي محاضرات بعد واحاول قلييت الحمدلله بس لحين بعد شوي وان شااااء الله اتركها نهائيا بفضل الله وفضل دعاكم ان شاء الله ...