كل متزوجة تدخل تعطيني رأيها

بالغلط سويت اعتماد مشاركة😂

المهم انتظروا بكمل بالرد الثاني لا أحد يعلق👌🏻

يعني طبيعي راح اصرف مبلغ كبير نسبياً...
و اشتريت لبسه للعيد معاه برضو ..
بعدها بكم يوم رمى علي كلام و اني انا صرفت ألفين :/ !
(كان مشترك بجمعية و جاه مبلغ 5 آلاف شهر رمضان)
رجعت للفواتير الي مدبسه بالاكياس لقيتني صارفة أقل بكثير ، صرفت ألف وكلها لأشياء ضرورية جداً جداً جداً
لما قلت له مدري وش راح صرف الموضوع و قال لان شاف الي نقص من بوكه الفين فيحسب كلها صرفها لي بالسوق... بس لما دققنا طلع هو الي صارفها!
وتجاوزت عن الموضوع ..
قريبتي حاجزه كوافيره للعيد ** لاتقولون ليش الكوافيرة ترى سوت لنا شي سمبل+اول عيد لي وانا متزوجة لزم اطلع كشخة بما ان كل البنات الي بعمري بالعيد ينزينون بالمشاغل**
قبل ما أأكد لقريبتي تحجز لي معاها قلت لزوجي، قال قداام ..
الي صار انه البارح لما نزلني عندها عشان اتزين هناك
ما أعطاني فلوس! و حسيته جالس يقول يارب ما تذكر لانه مابقى موضوع شاطح ما فتحه و ماكان على بعضه..
قبل ما أنزل جلست في نزاع مع نفسي اطلب منه ولا ما اطلب!
و في النهاية طلبت منه بنبره باردة كلها ثقه: أعطني فلوس أبغى أحاسب الكوافيرا..
قال ليش ماقلتي لي قبل!! الله اكبر هو موديني هناك ليش مثلاً!
المهم سألني كم أبي وقال الله غالي! لو انك عروس!
ترى كل الي طلبته 500 ، و جلس يحسب في بوكه وانا اشوف فيه فلوس كفايه !
يجلس يوهمني ان ما معاه الا 300 و انا لا تعليق
بالاخير استحى على دمه و اعطاني..
و لما جيت احاسب اكتشفت ان المبلغ اعلى من كذا
كويس كان معاي فلوس من ابوي مسكره عليها بجيب في البوك للطوارئ...
المهم أمي حبيبتي كانت موجودة عند قريبتي و مجهزة معاها فلوس متوقعه بيسحب علي!
و بعدين لما صرنا لحالنا قلت لها عن الي صار
قالت لي لا تتلككين عند الفلوس ، ولا تطلبين منه
احنا مانقصر معاك
وانا اشوف هذا الشي غلط..
انا قايلته من قبل كان لازم يحسب حسابه
وانا زوجته لو ماصرف علي في المناسبات
على مين بيصرف ان شاء الله..
اعطوني آرائكم يابنات
و رجاءً بدون تجريح أو حتى سب...
و اعتذر على الإطالة

عوديه يصرف ولاتعلمينه ان اهلك يعطونك.
عشان يتعود على النفقه.
وتصرفك كان حللو اطلبي بثقه عشان يعطيك.
الله يفرج لك ولي وكل مسلمه

هلا حبيبتي كل عام وانتي بالف خير وينعاد عليكم بالصحه وبالسلامه ... انتي الغلط منج انج معودتيه ان اهلج يصرفون عليج المفروض لما تطلعين مكان تطلبين فلوس حتى لو مب بحاجه عشان يتعود واذا رفض قوليله انت زوجي وملزوم تدفع مصاريفي هذي مسؤوليه عليك و واجب .... انا هذا رائيي الخاص يعني انا زوجي الحمدالله والشكر حتى لو وضعه مب زين لما اطلب منه او اقوله بروح السوق هو بروحه يعطيني فلوس من غير لاطلب لاني معودتنه على هالشي

زوجك ظروفه ما تسمح بهاد الفشخرة وكوافيرة تبقا له ثلاتة الف //الف لملابسك وخمس مئة للكوافيرا ايش بقا مصروف يكفي تتزيني ببيتك وتوفري على رفيق دربك