اعتقد المواجهه ما تنفع التلميح احسن والدعاء قدامه وهو يسمع والله لا يحطني في هالموقف ويسخر ويهدي كل رجال لزوجته

وايد صعبة الصراحة

بس انا نوعي ما اخبي شي ويبان على الزعل والمشكلة الاكبر عمري ما بوثق فيه نهائيا وكل مرة اطلع طاريه لين ما يتملل

ايه بعد بصير جاسوسة ولا كونان


اما شنو انصح


انا نصحت صديقتي وزوجها ايخونها 24 ساعة ما خلت معام شي المسكينة صارحته ما فاد صار يتكلم عيني عينك فالنت
\



اخر شي قلتلها ربي اعيالش وياه وصبري وادعي ربش


وسبحان الله صار ما ايخونها الحين


والله اعلم

يا رمرومة جاوبتك في موضوعك الاول بعد عن الخيانةالمواجهة بتفاقم الموضوع ، راح يصيع و يميع على كيف كيفو و يقول خلاص هي تدري الخفي الحياة الزوجية مع الاسف ادا كان شريكك من النوع الخاين ، اولا لازم تكوني قوية الشخصية و لا تخلين واحد مستواها واطي مع واحدة زييه يلخبطو حياتك ، خليك واثقة من نفسك ،خليك على نمط حياتك اي يعني اتكشخي و ريبي بيتك واهتمي فيه يعني شرعيا لا تمنعين نفسك عليه، يعني كملي حياتك،لانه ه النوع لو واجهتيه و زعلتي و صرختي ما راح يجيب نتيجة ممكن يتناقش معاك و هادي اشوفها استحاله ممكن ينكر مكن يوعدك بس بعد كم يوم بترجع حليمة ههههالمهم هو بيخون رب العالمين قبل لا يخونك انتي و سلمي امرك لرب العالمين و احتسبي، لا تجعليه كل حياتك و لا تفتشين وراهطولت شوي اسفة هههههههه

قسم بالله كرهت الدنيا من هالموضوع اللي صار هاجس بحياتي و صرت حساسة جدا منه
يارب لا تفجعني في نفسي ولا احبابي ولا من يعز علي يارب اني ضعيفة ما اتحمل ابد

1- لو كشفتي زوجك انه يكلم وحده وش ردة فعلك؟
الحمد لله زوجي مو من هالنوع الله يستر عليه لكن بحط نفسي مكان زوجة الخائن الله لا يقدر..
طبعا لا يمكن ابين له شي علشان مايتمادى بالغلط ويصير يكلم قدامي لان الرجال بنظره مايعيبه شي وبيقول لو انا مرتاح مادورت عالبديل يعني بترجع براسي حتى لو كنت برييييئه ..... لكن ببحث بنفسي وببيتي !! انا مقصره بشي معاه ؟ شكلي مو مرتب ؟ ماعفيته صح واشبعت كل حاجاته ؟ انا نكديه وطلباتي ماتخلص ؟ ماوفرت الهدوء والسعاده ببيتي ؟ بيتي مكركب و مو نظيف وريحة الطبخ تفووح ؟ كيف علاقتي بربي محافظه ومااغضب ربي بشي لانه ربما يكون عقاب من الله ؟ يعني ابحث واضع نفسي وبيتي تحت المجهر هل فيه مبرر للخياانه ولا لا؟ فلازم انتبه واعتني بنفسي وببيتي ولااقصر بشي علشان ماعطيه مجال يمسك علي زله او تقصير اذا انا توووب وماقصرت بشي ابداء اشتغل عليه من تحت لتحت وبدون مايحس اني عارفه ..

2 -رساله توجهينها للزوجة التي تعاني من خيانة زوجها ؟
اقولها الجأي الى الله عز وجل اولا وألحي بالدعاء ان الله يرد لك زوجك ردا جميلا ويحفظ سمعه وبصره وفرجه من الحراام واكثري من الاستغفاار وقومي الليل وخلي زوجك يشوفك وانتي تصلين ورافعه يدينك تدعين علشان يخاف لا تدعين عليه وبيداء يحاسب نفسه ولا تبينين له انك عارفه خلي نفسك ولا كانك داريه بشي وجيبي له سالفة وحده مسكوها الهيئه طالعه مع واحد وانه كيف تجراء يدخل بيوت الناس وينتهك حرماتهم ؟ ماخاف ان الله يعاقبه باهله ومحارمه ويفضحه لان من طق باب الناس طقو بابه وهذا يدل على تربيته اكيد اهله ماربوه يحترم خصوصيات الاخرين ويحكم العقل على العاطفه لان السفيه هو اللي يتبع عواطفه ومايعرف يفكر بعقل وحكمه ويحذر من عواقب الخطأ اللي يسويه لانها ممكن تنقلب على راسه احيانا من دعوه تجيه وهو مايدري وتقوله انا دايم ادعي على اي واحد يغازل ويكلم بنت الناس من وراى اهلها ان الله يصيبه بحادث يشل كل جسمه مو بس لسانه علشان يعرف ان الله حق ومطلع عليه..... ومن هالكلام اللي يخرش بس تكونين عاااديه ولا كانك تقصدينه علشان اذا شافك تصلين وتدعين يخاف ويراجع نفسه .... وبطريقه ذكيه تاخذين رقم او ايميل البنت اللي يكلمها وتعطينه شيخ ثقه او الهيئه وتقولي لهم انصحوها بتخرب بيتي وتفرق بينا وهم ماراح يقولون انه فلان تشكي منك لا بطريقه سريه بينصحونها واذا زوجك عرف وشك انه انتي اللي عطيتيهم الرقم انكري وخليك واثقه من نفسك لانك تغيرين منكر وقولي يمكن واحد ثاني تكلمه وتتسلى فيه زيك لكن اهله اكشفوه وافضحو امره على بالك انك حبيبها الوحيد ياعيوني لا دام كلمتك بالحراام اكيد بتكلم غيرك لكن خاف الله وتب واستغفر لا يعاقبك ببناتك او خواتك او بنات خواتك وخوانك لان الشر يعم وبتلحقك الفضيحه .... وبس اتمنى اكون وفقت بحل مناسب واللي تشوفه مو حلو لا تسويه وتشوف اللي يريحها انا حبيت اساعد اللي يعانون من الخيانه وجت على بالي هالفكره وغالبا اللي تتغابى ولا تواجه هي اللي يرتاح بالها وتنحل مشكلتها وللعلم ترى الرجال يختلفون فيهم اللي يسوي الغلط وهو مو مقتنع فيه لكن نتيجه ضغوط نفسيه يتهرب منها وبمجرد ماتنحل مشاكل بيته يرجع زي ماكان ويمسح الرقم وبعضهم لا تكون هوايته المغازل يكلم اكثر من وحده يتسلى حتى لو ماعنده مشاكل وزوجته تووب معه هذا اسال الله ان يهديه ويغنيه بالحلال ويكرهه للمعصيهويجعل زوجته بنظره سيدة نساااء الدنيا.. والله المستعان ..
اللهم اني استودعك قلب زوجي فلا تسكن فيه احدا غيري واستودعك نظره فلا يرى اجمل مني واستودعك سمعه وفرجه فاحفظها من الحرااام ياارب واجعلني بعينه جمل نسااء الدنيا وصلى الله على نبينا محمد ...وساامحوني عالاطاله